Magistratura bosqichini Germaniyada xarajatlari qoplangan holda oʻqish imkoniyati — DAAD EPOS Scholarship

Qishloq xoʻjaligi iqtisodiyoti sohasida magistratura bosqichini Germaniyada xarajatlari toʻliq qoplangan shaklda oʻqish imkonini beruvchi DAAD EPOS Scholarship dasturi taqdim etiladi.

Dasturning asosiy maqsad rivojlanayotgan mamlakatlardagi kuchli akademik va professional tajribaga ega boʻlgan nomzodlarni qoʻllab-quvvatlashdan iborat.

Nomzodlar odatda rivojlanayotgan mamlakatdagi davlat organi, davlat muassasasi va/yoki xususiy kompaniyada ish tajribasiga ega boʻlib, texnologiya, iqtisodiyot va/yoki ijtimoiy taʼsir bilan bogʻliq rivojlanish siyosatini amalga oshirish va loyihalarni rejalashtirishda ishtirok etgan boʻladi.

Grant dasturi uchun ariza topshirish muddati 2025-yilning 15-noyabridan 15-dekabrigacha davom etadi.

Dastur haqida batafsil ushbu havola orqali maʼlumot olish mumkin.

Nomzodlar nafaqat dasturning talablariga, shuningdek, AgEcon dasturining talablariga ham javob berishi kerak:

DAAD EPOS Scholarship dasturiga qoʻyilgan talablar:

• Rivojlanayotgan mamlakat fuqarosi boʻlish kerak (Oʻzbekiston roʻyxatda bor);
• Ariza topshirish sanasidan oldin kamida 2 yillik bakalavrdan keyingi professional ish tajribasi boʻlishi lozim;

Muhim: Universitet yoki ilmiy-tadqiqot institutida oʻqitish yoki ilmiy tadqiqot olib borish kabi akademik faoliyat ushbu tashabbus uchun tegishli ish tajribasi sifatida qabul qilinmaydi. Faqat juda istisno holatlarda qabul qilinishi mumkin.

• Akademik darajalar 6 yildan eski boʻlmasligi kerak;
• Rivojlanish bilan bogʻliq motivatsiya va niyatlar boʻlishi lozim;
• Ariza topshirish muddati boʻyicha Germaniyada 15 oydan ortiq yashamagan boʻlishi shart.

AgEcon Program dasturiga qoʻyilgan talablar:

• Oʻrtacha koʻrsatkichdan yuqori natijalarga ega tegishli yoʻnalish boʻyicha bakalavr darajasi;
• Qabul qoidalarida batafsil bayon etilgan ingliz tilini bilish darajasining rasmiy isboti. IELTS Academic (umumiy ball 6,5), TOEFL iBT (90).

Eslatma: Universitetdan olingan til darajasi toʻgʻrisidagi maʼlumotnoma yetarli hisoblanmaydi. Hatto nomzod butun universitet davri davomida (masalan, Nigeriya, Gana, Keniya, Efiopiya, Hindiston va boshqalar) ingliz tilida oʻqigan boʻlsa ham, rasmiy ingliz tili testining natijasini taqdim etishi shart!

• Bakalavriat bosqichida statistika va iqtisodiyot fanlari boʻyicha oʻquv kurslari oʻtilganligini tasdiqlovchi hujjat;
• AgEcon PreTest orqali oʻzini oʻzi baholashni tasdiqlovchi hujjat.

Qabul qilishning batafsil qoidalarini quyidagi havolalar orqali yuklab olish mumkin: rasmiy (nemis tilida) (PDF); maʼlumot uchun (ingliz tilida) (PDF).

• Oʻqish toʻlovlaridan ozod qilinadi;
• Tibbiy sugʻurta va oylik yashash uchun stipendiya bilan taʼminlanadi;
• Barcha sayohat xarajatlari va tadqiqotga oid boshqa xarajatlar qoplanadi;
• Dasturni boshlashdan oldin Germaniyadagi til markazida intensiv nemis tili kursi oʻtiladi (2026-yil avgust oyidan sentyabr oyigacha).

Qishloq xoʻjaligi iqtisodiyoti (MSc. Agricultural Economics) boʻyicha DAAD EPOS Scholarship dasturi uchun arizalar ikki qismdan iborat:

1. DAAD shakllari va tegishli hujjatlarni agecon@uni-hohenheim.de manziliga elektron pochta orqali yuborish;
2. Hohenheim universitetining onlayn ariza portali — HohCampus orqali “AgEcon” dasturiga qabul uchun ariza topshirish.

Qabul qilish talablari haqida batafsil bu yerda.

