Maktab 9-sinf oʻquvchilari va kollej 1-kurs talabalari uchun Toshkent Xalqaro Maktabi(TIS)da gramt asosida tahsil olish imkoniyati

Toshkent Xalqaro Maktabi (TIS) har yili, oʻrta taʼlim maktablarida tahsil olayotgan 3 nafar eng iqtidorli oʻquvchilarga bepul oʻqish imkoniyatini taqdim etadi.

Toshkent Xalqaro Maktabi 3ta IB dasturlarining barchasini taklif etish huquqiga ega Oʻzbekistondagi yagona maktab hisoblanadi. Maktabni tamomlagandan soʻng, oʻquvchilar 150ta davlatda tan olinadigan International Baccalaureate(IB) diplomini qoʻlga kiritadilar.

Ushbu grant dasturi 1999-yilda tashkil etilgan boʻlib, tashkil etilganidan buyon Oʻzbekistondagi eng iqtidorli oʻquvchilarni tanlab, xalqaro maktabda tahsil olish imkoniyatini taqdim etib kelmoqda. Bu yil, TIS 2022-yilning avgust oyida 10-sinfga qabul qilish uchun mahalliy maktablardagi Oʻzbekiston fuqarolaridan 3 nafariga toʻliq bepul tahsil olish imkoniyatini taklif qiladi.

Ushbu grant mukofoti oʻquvchining akademik salohiyati, moliyaviy ehtiyojiga, yozma va ogʻzaki ingliz tilidagi qobiliyatiga, munosabat va shaxsiyatiga, darsdan tashqari mashgʻulotlar va qiziqishlariga hamda maktab va oʻquvchi uchun potensial oʻzaro manfaatlarga asoslanadi.

Eslatma: Toshkent Xalqaro Maktabi ingliz tilini oʻrgatuvchi maktab emas, lekin chet tillaridan tashqari barcha kurslarda oʻquv dasturi davomida ingliz tilidan foydalaniladi.

Maktab va grant dasturi haqida batafsil maʼlumot bilan ushbu havola orqali tanishib chiqish mumkin.

Nomzodlar quyidagi talablarga javob berishi lozim:

• Oʻzbekiston fuqarosi va soʻnggi 9 yil davomida Oʻzbekistonda yashayotgan boʻlishi kerak;
• 2005-yil 1-iyun va 2007-yil 31-avgust oraligʻida tugʻilgan boʻlishi kerak;
• Oʻzbekiston hukumati tomonidan moliyalashtiriladigan maktab yoki kollejda oʻqiyotgan boʻlishi kerak;
• 2022-yil iyunigacha 9-sinf yoki kollejning birinchi yili ekvivalentini tamomlashi lozim;
• Agar grant boʻlmasa, TISda oʻqishga moliyaviy sharoiti toʻgʻri kelmasligi;
• maktabda fanlaridan aʼlo baholarga ega boʻlishi;
• matematika va ingliz tilini yaxshi bilishi, kuchli oʻqish, yozish va tahliliy koʻnikmalarga ega bo'lishi;
• bitirgunga qadar TISda oʻqishga tayyor bo'lishi;
• test va intervyu jarayonlarini muvaffaqiyatli yakunlash.

Grant dasturi va maktab haqida batafsil maʼlumot bilan ushbu havola orqali tanishib chiqish mumkin.

Grant dasturi 3 nafar iqtidorli oʻquvchilarni 10-sinfdan boshlab Tashkent International School(TIS)da bepul oʻqish imkoniyatini taqdim etadi.

TIS oʻquvchilariga quyidagi imkoniyatlarni taklif qiladi:

• International Baccalaureate(IB) diplomiga ega boʻlish;
• Nufuzli xalqaro universitetlarga qabul qilinish imkoniyati;
• Ilgʻor texnologik infratuzilma va yaxshi jihozlangan ilmiy laboratoriyalar; zamonaviy, keng kampus;
• Barcha fanlar ingliz tilida oʻqitiladi (chet tili kurslaridan tashqari);
• Xalqaro va mahalliy oʻqituvchilar tarkibi;
• Oʻquvchi soni 22 nafardan oshmagan sinflar;
• Xalqaro muhitda tahsil olish va rivojlanish imkoni.

Maktab va grant dasturi imtiyozlari bilan batafsil ushbu havola orqali tanishib chiqish mumkin.

Ariza berish jarayonini yakunlash uchun sizga kerak bo'ladi:

1. To'ldirilgan ariza shakli;
2. Ariza shakliga biriktirilgan yaqinda olingan bitta fotosurat (3x4sm;
3. Pasport yoki tug'ilganlik haqidagi guvohnomaning bitta nusxasi
4. Joriy akademik rekord / transkript nusxasi (faqat qisqa ro'yxatga kiritilgan nomzodlar uchun)

Ariza shaklida quyidagilarni taqdim etish soʻraladi:

• Oʻquvchining shaxsiy maʼlumotlari;
• Aloqa maʼlumotlari;
• Maktabdagi fanlardan olgan baholari (academic record);
• Oʻquvchining yutuqlari, darsdan tashqari mashgʻulotlari haqida batafsil maʼlumot;
• Oʻquvchi nega TIS grant dasturiga topshirishni xohlashi va xalqaro maktabdan olgan taʼlimi yordamida nimalarga erishishi mumkinligini yoritilgan motivatsion xat.

Ariza shakli, fotosurat va pasport/tugʻilganlik haqidagi guvohnoma nusxasi shaxsan ofisga topshiriladi yoki admissions@tashschool.org elektron pochta manziliga yuboriladi. Agar shaxsan topshiriladigan boʻlsa, hujjatlar, dushanba-juma kunlari 8:00-16:30 oraligʻida, masʼul xodimga (Izabella Ter-Aganova) topshirilishi kerak. 

2022-yil 25-martdagi imtihonda ishtirok etish uchun soʻralgan hujjatlarning barchasi taqdim etilgan boʻlishi lozim.
 

Eslatma: Soʻralgan hujjatlardan tashqari boshqa hujjatlar yuborilishi kerak emas. Barcha hujjatlar 1ta email xabarida joʻnatilishi lozim.

Telefon orqali aloqa uchun: +99855 501 96 70

Murojaat uchun elektron pochta manzili: admissions@tashschool.org

Ushbu havola orqali qabul jarayoni haqida batafsil maʼlumot olish mumkin.