Maktab oʻquvchilari uchun amaliy fanlar boʻyicha yozgi oromgoh — Summer Science Camp 2025

Summer Science Camp — bu Fan Olimpiadalari Markazi va Iqtidorlar maktabi tomonidan 5–9-sinf oʻquvchilari uchun tashkil etilgan tanlov asosidagi ilmiy oromgoh hisoblanadi.

Akademik dastur yetuk ilmiy salohiyatga ega, xalqaro olimpiadalarda yuqori natijalarni koʻrsatgan mentorlar tomonidan olib boriladi. Dastur iqtidorli oʻquvchilarni chuqurlashtirilgan nazariy bilim va amaliy koʻnikmalar bilan taʼminlashga qaratilgan.

Dastur davomida quyidagi amaliy fanlar boʻyicha mashgʻulotlar olib boriladi:

• Matematika;
• Fizika;
• Kimyo;
• Biologiya;
• Raketashunoslik;
• Robototexnika va Kompyuter savodxonligi.

Tanlov 2 bosqichda oʻtkaziladi:

• 1-bosqich (onlayn) — Barcha ishtirokchilar maxsus platformadan test topshirishadi.
• 2-bosqich (hududiy) — Oflayn tarzda hududiy markazlarda sinov tarzda boʻlib oʻtadi. Manzil toʻliq eʼlon qilinadi.

Dastur davomida ishtirokchilar amaliy tajriba asosida fikrlashni chuqurlashtirish va muammolarni tahlil qilish koʻnikmasini rivojlantirishlari mumkin. Oromgohda olimpiadalarga tayyorlanish boʻyicha malakali ekspertlar ishtirokida oʻquv yigʻinlar tashkil etiladi.

Oromgoh Fan olimpiadalari markazi binosida tashkil etiladi.

Dastur haqida batafsil ushbu havola orqali maʼlumot olish mumkin.

• Dasturda iqtidorli 5-, 6-, 7-. 8-, 9-sinf oʻquvchilari qatnashishi mumkin;
• Ishtirokchilar matematika, fizika, kimyo, biologiya kabi yoʻnalishlar boʻyicha bilim olishga qiziqishi kerak.

• Tanlovdan muvaffaqiyatli oʻtganlar dasturda bepul qatnashishi mumkin;
• Matematika, fizika, kimyo, biologiya kabi yoʻnalishlar boʻyicha chuqurlashtirilgan bilim va amaliy koʻnikmalarni egallash imkoniyati;
• Har bir ishtirokchiga sertifikat, esdalik sovgʻalari va xalqaro tayyorgarlik uchun imkoniyat beriladi;
• Xalqaro olimpiada gʻoliblari va tajribali mentorlar tomonidan darslar olib boriladi;
• Robototexnika, muhandislik va kosmonavtika boʻyicha laboratoriya mashgʻulotlari oʻtkaziladi;
• Innovatsion fikrlashni shakllantiruvchi loyihalar yaratiladi;
• Sport, intellektual va ijodiy tadbirlar oʻtkaziladi.

Dasturda qatnashishni istaganlar ushbu Telegram bot orqali ariza topshirishlari mumkin. Ishtirokchilardan birinchi boʻlib roʻyxatdan oʻtish soʻraladi.

Eslatma: Roʻyxatdan oʻtish uchun bir martalik toʻlov qilish soʻraladi. Roʻyxatdan oʻtish uchun toʻlov miqdori oʻsha kundagi bazaviy hisoblash miqdorining 20 foizini tashkil etadi.

Dasturda roʻyxatdan oʻtish haqida batafsil ushbu video orqali tanishib chiqish mumkin.

• Dasturga hujjat topshirish uchun oxirgi muddat: 31-may, 2025-yil;
• Manzil: 100099, Otchopar-1, Darvozakent koʻchasi, 60-uy, Yunusobod tumani, Toshkent, Oʻzbekiston;
• Tel: +998 77 550 33 66;
• Email: info@olympcenter.uz.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Instagram;
• Linkedin;
• Facebook.