Magistratura va PhD bosqichini 100% grant va stipendiya bilan Janubiy Koreyaning GIST oliygohida o‘qish imkoniyati

Magistratura va Ph.D darajasini Janubiy Koreyada oʻqimoqchi boʻlgan, shuningdek, qoʻshma magistratura yoki PhD dasturida ishtirok etmoqchi boʻlgan talabalar uchun Janubiy Koreyaning Guanjou Institute of Science and Technology — GIST oliygohi 100% grant taqdim etadi. 

Magistratura bosqichini tamomlash uchun oʻrtacha 2 yil (uzogʻi 3 yil); PhD uchun 4 yil (uzogʻi 7-8 yil.).

IT va STEM sohasiga qiziquvchi nomzodlar ariza topshirishlari mumkin.

• Qabul mudati tugagunga qadar magistratura yoki PhD bosqichi uchun ariza topshirish;
• Bakalavr diplomi topshirilayotgan yo‘nalishga mos yoki yaqin bo‘lishi va baholari yaxshi/a’lo bo‘lishi;
• Ingliz tilini bilish darajasini tasdiqlovchi sertifikat so‘ralgan darajadan past bo‘lmasligi kerak (tanlangan yo'nalishdan kelib chiqadi).

• Oʻqish toʻlovi 100% qoplanadi;
• Magistrantlarga 140.000 KRW ($104), PhD talabalariga 295.000 KRW ($220) va qoʻshimcha oziq-ovqat uchun 100,000 KRW ($75), xalqaro talabalar uchun mos 120.000 KRW ($90) oylik stipendiya;
• Tadqiqot uchun har yili magistr talabalariga 6,400,000 KRW ($4,768); PhD talabalariga 13,740,000 KRW ($10,235);
• 60% sugʻurta puli qoplanadi;
• Yillik shifokor koʻrigi bilan taʼminlanadi;
• Borish uchun havo yoʻli chiptasi beriladi (qaytish hisobda yoʻq).

Eslatma:

Qabul qilinganlar 1 martalik oʻquv toʻlovi (680,000 KRW; tax. $506) toʻlashlari lozim. Moliyaviy tomondan muhtoj talabalar ariza topshirish vaqtida toʻlay olmaslik haqidagi boʻlimni toʻldirish va qoʻshimcha talablarni bajarish orqali badaldan ozod boʻlishlari mumkin.

Arizachilar quyidagi tartibda hujjat topshirishlari lozim:

1. Online arizani to‘ldirish.

Online arizaga qo‘shimcha sifatida:

1. Notarial tasdiqlangan diplom va baholar ilovasi nusxasi.
2. 2 ta tavsiyanoma xati.
3. Arizachining pasportidan nusxa.
4. Ingliz tilini bilish darajasini tasdiqlovchi hujjat (minimum: IELTS-6.5, TOEFL-80/550, TOEIC-750, New TEPS-327) nusxasi.
5. Zarur bo‘lsa, bir martalik o‘qish pulini to‘lolmaslik arizasi (buning uchun qo‘shimcha tavsiyanoma ham kerak).

Qo‘shimcha talablar bilan bu yerda batafsil tanishish mumkin.

• Hujjatlarni tekshirish 15 kun, qayta ko‘rib chiqish 30 kun ichida amalga oshiriladi. Bahorgi semester uchun topshirgan arizachilarning qabul bo‘lganlik javobi Dekabr o‘rtalarida, Yanvarning boshida registrasiyadan o‘tganlik haqida; Kuzgi semester uchun topshirganlarniki Iyunning o‘rtalarida, Iyulning boshida esa registrasiyadan o‘tganlik haqida xabar qilinadi. 
• Ro'yxatga olish tugallanishi uchun hujjatlar to‘la qabul qilinishi va o‘qish uchun to‘lovni amaga oshirilishi kerak. Shundan so‘ng talabalik vizasiga murojaat qilinadi.

Qo‘shimcha ma’lumotlarni:

TEL : +82-62-715-3951

FAX : +82-62-715-2959

admis@gist.ac.kr manzilidan olish mumkin.