Maktab o'quvchilari uchun O‘zbekiston xalq yozuvchisi Xudoyberdi To‘xtaboyev xotirasiga bag‘ishlangan an’anaviy onlayn III Respublika insholar tanlovi

Respublika "Kamalak” bolalar tashkiloti, Xalq ta'limi vazirligi, "Milliy tiklanish" demokratik partiyasi bilan hamkorlikda O‘zbekiston xalq yozuvchisi, bolalarning sevimli adibi Xudoyberdi To‘xtaboyev xotirasiga bag'ishlangan III Respublika insholar tanloviga start beradi.

Tanlov maqsadi: O‘quvchi-yoshlar dunyoqarashini kengaytirish, ular orasida bolalar adabiyotini keng targ‘ib qilish hamda kitobxonlikni rivojlantirish, bolalarning sevimli adibi, O‘zbekiston xalq yozuvchisi Xudoyberdi To‘xtaboyev tavalludini keng nishonlash va o‘quvchilardagi insho yozish ko‘nikmasini oshirishdan iborat.

Tanlovni o‘tkazish muddati: 2022-yilning 5-dekabrdan 12-dekabr kuniga qadar maxsus bot orqali onlayn formatda tashkil etiladi.

Tanlov yo’riqnomasi bilan ushbu havola orqali tanishish mumkin.

Tanlov ishtirokchilari: tanlov umumiy o‘rta ta’lim muassasalari
(Prezident, ijod, ixtisoslashtirilgan maktab-internatlari o‘quvchilari ishtirok etishi mumkin emas) o‘quvchilari o‘rtasida ikki yosh toifasida o‘tkaziladi:
• 10-14 yosh;
• 15-18 yosh.

Tanlov g‘oliblari quyidagi sovg‘alar bilan taqdirlanadilar:

• 1-o'rin: diplom va zamonaviy noutbuk;
• 2o'rin: diplom, aqlli soat (smart watch) hamda telefon quvvatlagich (power bank 10 000 mAh);
• 3-o'rin: diplom, zamonaviy termos hamda xotira kartasi (fleshka).
• 5 tagacha rag‘batlantiruvchi ishtirokchilar (yig‘ilgan ballaridan kelib chiqib o‘rinlardan keyingi turgan insholar) – Faxriy yorliq hamda hamkor tashkilotlarning esdalik sovg‘alari bilan taqdirlanadi.

Undan tashqari, tanlovda g'olib bo‘lgan ishtirokchilarning insholari "Gulxan" jurnalida chop etiladi.

Inshoni yozish talablari: 

• Insho ona tili daftariga yozilishi talab etiladi.
• Ishtirokchi birinchi muqovada viloyati, tuman yoki shahri, maktabi, sinfi, ism, familiya, sharifini, yoshini to‘liq yozishi hamda ishtirokchi bilan bog‘lanish uchun kamida 2 ta telefon raqami qayd etilishi lozim.
• Qolaversa, inshoni tartib bilan skaner qilgan tarzda pdf holatiga keltirib, maxsus bot orqali yo‘llanadi.
  Ishtirokchi inshoning oxirgi sahifasiga o‘zining tug‘ilganlik haqidagi guvohnomasini qo‘shib skaner qilishi shart.
• Inshoga ishtirokchining o‘zi mavzu tanlaydi. Mavzu O‘zbekiston xalq yozuvchisi Xudoyberdi To'xtaboyev bilan aloqador bo'lishi shart.

Ishtirokchi o‘z inshosini telegramda maxsus bot manziliga yuboradi.

• Telegram;
• Instagram;
• Facebook.