Magistratura va doktorantura bosqichini Koreyada o'qish uchun barcha xarajatlari qoplanadigan KOICA granti

Koreya xalqaro hamkorlik agentligi (KOICA-Korea International Cooperation agency) va “Oʻzkimyosanoat” AJ hamkorligidagi qoʻshma loyiha Koreyaning nufuzli oliygohida kimyo sohasida magistratura va doktorantura bosqichida tahsil olish imkonini beruvchi grantni eʼlon qiladi. Ushbu loyiha asosiy infratuzilmalarning sifatini oshirish va texnologiyalarni takomillashtirish orqali Oʻzbekistonda kimyo sanoatini rivojlantirishni maqsad qilgan. KOICA dasturi uchun shijoatli, tirishqoq va yaratuvchan nomzodlar saralab olinadi.

Grant gʻoliblarining barcha xarajatlari qoplanadi. Dasturning magistratura bosqichi uchun 12 ta va doktorantura uchun esa 10 ta oʻrin ajratilgan. Oʻqishni muvaffaqiyatli tamomlaganlar bilan Ilmiy-tadqiqot va loyihalash instituti-Kimyo texnologiyalari markazi oʻrtasida 5 yillik ish shartnomasi tuziladi. Nomzodlar ingliz tilini bilishlari va sertifikatga ega boʻlishlari shart.

Dastur haqida ushbu havola orqali batafsil maʼlumot olish mumkin.

Dasturda qatnashish uchun quyidagi talablar mavjud:

• Magistratura bosqichiga ariza topshirish uchun nomzod kimyo yoki shunga aloqador sohada bakalavr darajasiga ega boʻlishi kerak. Agar nomzod bakalavrning soʻnggi bosqichida tahsil olayotgan boʻlsa, 2022-yilning iyun oyiga qadar bakalavr diplomini qoʻlga kiritishi va soʻngra ariza topshirishi mumkin;
• Doktorantura bosqichiga ariza topshirish uchun nomzod kimyo yoki shunga aloqador sohada magistrlik darajasiga ega boʻlishi kerak. Agar nomzod magistraturaning soʻnggi bosqichida tahsil olayotgan boʻlsa, 2022-yilning iyun oyiga qadar bakalavr diplomini qoʻlga kiritishi va soʻngra ariza topshirishi mumkin;
• Nomzodlar ingliz tilini bilishlari shart. Dasturga ariza topshirish uchun kamida quyidagi darajadagi sertifikatlar talab qilinadi:

-IELTS-6.0;

-TOEFL iBT-79;

-TOEFL PBT-59;

• Ushbu grant yordamida magistratura yoki doktorantura bosqichini Janubiy Koreyada tamomlab kelganlar bilan Oʻzbekiston Kimyo texnologiyalari markazi rasmiy shartnoma imzolaydi. Bunga koʻra ular Ilmiy-tadqiqot va loyihalash instituti – Kimyo texnologiyalari markazida kamida 5 yil ishlashlari kerak boʻladi.

Dastur talablari haqida ushbu havola orqali batafsil maʼlumot olish mumkin.

Grantda asosida talabalarga oʻqitiladigan fanlar haqida ushbu havola orqali maʼlumot olish mumkin.

Grantni qo'lga kiritganlarga quyidagi imkoniyatlar taqdim etiladi:

• Dastur g'oliblarining konkrakt puli to'lab beriladi;
• Oylik stipendiya bilan ta'minlanadi;
• Har bir talabaga turar joy uchun mablag' ajratiladi;
• Janubiy Koreyaga borish va kelish uchun aviachipta olib beriladi;
• Bepul tibbiy sug'urta qilinadi.

Nomzodlar dastlab onlayn ariza shaklini toʻldirishlari va kerakli hujjatlarni joylashlari kerak boʻladi. Soʻng, onlayn ariza shaklida yuklangan hujjatlarning asl nusxasini esa “ Uzkimyosanoat”ga joʻnatish kerak boʻladi.

Dasturda ishtirok etish uchun quyidagi hujjatlar soʻraladi:

• CV;
• Oʻqish uchun taklif (Proposal for study).
• Magistrlik dissertatsiyasi (doktoranturaga hujjat topshiradiganlar uchun);
• Chet tilini bilish sertifikati (kamida IELTS 6.0, TOEFL iBT 79 yoki TOEFL PBT 59);
• Tavsiyanoma.

Hujjatlar namunasi bilan ushbu havola orqali batafsil tanishish mumkin.

Dasturda roʻyxatdan oʻtish jarayoni haqida ushbu havola orqali batafsil bilib olish mumkin.

Grant uchun nomzodlar saralash bosqichida ularning qachon qanday va qaysi yoʻnalishni tamomlaganlari va ilmiy izlanishlariga eʼtibor beriladi. Nomzodlar ish tajribalari yoki tadqiqotlarda erishgan muvaffaqiyatlariga qarab ham saralanadi. Albatta, joʻnatilgan hujjatlarga ham alohida eʼtibor beriladi. Nomzod bundan tashqari Koreya universitetining imtihonidan ham oʻtishi kerak boʻladi. Saralab olingan nomzodlardan intervyu olinishi mumkin.

Intervyuning qay tarzda olinishi, joyi va boshqa narsalar haqida alohida maʼlumot beriladi.

Dasturda oʻqitiladigan fanlar roʻyxati bilan ushbu havola orqali tanishish mumkin.

Dasturni telegram sahifasida ushbu havola orqali kuzatishingiz mumkin.

Maʼlumot uchun:

-(+998) 97 136-35-07;

-(+998) 90 139-90-07;

-(+998) 90 045-42-28;

-(+998) 93 562-76-25.