Bitiruvchilar oʻrtasida OTMga imtiyoz asosida kirish imkonini beruvchi informatika olimpiadasi

Toshkent shahridagi umumtaʼlim maktablari bitiruvchi sinf oʻquvchilari uchun OTMga imtiyoz asosida kirish imkonini beruvchi olimpiada boʻlib oʻtadi.

Olimpiada Robocontest tizimi va quyidagi OTMlar hamkorligida oʻtkazilmoqda:

1. Muhammad al-Xorazmiy nomidagi Toshkent axborot texnologiyalari universiteti;
2. Islom Karimov nomidagi Toshkent davlat texnika universiteti;
3. Toshkent davlat transport universiteti;
4. Toshkent davlat agrar universiteti;
5. “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti;
6. Toshkent davlat iqtisodiyot universiteti.

Olimpiada 3 bosqichda boʻlib oʻtadi:

1. Maktab bosqichi — tizimda onlayn shaklda
2. Tuman bosqichi — tizimda onlayn shaklda
3. Yakuniy — oflayn har bir OTMning oʻzi tashkillashtiradi

I va II bosqich 2 turdan iborat boʻladi Test va Masalalardan tashkil topgan olimpiada va barchasi onlayn shaklda boʻladi.

I va II bosqich 26-28 aprel kunlarida boʻlib oʻtishi rejalashtirilgan

️Tizim faqat maktab va tuman bosqichlari uchun oʻquvchilarning OTMlarga saralab beradi. Imtiyoz berish va yakuniy bosqichni oʻtkazish OTMlar zimmasida.

Tanlovda qatnashish uchun talablar:

• 11-sinf yoki litsey/kollej bitiruvchisi boʻlishi;
• Toshkent shahridagi maktab (litsey) oʻquvchisi boʻlishi;
• Robocontest.uz tizimida profili mavjud boʻlishi kerak (agar avvaldan profili boʻlmasa, roʻyxatdan oʻtishi lozim).

Tanlovda 1-3-oʻrinlarni egallagan oʻquvchilar birinchi oʻquv yili uchun toʻlov OTMning mablagʻlari hisobidan amalga oshirilgan holda imtihonsiz oʻqishga qabul qilinadi.

Imtiyoz quyidagi yuqorida sanab oʻtilgan OTMlar uchun amal qilinadi.

Ishtirok etish uchun ushbu formani to'ldirish talab etiladi.

Tanlov haqida yangiliklarni Robocontest tizimining telegram kanalida kuzatib boring: https://t.me/robocontest.