Magistratura bosqichini Yaponiyaning nufuzli Tsukuba universitetida davom ettirmoqchi boʻlganlar uchun to'liq moliyalashtiriluvchi Special Program in Japanese and Eurasian Studies dasturi

Yaponiyaning nufuzli oliygohlaridan biri Tsukuba universitetida magistratura bosqichini oʻqimoqchi boʻlgan Markaziy Osiyo va Ozorbayjon yoshlari uchun maxsus Special Program in Japanese and Eurasian Studies dasturi tashkil etilgan. Dasturdan koʻzlangan maqsad Markaziy Osiyo va Ozarbayjonning barqaror rivojlanish masalalarini oʻrganish va ularni rivojlantirishdan iborat.

Ushbu dasturda jami 10 nafargacha ishtirokchi 18 oy davomida Nippon Foundation Central Asia (NipCA) tomonidan toʻliq moliyalashtirilgan holda oʻqishga muvaffaq boʻladi.

Dasturda ishtirokchilar Tsukuba universitetining biznes, gumanitar va ijtimoiy fanlar boʻyicha magistratura bosqichida oʻqidi. Talablar 50 dan ortiq ingliz tilida oʻqitiladigan kurslarda berilgan davlatlarning xalqaro aloqalari va global muammolarini oʻrganish va ularni tahlil qilish imkoniga ega boʻladi.

Dasturning avvalgi ishtirokchilari haqida batafsil ushbu havola orqali maʼlumot olish mumkin.

Dasturda ishtirok etish uchun nomzodlar quyidagi talablarga javob berishi lozim:

• Nomzod bakalavr bosqichini yakunlagan boʻlishi lozim. Bitiruvchi kurs talabalari ariza topshirishlari mumkin;
• Ingliz tilini yaxshi bilishi darkor. Til bilish darajasini tasdiqlovchi sertifikat qabulning 2-bosqichida soʻraladi (IELTS 6.0, TOEFL IBT 80, TOEFL CBT 230, TOEFL PBT 500);
• 2022-yil sentyabr oyining soʻnggi haftasigacha Yaponiyaga yetib kelishi lozim;
• Nippon Foundation jamgʻarmasidan boshqa tashkilot grantini qoʻlga kiritgan va dastur boshlangunga qadar bakalavr bosqichini yakunlay olmaydigan talablar ishtirok eta olmaydi.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan talabalar quyidagi imtiyozlarga ega boʻladi:

• Ishtirokchilar oʻquv kontraktidan ozod etiladi;
• Borish-kelish xarajatlari qoplanadi;
• Oyiga 106,350 iyen (~$943) stipendiya bilan taʼminlanadi.

Dasturda ishtirok etish uchun quyidagi amallarni bajarish lozim:

• 1-bosqich. Nomzodlar toʻldirilgan ariza shaklini spcainfo@ml.cc.tsukuba.ac.jp elektron manziliga yuborishlari kerak;
• 2-bosqich. Qoʻshimcha hujjatlar 1-bosqichdan oʻtganlar tomonidan taqdim etiladi. Bu bosqichda saralangan nomzodlar oʻz davlatida intervyu va imtihon topshiradilar. Intervyu kunida nomzod oʻzi bilan kerakli hujjatlarni ushbu manzilga olib borishi yoki pochta orqali yuborishi lozim:
  • SPJES, Special Program in Japanese and Eurasian Studies, Degree Program in International Public Policy, Graduate School of Business Sciences, Humanities and Social Sciences, University of Tsukuba Tennodai 1-1-1, Tsukuba-shi, Ibaraki-ken JAPAN 305-8571
  • E-Mail: spca-info@ml.cc.tsukuba.ac.jp
• Kerakli hujjatlar:
  • Dastur ariza shakli (1-bosqichdan oʻtgan nomzodlarga beriladi);
  • 8 ta shaxsiy fotosurat (30x40mm);
  • Muhrlangan konvertda tavsiyanoma;
  • Bakalavr diplomi va baholari. Bitiruvchi bosqich talabalari uchun universitet baholari;
  • Til sertifikati (TOEFL, IELTS, GRE va b.) Sertifikat olinganiga 2 yildan oshmagan boʻlishi kerak.

Eslatma! Barcha hujjatlar ingliz tilida taqdim etilishi shart.

Muhim sanalar:

• 2024-yil fevral-mart oylarida saralangan nomzodlar bilan intervyu va imtihon boʻlib oʻtadi;
• Aprel oyining oʻrtalarida qoʻshimcha hujjatlar taqdim etiladi;
• Aprel oyi oxirida saralanganlar bilan yana intervyu boʻlib oʻtadi;
• May oyida muvaffaqiyatli nomzodlarga universitet tomonidan qabul qilinganlik xati yuboriladi;
• 2024-yil 1-oktyabrdan oʻqish boshlanadi.

Ariza topshirish yoʻriqnomasi bilan ushbu havola orqali tanishish mumkin.

Qoʻshimcha savol va murojaatlar uchun: spca-info@ml.cc.tsukuba.ac.jp