Maktab, kollej yoki akademik litsey oʻquvchilari uchun 6 ta fan doirasida sovrinli musobaqa — S.T. Yau High School Science Award (Asia)

Xitoyning S.T. Yau High School maktabi Hong Kong Academy of Sciences akademiyasi bilan hamkorlikda S.T. Yau High School Science Award (Asia) tanlovini tashkil etgan.

S.T. Yau High School Science Award (Asia) — tadqiqot faoliyatida innovatsiya, oʻziga xoslik, kreativlik va qatʼiyat aks etuvchi tadqiqotga asoslangan tanlovdir. Tanlov oʻquvchilarda ilmiy kashfiyotga boʻlgan ishtiyoqni, tadqiqot davomida sabr-toqat va mulohaza yuritishda qatʼiylikni shakllantirishga yordam beradi.

Tanlovdan koʻzlangan maqsad:

• Osiyodagi oʻrta maktab oʻquvchilari oʻrtasida ilmiy tadqiqotda innovatsiya, oʻziga xoslik va ijodkorlikni ragʻbatlantirish;
• Fan va texnika sohasida yosh isteʼdodlarni yetishtirish;
• Universitet professor-oʻqituvchilari, umumtaʼlim maktablari oʻqituvchilari va umumtaʼlim maktablarini ilmiy-tadqiqot faoliyatini ragʻbatlantirish;
• Turli xil madaniy va maʼrifiy muhitga ega boʻlgan oʻrta maktab oʻquvchilari oʻrtasida madaniy almashinuvni taʼminlash.

Tanlov quyidagi fanlar doirasida boʻlib oʻtadi:

• Matematika (shu jumladan, matematika va statistika);
• Fizika (shu jumladan, muhandislik fizikasi);
• Biologiya (shu jumladan, biologiya va biologik tizimlarni matematik modellashtirish);
• Kimyo (shu jumladan, kimyo va farmatsevtika fanlari);
• Kompyuter fanlari;
• Iqtisodiy va moliyaviy modellashtirish.

Tanlov yakunida gʻoliblar pul mukofoti bilan taqdirlanadilar va 1-2-oʻrinni egallagan jamoalar Beijing shahrida oʻtkaziluvchi final bosqichiga yoʻllanmani qoʻlga kiritadilar.

Tanlov bo'yicha batafsil ma'lumotni ushbu havola orqali olish mumkin.

2019-2023-yillarda YHSA (Osiyo) tanloviga 20 ta mamlakat va mintaqadan jami 681 ta jamoa qoʻshildi, unda 28 ta jamoa Pekindagi YHSA finalida boshqa mintaqaviy finalchilar bilan raqobatlashish uchun tavsiya etilgan va ajoyib natijalarga erishgan. Talabalar ushbu tanlov orqali bebaho oʻrganish va foydali tajribaga ega boʻlishdi. Avvalgi mavsum ishtirokchilari va ularning yutuqlari haqida ushbu havola orqali maʼlumot olish mumkin.

Tanlovda ishtirok etish uchun nomzodlar quyidagi talablarga javob berishi lozim:

• Tanlovda ishtirok etish uchun maktab oʻquvchilaridan iborat 1-3 kishilik jamoa tuziladi. Jamoaga o'qituvchilardan 1 nafar rahbar tayinlanadi;
• Musobaqada bir maktabda bir nechta jamoa qatnashishi va rahbar o‘qituvchi bir nechta jamoalarga rahbarlik qilishi mumkin. Biroq o'quvchilar har qanday fan toifasida faqat bitta jamoada qatnasha oladi. Ya'ni talaba bir nechta fan toifalari bo'yicha qatnashishi mumkin, ammo har bir fan toifasi uchun o'quvchi bir marta ro'yxatga olinishi mumkin;
• Har bir jamoa tanlangan fan boʻyicha tadqiqot rejasiga ega boʻlishi lozim. Tadqiqot rejasi namunalari ushbu sahifa orqali yuklab olinadi;
• Tanlov ingliz tilida olib borilayotgani bois ingliz tilida erkin suhbat qila olishi shart. Sertifikat talab etilmaydi.

Tanlov talablari bilan batafsil ushbu havola orqali tanishish mumkin.

Tanlov gʻoliblari quyidagicha taqdirlanadi:

• Har bir yoʻnalish boʻyicha 1-oʻrin sohiblari uchun — Gold Prize — $1000 miqdorida pul mukofoti, shuningdek ushbu kategoriyada maxsus mukofot ham berilishi mumkin ($4,000);
• Har bir yoʻnalish boʻyicha 2-oʻrin sohiblari uchun — Silver Prize — $500 miqdorida pul mukofoti (Matematika uchun $2,000 miqdorida pul);
• Horourable Mentions - har bir fan boʻyicha eng yaxshi 3 ta jamoa alohida eʼtirof etiladi;
• Gold va Silver Prize mukofotini qoʻlga kiritgan jamoa aʼzolari Xitoyning Pekin shahrida oʻtkaziluvchi final bosqichiga taklif etiladi;
• Ogʻzaki himoyada qatnashgan barcha ishtirokchilar sertifikat bilan taqdirlanadi.

Eslatma: tanlovda ishtirok etish mutlaqo bepul, ammo tanlov doirasidagi tadqiqot, safar, turarjoy va boshqa xarajatlar tashkilot tomonidan qoplab berilmaydi.

Tanlov manfaatli jihatlari bilan batafsil ushbu havola orqali tanishish mumkin.

Dasturda ishtirok etish quyidagi tartibda amalga oshiriladi:

• Jamoa shakllantiriladi va roʻyxatdan oʻtiladi. Bunda bir maktabdan 1-3 tagacha ishtirokchidan iborat jamoa tuziladi. Jamoaga rahbar oʻqituvchi tayinlanadi. Roʻyxatdan oʻtish ushbu havola orqali amalga oshiriladi;
• Shundan soʻng tadqiqot rejasi tuziladi va 2025-yil 16-iyungacha ushbu elektron manzilga taqdim etiladi. Tadqiqot rejasiga qoʻyilgan talablar:
  • A4 hajmda PDF formatda boʻlishi;
  • Ingliz tilida yozilishi;
  • 2 sahifadan ortiq boʻlmasligi;
  • Ikki chetdan kamida 2,5 sm, qator oraligʻi 1,5 satr yoki ikki qatordan iborat boʻlishi kerak (bir interval boʻlishi mumkin boʻlgan iqtiboslar, izohlar, havolalar, sarlavhalar bundan mustasno);
  • Bitta faylda (agar qoʻshimchalar boʻlsa, fayllar ziplanadi)
    fayl nomi “Roʻyxatga olish raqami-tadqiqot rejasi” boʻlishi kerak, masalan, “Math-001-Research Outline.;
  • Tadqiqot rejasi namunasi bilan ushbu havola orqali tanishish mumkin.
• Saralangan jamoalar tadqiqot bayonnomasi taqdim etishlari lozim. Bayonnoma 2025-yil 14-avgustgacha joʻnatilishi shart. Tadqiqot bayonnomasi talablari bilan batafsil ushbu havola orqali tanishish mumkin.

Tanlovga qabul qilingan ishtirokchilar email orqali xabardor qilinadi.

• 2025-yil 12-iyun — qabul yakunlanadi;
• 2025-yil iyun-iyul oylari - saralash jarayoni;
• 2025-yil 14-avgust — saralangan nomzodlar tadqiqot bayonnomalarini taqdim etadi;
• 2025-yil avgust oxiri — tadqiqot ishlari baholash natijasi eʼlon qilinadi;
• 2025-yil oktyabr oyi oxiri - ogʻzaki himoya bosqichi oʻtkaziladi.
• 2025-yil dekabr oyida Beijing shahrida g’oliblar taqdirlanadi.

Baholash mezonlari. Baholash jarayoni 3 bosqichda amalga oshiriladi:

1. Boshlangʻich saralash. Bunda nomzodlar tanlov talablariga javob berishiga qarab qisqa saralab olinadi;
2. Asosiy saralash. Bunda tadqiqot ishlarining originalligi, ijodiy yondashilganligi, potensial ijobiy taʼsiriga koʻra saralanadi. Har bir fan kesimida taxminan 10 ta jamoa keyinga bosqichga oʻtkaziladi;
3. Ogʻzaki himoya. Bunda ishtirokchilar oʻz ishlarini ogʻzaki himoya qilib berishlariga qarab hakamlar hayʼati tomonidan xolisona baholanadi.

Saralash jarayoni bilan batafsil ushbu havola orqali tanishish mumkin.

Koʻp berilgan savollar va ularning javoblari bilan ushbu havola orqali tanishish mumkin.

Qoʻshimcha soʻrov va murojaatlar ushbu havola orqali qabul qilinadi.