Magistratura bosqichini farmasevtika va biofarmatsevtika yoʻnalishida oʻqish uchun Erasmus Mundusdan BIOPHAM Masters Program dasturi

Erasmus Mundusʼning BIOPHAM Master Program bu toʻliq ingliz tilida oʻqitiladigan ikki yillik magistrlik dasturidir. Ushbu dasturda materialshunoslik, fizika va materiallar kimyosi va ularni farmatsevtikaga tatbiq etish boʻyicha yuqori darajadagi nazariy va amaliy tayyorgarlikka ega malakali bitiruvchilar va xalqaro talabalar ishtirok etishi mumkin.

BIOPHAM toʻrtta tan olingan Yevropa universitetlari konsorsiumi tomonidan tashkil etilgan boʻlib juda katta xalqaro kompaniyalar tarmogʻi, keng koʻlamli obyektlar va tegishli universitetlar bilan hamkorligi mavjud.

Dasturga qabul qilingan talabalar toʻliq ingliz tilida oʻqitiladigan Lill universiteti (Fransiya), Piza universiteti (Italiya), Sileziya universiteti universiteti (Polsha) va Kataluniya Politexnika Universiteti (Ispaniya)da bepul oʻqish bilan birga yashash xarajatlari uchun oylik stipendiya bilan taʼminlanadi.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

Dasturda ishtirok etish uchun nomzodlar quyidagi talablarga javob berishi lozim:

• Nomzod bakalavr yoki unga ekvivalent darajani tugatgan bo'lishi yoki dastur boshlangunicha tugatishi kerak. Ilmiy fanlar, yaʼni Science (fizika, kimyo, fizika-kimyo, nanofanlar) bo'yicha o'qishni tamomlaganlarga ustunlik beriladi. Biroq biofarmatsevtikaga aloqador yoʻnalishda o'qiganlar ham ariza berishi mumkin;
• Hali bakalavrni tugatmaganlar yoki diplomini olmaganlar ham topshirishi mumkin, faqat magistraturada o'qish boshlanguncha diplomni ham hujjatlar qatorida topshirishga ulgurishi kerak;
• Yuqori akademik koʻrsatkichga ega boʻlishi kerak;
• Ingliz tilidan kamida B2 (IELTS 6.5. Bunda har bir boʻlimda 5.5 boʻlishi shart/ TOEFL 90; Cambridge : CAE, CPE; TOEIC : 785; Duolingo : > 100) darajaga ega boʻlishi lozim. Agar bakalavrdagi asosiy ta'lim tili ingliz tili bo'lgan bo'lsa, sertifikat ko'rsatishi shart emas.

Dastur talablari haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imtiyozlar ega boʻladi:

• Ikki yillik magistratura oʻquv kontrakt toʻlovi toʻliq qoplanadi (€ 18,000);
• Safar xarajatlari uchun masofaga qarab yiliga €3000 gacha moddiy yordam beriladi;
• Dastur oldidan tayyorgarlik uchun bir martalik €1000 beriladi;
• Yashash xarajatlari uchun oyiga €1000 miqdorida stipendiya bilan taʼminlanadi.

Dasturning manfaatli tomonlari haqida batafsil ushbu havola orqali maʼlumot olish mumkin.

Dasturda ishtirok etish uchun avval onlayn roʻyxatdan oʻtish va kerakli hujjatlarni topshirish lozim.

Kerakli hujjatlar:

• CV (CV namunasi);
• Universitet diplomi va baholari. Agar nomzod bitiruvchi kurs boʻlsa, shu kungacha olgan baholarini taqdim etishi mumkin;
• Ingliz tilini bilishini tasdiqlovchi hujjat. IELTS 6.5/TOEFL 90);
• Pasport nusxasi;
• Yashash joyidan maʼlumotnoma;
• 2 ta tavsiyanoma. (Tavsiyanoma namunasi);
• Declaration of honor hujjati;
• Dasturga aloqador boʻlgan boshqa hujjatlar, jumladan, ish tajribasi, amaliyot oʻtaganligi haqida maʼlumotnoma.

Dasturga qabul qilinish uchun alohida motivatsion xat soʻralmasa-da, ariza toʻldirish jarayonida buni ifodalab berishi kerak boʻladi.

Muhim! Barcha hujjatlar ingliz tilida boʻlishi shart.

Dasturga hujjat topshirish haqida batafsil ushbu havola orqali maʼlumot olish mumkin.

Eslatma: Grant uchun alohida, magistratura uchun alohida hujjat topshirilmaydi. Magistraturaga hujjat topshirishgan nomzodlar avtomatik tarzda Erasmus grantiga ham da'vogarlik qiladilar.

BIOPHAM dasturi hamkor-davlat (Partner country) talabalari uchun oʻquv kontrakt toʻlovi yiliga € 9 000 ni tashkil etadi. Dastur uchun 2023-yil 14-noyabrdan 2024-yil 12-fevralgacha Toshkent vaqti bilan soat tonggi 03:59gacha hujjat topshirish mumkin. Undan keyin hujjat topshirganlar kontrakt toʻlovini toʻlashi lozim boʻladi.

Dastur uchun berilgan kurslar roʻyxati bilan ushbu havola orqali tanishish mumkin.

Dastur haqida batafsil ushbu havola orqali maʼlumot olish mumkin.

Qoʻshimcha murojaatlar uchun: master-bioham@uni-lille.fr