Magistratura va PhD bosqichida oʻqish uchun 2021-yilgi toʻliq moliyalashtiriluvchi Janubiy Koreyaning Gvanjou ilmiy-texnika instituti (GIST)dan grant dasturi
  • 28/02/2021 Qabul boshlanishi
  • Toʻliq Moliyalash turi
  • Koreya Davlat
  • 15/04/2021 09:00 Oxirgi muddat
Telegram kanalimizga aʼzo boʻling

Muhim tafsilotlar

  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Gvanjou ilmiy-texnika instituti (GIST) Janubiy Koreya universitetlari orasida toʻrtinchi oʻrinni egallaydi. Magistratura va PhD bosqichini Koreyada davom ettirishni istaganlar uchun barcha xarajatlari qoplanadigan grant dasturini taqdim etadi. Magistratura bosqichi 2 yil, PhD bosqichi esa 4 yil davom etadi. Ikkala bosqich uchun jami ajratilgan grantlar soni 300 tani tashkil etadi.

Maqbullik shartlari

  • Millatidan va davlatidan qatʼiy nazar barcha talabalar ariza topshirishlari mumkin;
  • Magistratura bosqichi uchun bakalavr diplomi;
  • PhD (doktorantura) bosqichi uchun magistratura diplomi talab etiladi;
  • Ingliz tilini bilish darajasini tasdiqlovchi sertifikat (minimum IELTS 6.5 yoki alternativ sertifikat)

Foydali tomonlari

Barcha xarajatlar GIST universiteti tomonidan qoplanadi. Ular quyidagilarni oʻz ichiga oladi:

1.Kontrakt

2.Har oy stipendiya beriladi:

  • Magistratura bosqichi talabalari uchun – 125 $
  • PhD (doktorantura) bosqichi talabalari uchun – 260 $
  • Ovqatlanish uchun qoʻshimcha mablagʻ ajratiladi – 90 $

Eslatma: Yuqoridagi ikkita bosqich talabalari oylik stipendiya olishi uchun kamida 9 ta kreditni toʻldirishi talab etiladi.

Oldingi semestrni oʻrtacha 3.0 yoki 4.5 va undan yuqori ball bilan tugatgan xalqaro talabalarga oyiga taxminan 100 $ miqdorida stipendiya ajratiladi;

Ilmiy loyihalarda qatnashadigan barcha talabalar uchun:

  • Magistratura bosqichi talabalari uchun – 4 200 $ miqdorida yillik stipendiya;
  • PhD (doktorantura) bosqichi talabalari uchun – 10 700 $ miqdorida yillik stipendiya

Tibbiy sugʻurta:

  • Xususiy tibbiy sugʻurtaning 80 foizi toʻlab beriladi;
  • Har yilgi tibbiy koʻrik

Samolyot chiptasi: Faqat 1 marta Koreyaga kelish chiptasi qoplanadi.

Hujjat topshirish

Topshirish uchun quyidagi hujjatlar talab qilinadi:

  1. Quyidagi sayt orqali onlayn ariza topshirish: https://service.gist.ac.kr/admission/graduate/foreigner
  2. Sertifikatlangan daraja/diplom va transkriptlar;
  3. Magistratura bosqichi uchun bakalavr diplomi yoki bakalavr darajasini tasdiqlovchi sertifikat;
  4. PhD (doktorantura) bosqichi uchun magistratura diplomi yoki magistratura darajasini tasdiqlovchi sertifikat;
  5. Apostil ilova qilingan yoki Koreya elchixonasi tomonidan tasdiqlangan hujjatlar boʻlishi maqsadga muvofiq;
  6. Belgilangan shakldagi ikkita tavsiyanoma;
  7. Tavsiya etuvchining imzosi yoki muhri boʻlishi talab etiladi;
  8. Ingliz tilini bilish darajasini tasdiqlovchi rasmiy sertifikat:

Minimal ballar:

  • 80 (TOEFL iBT)
  • 6.5 (Akademik IELTS)
  • 750 (TOEIC)
  • 600 (TEPS)
  • 327 (Yangi TEPS)
  • Yuqoridagi til bilishni tasdiqlovchi testlar belgilangan sanadan ikki yil oldin topshirilgan boʻlishi kerak;
  • Faqat asl nusxalari qabul qilinadi;
  • IELTS sertifikati boʻlsa nusxasi ham qabul qilinadi;
  • ETS uchun tashkilot kodimiz 0144;
  • Shartli qabul: ingliz tilini bilish darajasini tasdiqlovchi sertifikat uchun oxirgi muddat uzaytirilgan.

 Eslatma: Matrikulyatsiya toʻlovidan voz kechish toʻgʻrisidagi tavsiyanoma tahsil olgan universitetingiz kafedrasi tomonidan belgilangan shaklda taqdim etilishi kerak.

  • Tahsil olgan universitetingiz tomonidan Ingliz tilini bilish darajangizni tasdiqlovchi sertifikat.

Qoʻshimcha maʻlumotlar

Kuzgi semestr uchun umumiy qabul jarayoni:

Arizalar qabul qilinishining oxirgi kuni: 15-aprel

Hujjatlarni tekshirish muddati: 15 kun

Hujjatlarni batafsil koʻrib chiqish: 30 kun

Qabul natijalari: Iyun oyi oʻrtalarida

Qabul qilingan talabalarni roʻyxatdan oʻtkazish: Iyul oyi boshida.

Koreya
Magistratura va PhD bosqichida oʻqish uchun 2021-yilgi toʻliq moliyalashtiriluvchi Janubiy Koreyaning Gvanjou ilmiy-texnika instituti (GIST)dan grant dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar