Magistratura bosqichini Fransiyaning nufuzli Parij Saklay universitetida davom ettirish imkoniyati — International Masterʼs Scholarships Program IDEX dasturi
  • 10/01/2022 Qabul boshlanishi
  • Toʻliq Moliyalash turi
  • Fransiya Davlat
  • 07.05.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr), Magistr talabasi, Oliy ma'lumotli (magistr)
  • Dastur tili
    Ingliz tili, Fransuz tili
  • Yosh chegarasi
    30 yoshgacha

Sohalar

Doʻstlar bilan ulashing

Umumiy maʻlumotlar

Fransiyaning nufuzli Université Paris-Saclay oliygohi tomonidan magistratura bosqichida oʻqishni xohlovchi xalqaro talabalar uchun International Masterʼs Scholarships Program IDEX dasturi tashkil etilgan.

Dasturda ushbu oliygohning istalgan magistrlik kurslaridan birida oʻqimoqchi boʻlgan va doktorantura bosqichiga qadar ilmiy ishlar orqali oʻzini rivojlantirishni niyat qilgan 30 yoshdan kichik talabalar ishtirok etishi mumkin. Magistrlik kurslari haqida ushbu havola orqali maʼlumot olish mumkin. Dastur tanlangan sohaga qarab 1-2 yil davomida ingliz va fransuz tillarida olib boriladi.

Dasturga qabul qilingan talabalar yillik stipendiya bilan taʼminlanadi. Ularning safar va viza xarajatlarida moddiy yordam beriladi.

Maqbullik shartlari

Dasturda ishtirok etish uchun nomzodlar quyidagi talablarga javob berishi lozim:

  • Nomzod Université Paris-Saclay oliygohining magistratura bosqichiga qabul qilingan boʻlishi kerak;
  • Fransiyada bir yildan ortiq yashamagan va ariza topshirish vaqtida 30 yoshdan oshmagan boʻlishi kerak.
  • Oyiga 650€ dan oshadigan har qanday boshqa turdagi moddiy ta'minot manbayiga (funding) ega boʻlgan talabalar dasturda ishtirok eta olmaydi;
  • Ingliz yoki fransuz tillarini mukammal bilishi kerak;
  • Akademik yuqori koʻrsatkichga ega boʻlishi kerak.

Xalqaro talabalar uchun magistratura bosqichiga kirish talablari bilan ushbu havola orqali tanishish mumkin.
Dastur talablari haqida batafsil ushbu havola orqali maʼlumot olish mumkin.

Foydali tomonlari

Dasturga qabul qilingan talabalar ushbu imkoniyatlarga ega boʻladi:

  • Dasturga qabul qilingan talabalar yillik 10,000€ stipendiyaga ega boʻladi;
  • Safar va viza xarajatlari uchun qaysi davlatdan kelishiga qarab maksimum 1000€ gacha miqdorda moddiy yordam beriladi.

Eslatma: dastur ishtirokchilari ushbu imtiyozlardan Fransiyaga yetib kelganda va oʻzi tanlagan soha boʻyicha oʻqishni boshlagandagina foydalana oladi. Dastur davomida Fransiya kompaniya va tashkilotlarida amaliyot ham oʻtaladi. Amaliyot ish haqi 700€ dan oshgan taqdirda stipendiya berish toʻxtatiladi.

Dastur manfaatli jihatlari haqida batafsil ushbu havola orqali maʼlumot olish mumkin.

Hujjat topshirish

Dasturda ishtirok etish uchun nomzodlar avval universitetning magistrlik kursiga hujjat topshirishi va qabul qilinishi kerak. Ariza topshirish toʻlovi — 243€

Xalqaro talabalar uchun magistratura kurslariga hujjat topshirish haqida batafsil ushbu havola orqali maʼlumot olish mumkin. Magistrlik kursiga ariza topshirish jarayoni 2022-yil 7-mayga qadar yakunlanishi kerak.

Shundan soʻng dastur talablariga javob beruvchi talabalar hayʼat aʼzolari tomonidan saralab olinadi va ularga email orqali dasturga ariza topshirish linki yuboriladi. Nomzodlar 1 hafta ichida, yaʼni 2022-yil 14-mayga qadar dasturga ariza topshirishlari va tavsiyanoma yozib beruvchi ustozlar kontakt maʼlumotlarini taqdim etishlari kerak. Tavsiyanomalar uchun ham alohida link joʻnatiladi. 2 ta tavsiyanoma esa 2022-yil 18-maygacha ustozlar tomonidan toʻldirilishi kerak.

Qoʻshimcha maʻlumotlar

Saralash jarayoni. Nomzod ishlari baholanishida quyidagilar ahamiyat kasb etadi:

  • Akademik koʻrsatkichlari;
  • Dasturda ishtirok etishga boʻlgan qiziqishi;
  • Shaxsiy loyihasi.

Dasturga qabul qilingan talabalar email orqali xabardor qilinadi. Talabalar 8 kun ichida grantni qabul qilishini tasdiqlashi kerak. Aks holda, grant bekor qilinadi.

Universitetga ariza topshirish va oʻqish kontrakt toʻlovi haqida batafsil ushbu havola orqali maʼlumot olish mumkin.

Dastur haqida batafsil ushbu havola orqali maʼlumot olish mumkin.

Qoʻshimcha murojaatlar uchun: international-master-scholarship.idex@universite-paris-saclay.fr

Fransiya
Magistratura bosqichini Fransiyaning nufuzli Parij Saklay universitetida davom ettirish imkoniyati — International Masterʼs Scholarships Program IDEX dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar