Magistratura bosqichini to‘liq moliyalashtirilgan holda Xitoyda o‘qish imkonini beruvchi Yenching Academy Scholarship dasturi

Dunyoning istalgan burchagidan tashrif buyuruvchi, yoshi, tili, dini va irqidan qat’i nazar, ijtimoiy-gumanitar sohada magistratura bosqichini Xitoyda o‘qishni orzu qilgan barcha qiziquvchilarni Yenching akademiyasi grant asosida Pekin universitetida o‘qishga chorlaydi. 

Har yili 120 ta talaba grant asosida o‘qishga qabul qilinadi, ular orasidan xalqaro talabalarning ulushi 75%ni tashkil etadi. 

Ingliz tilini yaxshi bilgan hamda bakalavr diplomiga ega yoshlar Pekin universiteti taklif qiluvchi 6 ta yo‘nalish (Iqtisodiyot va menejment; tarix va arxeologiya; falsafa va dinshunoslik; siyosat va xalqaro munosabatlar; huquq va jamiyat; adabiyot va madaniyat) bo‘yicha tadqiqotlarini amalga oshirishi mumkin. 

Dasturning bosh maqsadi - Xitoy tadqiqotlari bo‘yicha magistrlik dasturi orqali Xitoy va butun dunyo o‘rtasida ko‘prik qurish, Xitoyni va uning dunyodagi o‘rni - o‘tmishi, hoziri va kelajagini o‘rganish mumkin bo‘lgan intensiv ta’lim muhitini yaratish, Xitoy fuqarolari haqida yangi tushunchaga ega bo‘lgan yangi avlod vakillarini shakllantirishdir. 

Dastur Yenchin akademiyasi tomonidan to‘la moliyalashtiriladi (bepul o‘qish, turarjoy, stipendiya va b.). Dasturga qabul qilingan talabalar nafaqat sifatli ta’lim, madaniyatlararo va akademik almashinuvga ega bo‘ladilar, balki shaxsiy va kasbiy rivojlanish uchun ham noyob imkoniyatni qo‘lga kiritadilar. 

Dastur haqida batafsil bu yerda tanishish mumkin.

• Kamida bakalavrlik diplomiga ega bo‘lishi yoki 2026-yil 31-avgustga qadar diplomini qo'lga kiritadigan bo'lishi kerak;
• Yuqori akademik natijalarni qayd etgan bo‘lishi lozim;
• Ingliz tilini bilish darajasini tasdiqlovchi hujjati bo‘lishi shart;
• Turli fanlar kesishmasi doirasida Xitoyni o‘rganishga bo‘lgan kuchli qiziqish;
• Ijtimoiy hayotda faol, qo‘shimcha yutuqlarni qo‘lga kiritgan, mas’uliyali, yetakchilik qobiliyatiga ega bo‘lishi zarur.

Eslatma: Pekin universitetidan boshqa universitetda tahsil olayotganlar grant uchun ariza topshira olmaydilar.

Grant yutib olgan talabalarga quyidagi imtiyozlar beriladi:

• To‘liq grant asosida bepul o‘qish imkoniyati;
• Bepul yotoqxona (xalqaro talabalar uchun 1-o‘quv yilida yotoqxonada turish majburiy);
• Oylik stipendiya;
• Xitoyga borish-kelish chiptasi xarajatlari;
• Tadqiqot xarajatlari uchun alohida mablag‘ beriladi.

Arizachilar quyidagi tartibda hujjat topshirishlari lozim:

• To‘ldirilgan onlayn ariza shakli;
• Shaxsiy bayonnoma (Personal statement) - maksimal hajm: 750 so‘z;
• Tadqiqot mavzusi yoritilgan bayonnoma (maksimal hajm: iqtiboslarni ham hisobga olganda,1500 so‘z);
• CV;
• Rasmiy tasdiqlangan diplom ilovasi;
• Universitetda o‘qiyotganlik (Pekin universiteti) yoki bitirganlikni (nomzodning o‘z o‘qishi) tasdiqlovchi diplom yoki sertifikatlar;
• 2 ta tavsiyanoma xati;
• Ingliz tilini bilish darajasini tasdiqlovchi hujjat:

○ IELTS (Academic): jami 7.0

○ TOEFL (iBT): jami 100

○ Cambridge English Scale (Advanced): jami 185

○ CET 6: jami 600

○ TEM 4: o‘tish darajasi “良好” yoki undan yuqori

Muhim: 

• Mahalliy ingliz tilida so‘zlashuvchilar va talabalar yoki  asosiy o‘qish tili ingliz tili bo‘lgan diplom egalari (bakalavr yoki undan yuqori) ingliz tilini bilish test sinovlarini topshirishlari shart emas.
• TOEFL va IELTS test natijalari 2024-yil 1-sentabrdan keyin olingan bo‘lishi kerak.
• Barcha ingliz tilini bilish darajasini tasdiqlovchi sertifikatlar to‘g‘ridan-to‘g‘ri test markazi tomonidan yuborilishi kerak.
• Ariza to‘ldirishdan oldin ushbu havola orqali shartlar bilan batafsil tanishib chiqish kerak!

Barcha arizalar 2025-yilning 1-dekabriga qadar topshirib bo‘linishi lozim. Nomzodlarni saralashda va mukofotlashda Yenching akademiyasi hamkor universitetlar ko‘magiga tayanadi. 

Arizalarni ko‘rib chiqish Yenching Akademiyasi qabul komissiyasi tomonidan yakunlanadi. Finalchilar qishda va erta bahorda suhbatga taklif qilinadilar va taklifnomalar, odatda, taxminan bir hafta oldin yuboriladi. Suhbatlar masofaviy tarzda yoki jonli tarzda Pekinda o‘tkazilishi mumkin. Suhbatdan muvaffaqiyatli o‘tganlarning arizalari Pekin universitetida ko‘rib chiqiladi, magistraturaga qabul tasdiqlanganidan so‘ng, qabul takliflari qabul yilining iyun oyi oxirigacha pochta orqali yuboriladi.

Qoʻshimcha maʼlumot va savollar uchun:

• Elektron pochta: yca-admissions@pku.edu.cn
• Tel:+86-1-62744510or +86-1-62766358
• Tezkor savol-javoblar bo‘limi
• Manzil: Jingyuan Courtyard 3, Peking University, 5 Yiheyuan Road, Haidian District, Beijing, China 100871