Magistratura va PhD bosqichini oʻqish uchun Yaponiyaning mashhur APU universitetidan toʻliq moliyalashtiriladigan MEXT(UR) granti

Xalqaro raqobatbardoshlikni oshirish va Yaponiya universitetlarida chet ellik talabalarning faol almashinuvini ragʻbatlantirish maqsadida Yaponiya Taʼlim, Madaniyat, Sport, Fan va Texnologiya vazirligi magistratura va PhD talabalari uchun MEXT stipendiyasini taqdim etadi. 

Gʻoliblar oʻqish toʻlovlaridan ozod qilinibgina qolmay, oylik stipendiya va borish-kelish uchun aviachiptalar bilan ham taʼminlanadilar. Yaponiya bilan diplomatik aloqa oʻrnatgan barcha mamlakat fuqarolari, APUda oʻqish uchun qabul qilingan taqdirlarida, stipendiya uchun daʼvogarlik qila oladilar.

Maʼlumot uchun: MEXT stipendiyasi dunyo reytingida Top 300 talik universitetlar qatoriga kiruvchi Osiyo Tinch okeani universiteti (APU) da bepul oʻqish uchun moʻljallangan. 

Dastur haqida batafsil ushbu havola orqali maʼlumot olish mumkin.

• Nomzod APU oliygohiga magistratura yoki PhD darajasi uchun oʻqishga kirgan boʻlishi kerak;
• 1991-yil, 2-apreldan keyin tugʻilgan boʻlishi shart;
• Nomzod Yaponiya fuqarosi boʻlmasligi va u istiqomat qiluvchi mamlakatning Yaponiya bilan diplomatik aloqalari boʻlishi lozim (roʻyxat mana bu yerda; Oʻzbekiston roʻyxatda mavjud);
• Oʻzlashtirishning oʻrtacha bahosi (GPA) 3.00 ballik tizimda eng kamida 2.30 boʻlishi kerak;
• Til bilish sertifikati soʻraladi (kamida IELTS 6.5);
• Ariza berish vaqtida talaba statusi bilan Yaponiyaga viza olgan boʻlishi lozim;
• Harbiy xizmatda boʻlgan yoki harbiy boʻlinma tomonidan ishga jalb qilingan fuqarolar ariza topshira olmaydi;
• MEXT grantini ilgari ham yutganlar toki 3 yillik tadqiqot tanaffusini olmaguncha qayta topshirolmaydi;
• MEXTning bu turiga ariza topshirganlar boshqa stipendiyalarga, shu jumladan,  MEXTning boshqa grantlariga qatnasholmaydi;
• Faqat 2024-yil 22-mart yoki undan keyin olingan ingliz tilini bilish sertifikatiga ega boʻlish kerak.

Muhim: Yuqoridagi talablar nomzodlarga qoʻyilgan umumiy talablardir. Topshirilayotgan yoʻnalishga qarab qoʻshimcha talablar boʻlishi mumkin.

• APU tomonidan 100% oʻqish puli qoplab beriladi;
• Yashash xarajatlari uchun oyiga 144,000 JPY (taxm. $977) pul ajratiladi (miqdori oʻzgarishi mumkin);
• Borish-kelish uchun ekonom-klassdagi aviachipta bilan taʼminlanadi.

Dasturga ariza topshirish uchun qabul 2025-yil 1-sentabrda ochiladi. Qatnashishni istaganlar ushbu havola orqali ariza topshirishi mumkin. 

Eslatma: Nomzodlar oʻz arizalarini istalgan vaqtda oʻzlari xohlagan yoʻnalish uchun oxirgi muddatdan oldin topshirishlari mumkin. Taqdim etish vaqtidan qatʼi nazar, arizalar tegishli ariza topshirish muddati tugamaguncha koʻrib chiqilmaydi.

• 2026-yildan boshlanadigan oʻqish uchun nomzod APUga 2025-yilning 12-noyabriga qadar ariza berishga ulgurishi kerak;
• Oliygoh ariza hujjatlarini koʻrib chiqadi va MEXTga tavsiya etish uchun munosib nomzodlarni tanlaydi. Shundan soʻng, agar lozim deb topilsa, nomzodlardan qoʻshimcha hujjatlarni toʻldirish soʻraladi;
• Stipendiyaga doir yakuniy natijalar bilan faqat saralab olingan nomzodlar xabardor qilinadi.
• Email: welcome@apu.ac.jp; 
• Tel: +81-977-78-1119; 
• Dastur haqida qoʻshimcha maʼlumotni quyidagi ijtimoiy sahifalar orqali bilib olish mumkin:
  • Facebook;
  • Instagram;
  • Youtube;
  • Linkedin;
  • Tiktok.