Talab qilinadigan hujjatlar:

• DAAD ariza hujjatlarining barchasi uchun talab qilinadigan hujjatlar roʻyxati (PDF) — qoʻlda (ruchka bilan) imzolangan va sanasi qoʻyilgan boʻlishi kerak. Bu hujjatni chop etib, qoʻlda imzolab, qayta skaner qilish kerakligini bildiradi;
• DAAD ariza shakli (DOCX) — imzolangan va sanasi qoʻyilgan boʻlishi lozim;
• Yangilangan CV (Europass) — teskari xronologik tartibda, berilgan sanasi koʻrsatilgan va hech qanday boʻshliq (gap) boʻlmagan holatda taqdim etiladi;
• Motivatsion xat (maksimal 2 sahifa) — berilgan sanasi koʻrsatilgan boʻlishi lozim. Unda hozirgi ish faoliyati, maqsadlari va tanlangan dastur(lar)ini, tanlash sabablarini koʻrsatish kerak.

Muhim: Agar bir nechta EPOS dasturiga ariza topshirilsa (maksimal 3), har bir universitetga bir xil motivatsion xat topshirilishi kerak. Qoʻshimcha ravishda nima uchun ushbu dasturlarni tanlagani va nima uchun afzal koʻrganini koʻrsatib oʻtishi soʻraladi.

• Joriy ish beruvchidan tavsiyanoma — rasmiy blankada yozilgan, lavozim haqida maʼlumot va tavsiya berayotgan shaxsning aloqa maʼlumotlari keltirilgan, imzolangan va sanasi qoʻyilgan boʻlishi kerak.

Eslatma: Ideal holatda, ushbu tavsiyanomada dastur tugagach, vatanga qaytgandan soʻng nomzodni qayta ishga qabul qilish kafolati ham boʻlishi maqsadga muvofiq. Ushbu hujjatni ish beruvchidan nomzodning shaxsan oʻzi olishi va arizaga qoʻshishi kerak. Uni alohida yuborishlariga yoʻl qoʻymaslik lozim.

• Ish beruvchi(lar)dan olingan, hozirda ish bilan band ekanligini va kamida ikki yillik tegishli ish tajribasi talabiga mos ekanligini (bakalavr darajasini tugatgandan boshlab ariza topshirishning oxirgi muddatigacha) tasdiqlovchi ish joyidan olingan maʼlumotnoma(lar);
• Ingliz tilini bilish darajasini tasdiqlovchi hujjat. Ingliz tili testlari natijalari 15 dekabrdan keyin email orqali agecon@uni-hohenheim.de manziliga yuborilishi mumkin, lekin yanvar oʻrtasidan kechiktirilmasligi kerak;
• Diplom va akademik transkriptlarning asl nusxasi, ingliz yoki nemis tillariga tasdiqlangan tarjimalari bilan (agar boshqa tilda berilgan boʻlsa). Akademik transkriptlarda har bir kurs boʻyicha olingan kreditlar bilan birga baholar shkalasi koʻrsatilishi kerak, aks holda qoʻshimcha hujjat ilova qilinadi;
• Universitetga kirish uchun malaka sertifikati (UEQ) (oʻrta maktabni tugatganlik guvohnomasi) — asl nusxalar, agar boshqa tilda berilgan boʻlsa, ingliz yoki nemis tiliga tasdiqlangan tarjimalari bilan.
  Bu sertifikat/diplom nomzodga universitet darajasida taʼlim olish imkonini bergan hujjatdir. Masalan: maktabni tamomlaganlik toʻgʻrisidagi sertifikat, universitetga kirish imtihoni, oʻrta maktab diplomi, A-level sertifikati va hokazo.
• Reyting xati (Ranking Letter) — agar oldingi darajaning yakuniy bahosi oʻrtachadan yuqori ekanligini qoʻshimcha isbotlash kerak boʻlsa.
  Agar GPA darajasi oʻrtachadan past boʻlsa (nemis tizimida 2,5), ishtirokchi universitetdan sinfning yuqori yarmida ekanligini tasdiqlovchi reyting xatini olishi kerak.

• Dasturga hujjat topshirish uchun oxirgi muddat: 15-dekabr, 2025-yil;
• Takroran soʻraladigan savollarga javob bu yerda;
• Tel: +49 711 459 22064;
• Email: zsb@uni-hohenheim.de.

Muhim sanalar:

• Ariza topshirish muddati: 2025-yil 15-noyabrdan 15-dekabrgacha;
• Grant oluvchilarni tanlash fevral oyida boʻlib oʻtadi;
• Nemis tili kursi avgust oyida boshlanadi;
• Magistratura dasturi oktyabr oyida boshlanadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• YouTube;
• Instagram;
• Linkedin;
• TikTok.