Maktab oʻquvchilari uchun tabiat bilan bogʻliq mavzuda The 2025 Ocean Awareness Contest ijodiy ishlar tanlovi. Gʻoliblar $1000 gacha pul va boshqa mukofotlar bilan taqdirlanadi.

Har yili Bow Seat Ocean Awareness Programs tashkiloti tomonidan 11 yoshdan 18 yoshgacha boʻlgan dunyo boʻylab barcha maktab oʻquvchilari uchun Ocean Awareness Contest tanlovini oʻtkazib kelinmoqda.

Tanlovdan koʻzlangan maqsad yoshlarni sanʼat va ijodiy muloqot orqali atrof-muhit muammolarini yechish, ularning oʻzgaruvchan dunyoga munosabatini oʻrganish va ijobiy oʻzgarishlar tarafdori boʻlishga undashdan iborat.

Ocean Awareness Contest tanlovi oʻquvchilarni iqlim oʻzgarishi va uning okeanga taʼsiri haqida maʼlumot olishga hamda iqlim inqirozining dolzarbligini keng targʻib qilishning yangi usullarini oʻrganishga chaqiradi. Tanlovning ushbu 11-mavsumida ishtirokchilar tasviriy sanʼat, sheʼr, kreativ yozish, film, ijro sanʼati, interaktiv va multimediaga oid ijodiy ishlari bilan qatnashishlari mumkin. Ijodiy ishlar “Tabiatning men va ajdodlarim hayotidagi roli” mavzusiga doir boʻlishi kerak. Bunda ishtirokchilar yumor, satira, pozitivlik, parodiya, kinoya va boshqa usullardan foydalanib ijodiy ishlarini yanada boyitishlari va innovativ tarzda taqdim etishlari lozim.

Tanlov ishtirokchilari yosh kategoriyasi boʻyicha quyidagi guruhlarga boʻlinadi:

• Junior Devision - 11 yoshdan 14 yoshgacha boʻlgan oʻquvchilar;
• Senior Devision — 15 yoshdan 18 yoshgacha boʻlgan oʻquvchilar.

Tanlov gʻoliblari Bow Seat Ocean Awareness tomonidan tashkil etiladigan har xil koʻrgazma, video/film namoyishlarida ishtirok etish bilan birga katta miqdorda pul mukofotiga ham ega boʻladilar.

Tanlovning oʻtgan yilgi mavsumi haqida ushbu havola orqali maʼlumot olish mumkin.

Dasturda ishtirok etish uchun oʻquvchilar ushbu talablarga javob berishi lozim:

• Tanlovda 11 yoshdan 18 yoshgacha boʻlgan barcha maktab yoki kollej/litsey oʻquvchilari ishtirok etishi mumkin. Nomzodlar klub, sinf yoki guruh shaklida ishtirok etishlari mumkin. Universitet talabalari qatnasha olmaydi;
• Tasviriy sanʼat, sheʼr, ijodiy yozish, film, ijro sanʼati, interaktiv va multimediaga qiziqishi va shu yoʻnalishlardan birida “Tabiatning men va ajdodlarim hayotidagi roli” mavzusiga doir ijodiy ish qila olish qobiliyatiga ega boʻlishi lozim;
• Ijodiy ishga qoʻshimcha tarzda kamida 100 soʻzdan iborat ingliz tilida tavsifnoma (reflection) yozish talab etiladi;
• 13 yoshga toʻlmagan ishtirokchilar ota-onasi yoki qonuniy vakillari tomonidan Bolalarning onlayn maxfiyligini himoya qilish toʻgʻrisidagi qonun (COPPA) ota-ona/vasiy roziligi shaklini toʻldirishlari kerak;
• Barcha nomzodlar Adult Sponsor, yaʼni ota-onasi, oʻqituvchisi yoki mentorining kontakt maʼlumotlarini taqdim etishi kerak;

Tanlovda ishtirok etish talablari haqida batafsil ushbu havola orqali maʼlumot olish mumkin.

Har 6 yoʻnalish boʻyicha tanlov gʻoliblari yosh guruhlariga qarab quyidagicha taqdirlanadi:

• Junior Devision (11-14 yoshdagilar):
  • Oltin — $1,000;
  • Kumush — $750;
  • Bronza — $500;
  • Olmos - $250;
  • Alohida eʼtirof etilgan nomzod — $100.
• Senior Devision (15-18 yoshdagilar):
  • Oltin — $1,000;
  • Kumush —  $750;
  • Bronza — $500;
  • Olmos - $250;
  • Alohida eʼtirof etilgan nomzod — $250.
• Barcha gʻoliblar Bow Seatʼs global community jamoasiga aʼzo boʻlishi va Future Blue Youth Council konsulligining maxsus imkoniyatlaridan foydalanishi mumkin;
• Tanlovga qatnashish davomida ishtirokchilar odamlar bilan oʻzaro aloqa qilish qobiliyatlarini yanada oʻstirish va oʻz portfoliolarini yaratish yoxud uni yanada boyitish imkoniyatiga ega boʻladilar.

Tanlovning manfaatli tomonlari haqida batafsil ushbu havola orqali maʼlumot olish mumkin.

Tanlovda ishtirok etish uchun qatnashchilar oʻz ijodiy onlayn roʻyxatdan oʻtishlari va kerakli maʼlumotlarni toʻldirgandan soʻng oʻz ijodiy ishlarini taqdim etishlari lozim. Ijodiy ishlar bilan birga ingliz tilida 100 soʻzdan kam boʻlmagan reflection, yaʼni tavsifnoma yozish ham talab etiladi.

Tanlov quyidagi 6 yoʻnalishda ijodiy ishlarni qabul qiladi:

• Art — Vizual sanʼatga oid barcha ishlar qabul qilinadi. Avvalgi yillarda gʻolib boʻlganlar ishlari bilan ushbu havola orqali tanishish mumkin;
• Creative Writing — Ijodiy yozish, yaʼni qisqa hikoya, narrativ, blog postlar yoki publitsistik maqolalar qabul qilinadi. Barcha ishlar ingliz tilida yozilishi kerak;
• Film - 2-4 daqiqalik video, film, animatsiya va hujjatli filmlar qabul qilinadi;
• Interactive & Multimedia — interaktiv va kommunikativ sayt, ilova, video oʻyinlar, podkast yoki TikTok videolar qabul qilinadi. Ushbu yoʻnalishda gʻolib boʻlgan ishtirokchi ishi bilan ushbu havola orqali batafsil tanishish mumkin;
• Performing Arts: Music & Dance — original, ishtirokchi oʻzi tomonidan ijro etilgan raqs, qoʻshiq, musiqalar qabul qilinadi. Ushbu yoʻnalishda gʻolib boʻlgan ishtirokchi ishi bilan ushbu havola orqali batafsil tanishish mumkin;
• Poetry & Spoken Word — ishtirokchi tomonidan yozilgan yoki oʻqilgan sheʼr, taʼsirli nutq kabi ishlar qabul qilinadi. Ushbu yoʻnalishda gʻolib boʻlgan ishtirokchi ishi bilan ushbu havola orqali batafsil tanishish mumkin.

Barcha yoʻnalishdagi ishlar uchun alohida talab va qoidalar mavjud. Batafsil ushbu havola orqali tanishib chiqish lozim.

Koʻp beriladigan savollar va ularning javoblari bilan ushbu havola orqali tanishish mumkin.