Magistratura va doktorantura bosqichini Xitoy elektronika fanlari va texnologiyalari universitetida davom ettirmoqchi boʻlgan talabalar uchun toʻliq va qisman qoplanuvchi grantlar
-
10/01/2022 Qabul boshlanishi
-
Toʻliq Moliyalash turi
-
Xitoy Davlat
-
31.03.2022 Oxirgi muddat
Umumiy maʻlumotlar
Magistratura va doktorantura bosqichini Xitoy elektron fanlar va texnologiya universitetida (University of elecrronic science and technology) davom ettirishni istagan xorijlik yoshlarni yanada qoʻllab-quvvatlash, ularga moliyaviy yordam koʻrsatish uchun ushbu universitet tomonidan UESTC University Scholarship dasturi tashkil etilgan.
Dasturda oʻz yoʻnalishi boʻyicha yuksak salohiyat va bilimga ega, akademik yuqori koʻrsatkichga ega boʻlgan yoshlar ishtirok etishi mumkin. Taʼlim ingliz va xitoy tillarida olib boriladi. Nomzodlar ushbu oliygohga kirish talablariga toʻliq javob berishi lozim.
Dasturga qabul qilingan yoshlarlar toʻliq va qisman grantlarga ega boʻladi. Magistraturada oʻqish 2 yil, doktorantura esa 3 yil davom etadi
Maqbullik shartlari
Dasturda ishtirok etish uchun nomzodlar quyidagi talablarga javob berishi lozim:
- Nomzod Xitoy fuqarosi boʻlmasligi va jismoniy, ruhiy jihatdan sogʻlom boʻlishi kerak;
- Ushbu oliygohning kirish talablariga javob berishi lozim;
- Ingliz (kamida IELTS 5.5) va/yoki xitoy tilini ((HKS6) yaxshi bilish talab etiladi;
- Yuqori akademik koʻrsatkich va yutuqlarga ega boʻlishi kerak;
- Xitoy qonunlariga rioya qilishi va ushbu oliygohda oʻqish uchun katta qiziqishga ega boʻlishi shart.
Eslatma! Dasturga faqat magistratura yoki doktorantura bosqichida oʻqimoqchi boʻlganlar ishtirok etishi mumkin.
Dastur talablari haqida batafsil ushbu havola orqali maʼlumot olish mumkin.
Foydali tomonlari
Dasturga qabul qilingan ishtirokchilar quyidagi imtiyozlarga ega boʻladi:
- First class scholarship — toʻliq moliyalashtiriluvchi grant:
- Ishtirokchilar oʻqish kontrakt toʻlovidan ozod etiladi;
- Yotoqxona bilan taʼminlanadi va tibbiy sugʻurta xarajatlari qoplab beriladi;
- Yashash xarajatlari uchun oyiga 1500 RMB (~$235,8) stipendiya beriladi.
- Second class scholarship — qisman moliyalashtiriluvchi grant. Bunda yuqoridagi imtiyozlardan faqat stipendiya berilmaydi. (Faqat doktorantura talabalari uchun);
- Third class scholarship — qisman moliyalashtiriluvchi grant. Bunda kontrakt toʻlovidan ozod etiladi va tibbiy sugʻurta xarajatlari qoplab beriladi. (Faqat magistrlar uchun).
Dastur manfaatli jihatlari haqida batafsil ushbu havola orqali maʼlumot olish mumkin.
Qoʻshimcha maʻlumotlar
Eng koʻp berilgan savollar va ularning javobi bilan ushbu havola orqali tanishish mumkin.
Qoʻshimcha maʼlumot uchun:
- Email: admission@uestc.edu.cn
- Tel: 0086-28-61831638; 0086-28-61831730;
- Fax: 0086-28-61831637
Dastur haqida batafsil rasmiy havola orqali maʼlumot olish mumkin.