Magistratura bosqichida oʻqiyotgan ayol-qizlar uchun Shveysariyada 6 oy tadqiqot olish borish imkoniyatini taqdim etuvchi INSPIRE Potentials – MARVEL Masterʼs Fellowships dasturi

INSPIRE Potentials – MARVEL Masterʼs Fellowships ilmiy fanlar, texnologiya yoʻnalishida magistratura bosqichida oʻqiyotgan ayol-qizlar uchun Shveysariyaning NCCR (National Centre of Competence in Reserach) MARVELga tegishli laboratoriyada “Hisoblash dizayni va Yangi mahsulotlar kashfiyoti” (Computational Design and Discovery of Novel Materials) boʻyicha tadqiqot olib borish imkoniyatini taqdim etadi. Ushbu dastur turli laboratoriyalar tomonidan taqdim etilgan hisoblash mexanizmi, elektron tuzilmalarni simulyatsiya qilish, texnologiyalarni oʻrganish va maʼlumotlar bazasini yigʻish sohasida tadqiqotchi ayollar sonini koʻpaytirishni maqsad etgan. Dasturning NCCR QSIT “Kvant fanlari va texnologiyasi” boʻyicha hamkorligi mavjud.

Dastur odatda 6 oy davom etadi va muvaffaqiyatli 8 nafar ayol-qizlar oʻzlarining magistrlik tadqiqotini xalqaro muhitda olib boradi. Qolaversa, ishtirokchilar safar va tibbiy sugʻurta xarajatlari moliyalashtiriladi va ular oylik stipendiya bilan taʼminlanadilar.

Dasturda ishtirok etish uchun nomzodlar quyidagi talablarga javob berishi lozim:

• Dasturda hozirda ilmiy fanlar, texnologiyaga aloqador yoʻnalishda magistratura bosqichida oʻqiyotgan ayol-qizlar ishtirok etishi mumkin;
• MARVEL laboratoriyasida oʻz tadqiqotini amalga oshirish uchun ajoyib motivatsiya va salohiyatni namoyish eta olishi lozim;
• Nomzod oʻzi tadqiqot olib borishni tanlagan universitet talablariga javob berishi shart;
• Dastur ingliz tilida boʻlgani bois ingliz tilini mukammal darajada bilishi kerak.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan ayol-qizlar ushbu imtiyozlarga ega boʻladi:

• 6 oy davom etuvchi ushbu dasturda ishtirokchilarga 12,000CHF (~$15,058) stipendiya beriladi;
• Safar xarajatlari uchun qoʻshimcha 500CHF (~$627) mablagʻga ega boʻladi;
• MARVELda oʻqish toʻlovlari va tibbiy sugʻurta xarajatlari moliyalashtiriladi.
• NCCR MARVELning tajribali tadqiqotchi professorlari va talabalari bilan ijtimoiy tadbirlarda ishtirok etadi.

Eslatma! Turarjoy va boshqa xarajatlar ishtirokchilarning oʻzi tomonidan toʻlanishi kerak.

Dasturda ishtirok etish uchun nomzodlar kerakli hujjatlarni inspire@nccr-marvel.ch elektron manzilga joʻnatishlari lozim.

Kerakli hujjatlar:

• CV/Rezyume;
• Motivatsion xat. Bunda nomzod tadqiqot olib bormoqchi boʻlgan 3 ta laboratoriya nomi keltirilgan boʻlishi kerak. Laboratoriyalar roʻyxati bilan batafsil ushbu havola orqali tanishish mumkin;
• 1 yoki 2 ta tavsiyanoma. Bunda nomzodning qolganlardan ustun tarafi taʼkidlangan boʻlishi shart. Tavsiyanomalar ushbu manzilga joʻnatiladi;
• Nomzodning universitet diplomi va barcha fanlardan olgan baholari.

Barcha hujjatlar ingliz tilida boʻlishi shart.

Saralangan ishtirokchilar email orqali yanvar yoki dekabr oylari oʻrtasida xabardor qilinadi. Muvaffaqiyatli ushbu 8 nafar ishtirokchi ayol-qizlar email qabul qilingan kundan keyin 2 hafta ichida tasdiq xabarini yuborishlari kerak.

Dasturga yilda 2 marta ariza topshirish mumkin:

• 1-mavsum — 15-oktyabrgacha
• 2-mavsum — 15-aprelgacha

Qoʻshimcha murojaatlar uchun: info@nccr-marvel.ch