Magistratura va PhD bosqichini Janubiy Koreyaning mashhur KAIST universitetida oʻqish uchun toʻliq grant; oylik stipendiya beriladi!

Ilm-fan sohasida izlanishlarini yoqtiruvchi, kashfiyot qilish ishtiyoqi bilan yonuvchi, yuksak taffakurli, insoniyat tarqaqqiyoti va atrof-muhit holatiga befarq boʻlmagan talabalar uchun Janubiy Koreyaning mashur KAIST universiteti (Korea Advanced Institute of Science and Technology) magistratura va PhD bosqichlariga grant eʼlon qiladi.

Oʻqish 2025-yil bahorgi semestrdan boshlanadi.

Tabiiy fanlar, erkin fanlar (ijtimoiy-gumanitar, sanʼat, matematika va b.), bioenjeniriya, injeniriya, biznes sohalariga qiziquvchi nomzodlar ariza berish imkoniyatiga ega. Yoʻnalishlarga mos KAIST fakultetlari bilan batafsil ushbu havola orqali tanishish mumkin.

Nomzodlardan ingliz tilini yaxshi bilish talab qilinadi.

Barcha talablarni qondirgan arizachilar oʻqishga qabul qilinibgina qolmay, oʻquv toʻlovidan ozod qilinadilar hamda oylik stipendiya bilan ragʻbatlantiriladilar.

1. Nomzodning bakalavr darajasi Koreya bakalavr darajasiga teng boʻlishi kerak (4 yil);
2. Ingliz tilini bilish darajasini tasdiqlovchi sertifikat 2025-yil 12-sentyabrdan keyin olingan boʻlishi va qoʻyilgan talabdan kam boʻlmasligi — minimum 6,5 (tanlagan yoʻnalishiga qarab oʻzgarishi mumkin);
3. Ota-onasi ham, oʻzi ham Koreya fuqarosi boʻlmasligi;
4. Nomzod ariza topshirgunga qadar Koreya davlatida oʻqimagan boʻlishi;
5. Magistratura bosqichiga ariza topshirganlar oʻzlari tanlagan yoʻnalish fakultetidan 3 ta; PhD nomzodlari 1 ta maslahatchi topishi hamda arizaga kiritishi lozim (tanlagan yoʻnalishiga qarab).

• Oʻqish toʻlovi toʻliq qoplanadi;
• Har oy stipendiya beriladi (stipendiya miqdori boʻlim, dastur, maslahatchi yoki tadqiqotda ishtirok etish kabi omillarga bogʻliq);
• Tibbiy sugʻurta puli qoplanadi;
• Chet ellik talabalar uchun talabalar shaharchasida tadqiqot qilish, oʻqitish yoki ishlash orqali qoʻshimcha daromad olish imkoniyatlari mavjud.

Dasturning foydali jihatlari haqida batafsil ushbu havola orqali oʻqish mumkin.

Arizachilar quyidagi tartibida hujjat topshirishlari kerak:

1. Belgilangan muddatga qadar ushbu havola orqali onlayn ariza toʻldirish kerak (ariza badali: $80). Munоsib ariza tорshiruvchilar ariza toʻlovidan оzоd qilishni soʻrashlari mumkin;
2. 2 ta tavsiyanoma xati;
3. Bakalavr yoki magistratura diplomi nusxasi va ilovasining nusxasi. (Ayni paytda soʻnggi bosqichda oʻqiyotgan talabalar ham topshirishi mumkin. Ular kutilayotgan bitiruv sanasi va diplom oʻrniga beriladigan daraja koʻrsatilgan rasmiy xatni taqdim etishlari kerak.)
4. Ingliz tilini bilish darajasini tasdiqlovchi hujjat (IELTS, TOEFL, TOEIC yoki TEPS);
5. CV/rezyume;
6. Nomzodning va ota-onasining pasportidan nusxa;
7. Nomzodning ota-onasi haqiqiy ota-onasi ekanligini tasdiqlaydigan hujjat (masalan, tugʻilganlik haqida guvohnoma);
8. Yutuqlari/Diplom yoki sertifikatlari nusxasi (ixtiyoriy);
9. Ish joyidan maʼlumotnoma (ixtiyoriy);
10. Maktab kredit baholash tizimidan nusxa (ixtiyoriy).

Hujjat topshirish jarayoni haqida batafsil ushbu havola orqali maʼlumot olish mumkin.

Nomzodlardan elektron pochtalarini muntazam tekshirib turish soʻraladi. Maʼqul kelgan nomzodlar bilan intervyu oʻtkazish uchun xabar joʻnatilishi mumkin.

Muhim sanalar:

• 2024-yil 23-sentyabrga qadar tavsiyanоmalar qabul qilinadi. Tavsiyanоmalar arizachining tavsiya beruvchisi tоmоnidan yuklanadi;
• 2024-yil 22-avgustdan 27-оktyabrga qadar joʻnatilgan hujjatlar qabul qilinadi va tekshiriladi;
• 2024-yil 28-oktyabrdan 15-noyabrga qadar intervyu oʻtkaziladi (agar zarur boʻlsa)
• 2024-yil 3-4-dekabr kunlari grantga topshirilgan arizalar koʻrib chiqiladi va saralanadi.
• Yakuniy natija 2024-yil 6-dekabr soat 13:00 da rasmiy saytda eʼlon qilinadi.

Tez-tez berib turiladigan savollarga javoblarni (FAQs) ushbu havola orqali oʻqish mumkin.

+82-42-350-2352, 2354 raqamiga qoʻngʻiroq qilib qoʻshimcha maʼlumot olish mumkin.