Magistratura bosqichini informatika va kommunikatsion texnologiyalar yoʻnalishida Yevropaning nufuzli universitetlarida davom ettirmoqchi boʻlganlar uchun toʻliq moliyalashtiriluvchi Erasmus Mundus Joint Masters Degree in GENIAL dasturi
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr)
  • Dastur tili
    Ingliz tili
  • Yosh chegarasi
    Chegaralanmagan
  • IELTS talabi
    minimum 6.5

Doʻstlar bilan ulashing

Umumiy maʻlumotlar

Erasmus Mundus Joint Masters Degree in GENIAL (GrEen NetworkIng And cLoud computing) Yevropaning nufuzli universitetlarida informatika, kommunikatsion texnologiyalar kabi yoʻnalishlarda magistratura bosqichini davom ettirmoqchi boʻlgan talabalar uchun tashkil etilgan dastur hisoblanadi. Ushbu dastur yetakchi dasturiy muhandislari kelajak avlod uchun qulay va samarali boʻlgan axborot va kommunikatsion texnologiyalarni ishlab chiqishni maqsad qilgan. Bunda asosiy eʼtibor atrof-muhit muammolarini hal etishga qaratilgan.

Dasturga qabul qilingan talabalar 3 semestr davomida quyidagi universitetlarda taʼlim oladilar:

  • 1-semestr — University of Lorraine (Fransiya) oliygohida green networking (atrof-muhitni yaxshilash) yoʻnalashi boʻyicha;
  • 2-semestr — Leeds Beckett University (Buyuk Britaniya) oliygohida green ICT (atrof-muhitni yaxshilashga xizmat qiluvchi axborot va kommunikatsion texnologiyalar) yoʻnalishi boʻyicha;
  • 3-semestr — Luleå University of Technology (Shvetsiya) oliygohida cloud computing (bulutli hisoblash) yoʻnalishi boʻyicha.

Ushbu universitetlar va yana 30ta hamkor tashkilotlar koʻmagida 4-semestr davomida talabalar AKT boʻyicha magistrlik dissertatsiyasini yoqlaydi va ushbu sohaning kelajakdagi rivoji uchun oʻz hissasini qoʻshadi. Dastur tarkibiy qismlari haqida batafsil ushbu havola orqali tanishish mumkin.

Dasturni muvaffaqiyatli yakunlagan talabalar quyidagi 3 xil diplomga ega boʻladilar:

  • Masters in Complex System Engineering with specialization track in Networking, Signals and Green ICT: University of Lorraine (Frasiya);
  • Masters in Information and Technology with a specialised route in Sustainable Computing: Leeds Beckett University (Buyuk Britaniya);
  • Masters in Computer Science with specialism in Pervasive Computing and Communications for Sustainable Development: Luleå University of Technology (Shvetsiya).

Bundan tashqari, talabalar barcha hamkor universitetlar va tashkilotlarning qoʻshma diplom ilovasiga ega boʻlishadi. Dastur davomida talabalarning safar va tibbiy sugʻurta xarajatlari qoplanadi va ular oylik stipendiya bilan taʼminlanadi.

Maqbullik shartlari

Dasturda ishtirok etish uchun nomzodlar quyidagi talablarga javob berishi lozim:

  • Nomzod kompyuter muhandisligi, informatsion texnologiyalar kabi yoʻnalishlarda bakalavr bosqichini yakunlagan boʻlishi kerak;
  • Yuqori akademik koʻrsatkichga ega boʻlishi lozim;
  • Ingliz tilini yetarli darajada bilishi kerak. Kamida IELTS 6.5, TOEFL 95 talab etiladi;
  • Dasturda ishtirok etish uchun katta qiziqishga ega boʻlishi va uni ariza topshirishda buni namoyon eta olishi kerak.

Dastur talablari haqida batafsil ushbu havola orqali maʼlumot olish mumkin.

Foydali tomonlari

Dasturga qabul qilinganlar quyidagi imtiyozlarga ega boʻladi:

  • Yevropaning nufuzli universitetlarida bepul oʻqish bilan birga ushbu oliygohlarning 3 xil diplomiga ega boʻladi;
  • Ishtirokchilar yashash xarajatlari uchun oyiga €1000 (~$1128) stipendiya bilan taʼminlanadi;
  • Safar xarajatlari uchun masofaga qarab yiliga €3000, kelib joylashib olish uchun qoʻshimcha €1000 gacha moliyaviy yordam beriladi;
  • Tibbiy sugʻurta xarajatlari qoplanadi.

Dastur manfaatli jihatlari haqida batafsil ushbu havola orqali maʼlumot olish mumkin.

Hujjat topshirish

Dasturda ishtirok etish uchun nomzodlar ushbu havola orqali ariza topshirishlari va kerakli maʼlumotlarni taqdim etishlari kerak.

Kerakli hujjatlar:

  • Fuqaroligini tasdiqlovchi hujjat;
  • Pasportning shaxsiy surat aks etgan qismi nusxasi (PDF);
  • CV/Rezyume;
  • Bakalavr diplomi va uning baholari;
  • 2 ta tavsiyanoma;
  • Ish tajribasi haqida maʼlumot;
  • Til bilishini tasdiqlovchi hujjat. Kamida IELTS 6.5 (Bunda writing, yaʼni yozish koʻnikmasi kamida 6.0 ball boʻlishi kerak) TOEFL 95 yoki ekvivalent;
  • Motivatsion xat.
  • Akademik yutuqlarini tasdiqlovchi hujjatlar.

Barcha hujjatlar ingliz tilida boʻlishi shart.

Qoʻshimcha maʻlumotlar

Saralash bosqichi. Ariza topshirish jarayoni yakunlangan soʻng ishtirokchilar topshirgan hujjatlariga asosan baholanadi. Bunda har bir talab etilgan hujjat uchun 5 ballgacha qoʻyiladi:

  • Akademik koʻrsatkichi (45%);
  • Til bilish darajasi (25%);
  • Qoʻshimcha hujjatlar (15%);
  • Akademik yutuqlarini tasdiqlovchi hujjatlar (15%).

Saralanagan nomzodlar onlayn intervyuga taklif etiladi va intervyuda 10 ta savolga javob berishlari kerak boʻladi. Muvaffaqiyatli nomzodlar may oyining oʻrtalarida email orqali xabardor etiladi.

Yevropa
Magistratura bosqichini informatika va kommunikatsion texnologiyalar yoʻnalishida Yevropaning nufuzli universitetlarida davom ettirmoqchi boʻlganlar uchun toʻliq moliyalashtiriluvchi Erasmus Mundus Joint Masters Degree in GENIAL dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar