0
Magistratura bosqichini Daniyada oʻqish uchun o'qish xarajatlari toʻliq qoplanadigan Danish Government Scholarship dasturi

Magistratura bosqichini Daniyada oʻqish uchun o'qish xarajatlari toʻliq qoplanadigan Danish Government Scholarship dasturi

  • 01/07/2022 Qabul boshlanishi
  • Toʻliq Moliyalash turi
  • Daniya Davlat
  • 01.09.2022 Oxirgi muddat

Mundarija

GrantGO

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr)
  • Dastur tili
    Ingliz tili
  • Yosh chegarasi
    Chegaralanmagan

Sohalar

Doʻstlar bilan ulashing

Umumiy maʻlumotlar

Janubiy Daniya universiteti Oliy taʼlim va ilm-fan vaʼzirligi koʻmagi bilan Daniya hukumat granti (Danish Government Scholarship)ni eʼlon qiladi. Ushbu grant oʻqish davomida muvaffaqiyatga erishgan chet ellik talabalarni ragʻbatlantirishga qaratilgan.

Danish Governtment Scholarship Daniya hukumati granti hisoblanib, u maʼlum bir universitetlar uchun grantlar ajratadi, ushbu grant esa aynan Janubiy Daniya universitetining ikkita magistratura yoʻnalishi uchun eʼlon qilingan.

Dasturda hujjat topshirish uchun nomzodlar aynan hujjat topshirayotgan yoʻnalishlarini bitirgan boʻlishi va oʻqish davomida aʼlo baholarga oʻqigan boʻlishi kerak, chunki grant saralash bosqichida asosan shularga eʼtibor beriladi. Nomzod universitetning magistratura yoʻnalishiga qabul qilinsa, avtomatik ravishda grant uchun koʻrib chiqiladi, yaʼni grant uchun alohida ariza topshirish shart emas.

Saralab olingan nomzodlarga kontrakt puli toʻliq toʻlab beriladi hamda kundalik yashash xarajatlari uchun 3000 Daniya kronasi miqdorida pul ajratiladi. Dasturga hujjat topshirish jarayoni 1-iyuldan 1-sentyabrgacha davom etadi.

Dastur haqida batafsil ushbu havolaorqali maʼlumot olish mumkin.

Maqbullik shartlari

Dasturda qatnashish uchun quyidagi talablar mavjud:

  • Nomzod Yevropa davlatlari fuqarosi boʻlmasligi kerak;
  • Ingliz tilini bilish va buni isbotlovchi hujjat yaʼni sertifikatga ega boʻlish lozim;
  • Bakalavr bosqichini aynan magistraturaga hujjat topshirayotgan yoʻnalishi boʻyicha bitirgan boʻlishi kerak;
  • Nomzod sentyabrda boshlanadigan magistraturaning quyidagi ikki yoʻnalishidan biriga ariza topshirishi mumkin:

- Muhandislik sohasida magistratura-Mexatronika (MSc in Engineering — Mechatronics)(ikki yoʻnalish mavjud);

-Muhandislik sohasida magistratura-Elektronika (MSc in Engineering — Electronics (Sønderborg);

  • Nomzodlar asosan bakalavr bosqichidagi ballariga qarab saralab olinadi, shuning uchun ushbu bosqichdagi baholar yuqori boʻlishi kerak.

Eslatma! Daniya davlat grantini qoʻlga kiritganlar dasturda qatnasha olmaydi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

  • Dastur uchun saralab olingan nomzodlarga kontrakt puli toʻliq toʻlab beriladi;
  • Kundalik yashash xarajatlari uchun esa 3000 Daniya kronasi miqdoridagi pul har oy berib boriladi.

Dasturning imkoniyatlari va foydali jihatlari haqida ushbu havola orqali batafsil tanishish mumkin.

Hujjat topshirish

Nomzod Janubiy Daniya universitetining magistratura yoʻnalishlaridan biriga ariza topshirishi kerak. Grant uchun alohida ariza topshirish shart emas, agar nomzod universitetning topshirgan yoʻnalishiga qabul qilinsa, grant uchun ham avtomatik ravishda koʻrib chiqiladi. Ishtirokchilar Janubiy Denmark Universitetining 3 tagacha yoʻnalishiga hujjat topshirishga ruxsat beriladi. Har bir yoʻnalish uchun alohida ariza shakli toʻldiriladi. Agar nomzod uchala yoki ikkita yoʻnalishga qabul qilinsa yoʻnalishlardan birini tanlaydi. Hujjat topshirish sanasi oʻqish sentyabrdan boshlanadigan yoʻnalishlar uchun 1-mart va oʻqish fevral oyidan boshlanadigan yoʻnalishlar uchun esa 15-oktyabr.

