Magistratura va PhD bosqichini 100% grant va stipendiya bilan Janubiy Koreaning GIST oliygohida o‘qish imkoniyati

Magistratura va Ph.D darajasini Janubiy Koreada o‘qimoqchi bo‘lgan, shuningdek, qo‘shma magistratura yoki PhD dasturida ishtirok etmoqchi bo‘lgan talablar uchun Janubiy Koreaning Guanjou Institute of Science and Technology - GIST oliygohi 100% grant taqdim etadi. Magistr bosqichi tamomlash uchun o‘rtacha 2 yil (uzog‘ 3 yil); PhD uchun 4 yil (uzog‘i 7-8 yil.). 

IT va STEM sohasiga qiziquvchi nomzodlar ariza topshirishlari mumkin. Yo‘nalishlar keltirilgan umumiy ro‘yxat bilan bu yerda tanishishlari mumkin. 

• Qabul mudati tugagunga qadar magistratura yoki PhD bosqichi uchun ariza topshirish;
• Bakalavr yoki PhD diplomi topshirilayotgan yo‘nalishga mos yoki yaqin bo‘lishi va baholari yaxshi/a’lo bo‘lishi;
• Ingliz tilini bilish darajasini tasdiqlovchi sertifikat so‘ralgan darajadan past bo‘lmasligi kerak (tanlangan yo'nalishdan kelib chiqadi).

1. O‘qish badali 100% qoplanadi.
2. Magistrlarga 140.000 KRW($103), PhD talabalariga 295.000 KRW ($212) va qo'shimcha oziq-ovqat uchun 100,000 KRW ($87), xalqaro talabalar uchun mos 120.000 KRW ($86) oylik stipendiya.
3. Tadqiqot uchun har yili magistr talabalariga 6 400 000 KRW ($4,596); PhD talabalariga 13,740,000 KRW ($10,653).
4. 60% sug‘urta puli qoplanadi.
5. Yillik shifokor ko‘rigi.
6. Borish uchun havo yo‘li chiptasi (qaytish hisobda yo‘q).

Eslatma: Qabul qilinganlar 1 martalik o‘quv to‘lovi (680,000 KRW; tah. $571) to‘lashlari lozim. Moliyaviy tomondan muhtoj talabalar ariza topshirish vaqtida to‘lay olmaslik haqidagi bo‘limni to‘dirish va qo‘shimcha talablarni bajarish orqali badaldan ozod bo‘lishlari mumkin.

Dasturning manfaatli tomonlari bilan bu yerda batafsil tanishish mumkin.

Arizachilar quyidagi tartibda hujjat topshirishlari lozim:

1. Online arizani to‘ldirish.

Online arizaga qo‘shimcha sifatida:

1. Notarial tasdiqlangan diplom va baholar ilovasi nusxasi.
2. 2 ta tavsiyanoma xati.
3. Arizachining pasportidan nusxa.
4. Ingliz tilini bilish darajasini tasdiqlovchi hujjat (minimum: IELTS-6.5, TOEFL-80/550, TOEIC-750, New TEPS-327) nusxasi.
5. Zarur bo‘lsa, bir martalik o‘qish pulini to‘lolmaslik arizasi (buning uchun qo‘shimcha tavsiyanoma ham kerak).

Qo‘shimcha talablar bilan bu yerda yoki bu yerda batafsil tanishishingiz mumkin.

Hujjatlarni tekshirish 15 kun, qayta ko‘rib chiqish 30 kun ichida amalga oshiriladi. Kuzgi semester uchun topshirganlarning natijaso Iyunning o‘rtalarida, Iyulning boshida esa registrasiyadan o‘tganlik haqida xabar qilinadi (batafsil bu yerda). Ro'yxatga olish tugallanishi uchun hujjatlar to‘la qabul qilinishi va o‘qish uchun to‘lovni amaga oshirilishi kerak. Shundan so‘ng talabalik vizasiga murojaat qilinadi.

Qo‘shimcha ma’lumotlarni:

• TEL : +82-62-715-3951
• FAX : +82-62-715-2959
• admis@gist.ac.kr manizlidan olish mumkin.

Shuningdek, qisqa savol-javoblar bo'limiga ko'z yugurtirish mumkin.