Nomzodlardan quyidagi hujjatlarni yuklash soʻraladi:

  • Diplom va uning toʻliq transkripti;
  • Shu yili bitiradigan va hali diplom olmaganlar baholar transkriptini yuklashlari mumkin;
  • Bakalavr yoʻnalishining tarjima qilingan va tasdiqlangan taʼrifi;
  • Ingliz tilini bilishini isbotlovchi hujjat (sertifikat);
  • Agar nomzod qoʻshimcha qandaydir yoʻnalishda, kursda tahsil olayotgan yoki tugatgan boʻlsa, shuni isbotlovchi hujjat;
  • Qoʻshimcha hujjatlar yaʼni CV, yozma ariza va boshqa hujjatlar kerak boʻlishi yoki boʻlmasligini hujjat topshirilayotgan yoʻnalishga bogʻliq ravishda talab qilinadi. Magistratura yoʻnalishiga ariza topshirish vaqtida bilib olish mumkin.

Eslatma! Nomzod diplomi va hujjatlari ingliz, daniya tili, shvedcha va norveg tillariga tarjima qilinishi mumkin. Hujjatlar tarjimasi rasmiy jihatdan tasdiqlangan boʻlishi lozim. Yevropa davlatlari fuqarosi boʻlmagan xalqaro talabalar uchun 100 yevro miqdordagi ariza topshirish toʻlovi mavjud. Toʻlov yoʻnalish uchun ariza topshirishdan avval qilinadi.

Universitetning oʻqish sentyabr oyida boshlanadigan yoʻnalishlari uchun qabul muddati oʻtib ketgan. Fevral oyida oʻqish boshlanadigan yoʻnalishlar uchun hujjat topshirishdan tortib javoblar eʼlon qilinishigacha boʻlgan muddatlar quyidagicha:

1-iyul-onlayn ariza qabul qilish boshlanadi;

1-sentyabr-xalqaro talabalarning dasturga ariza topshirish muddati yakunlanadi;

15-oktyabrdan boshlab-nomzod topshirgan hujjatlarida qandaydir kamchiliklar boʻlsa xabar beriladi;

7-noyabr-kamchiligi bor hujjatlarni toʻldirish uchun berilgan vaqt tugaydi;

1-dekabr- bakalavrni hali bitirmay baholar transkriptini topshirib turgan nomzodlarga diplomlarini topshirish uchun oxirgi muddat;

10-dekabr-natijalar eʼlon qilinadi;

15-dekabr-oʻquv joyini tanlashning oxirgi muddati;

Muhandislik sohasida magistratura-Mexatronika (MSc in Engineering — Mechatronics) haqida ushbu havola orqali maʼlumot olish mumkin.

Muhandislik sohasida magistratura-Elektronika (MSc in Engineering — Electronics (Sønderborg) haqida ushbu havola orqali maʼlumot olish mumkin.

Dasturga ariza topshirish boʻyicha video yoʻriqnoma bilan ushbu havola orqali tanishish mumkin.

Universitetga ushbu havola orqali onlayn ariza topshirish mumkin.

Dasturga ariza topshirish uchun toʻlov qilish jarayoni bilan ushbu havola orqali batafsil tanishib chiqish mumkin.

Rasmiy havola Hujjat topshirish

Qoʻshimcha maʻlumotlar

Daniya taʼlim tizimi haqida ushbu havola orqali maʼlumot olish mumkin.

Dastur haqidagi qoʻshimcha maʼlumotlarni quyidagi ijtimoiy tarmoqlar orqali ham topish mumkin:

Maʼlumot uchun:

Email: sdu@sdu.dk

Tel: +45 6550 1000

Oʻxshash dasturlar

Bakalavr Magistr talabalari
Avstraliyadagi Macquarie universitetida bakalavriat va magistratura bosqichida o’qish uchun oʻzbekistonlik talabalar uchun maxsus grant
Magistr talabalari
Belgiyada magistratura bosqichini toʻliq moliyalashtirilgan holda oʻqish uchun Master Mind Scholarship granti
Magistr talabalari Doktorantura talabalari
Global Korea Scholarship (GKS): Koreyada magistratura va doktorantura bosqichini toʻliq moliyalashtirilgan holda oʻqish uchun grant
Doktorantura talabalari
Dunyoning yetakchi universitetlaridan biri boʻlgan University of Liverpoolda 62 sohadan biri boʻyicha grant asosida PhD kurslarida o'qish imkoni
Magistr talabalari
Angliyaning nufuzli Manchester universitetida magistratura bosqichini oʻqish uchun toʻliq grantlar
Daniya
Magistratura bosqichini Daniyada oʻqish uchun o'qish xarajatlari toʻliq qoplanadigan Danish Government Scholarship dasturi
Rasmiy havola Hujjat topshirish

Veb-saytimizdan foydalanishni davom etish orqali siz bizning cookie qoidalarimizga rozilik bildirasiz.

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar