Maktab oʻquvchilari va talabalar uchun 2 oylik tadqiqot dasturi

Tadqiqot Akademiyasi tomonidan maktab oʻquvchilari va talabalar uchun 2 oylik tadqiqot dasturi taqdim etiladi.

Ushbu tadqiqot dasturi maktab oʻquvchilari va talabalarga tadqiqot jarayonini boshidan oxirigacha yaʼni mavzu tanlashdan jurnalda nashr qilishgacha oʻrgatadigan amaliy dastur boʻlib, odatda Akademiya bitiruvchilari dunyo boʻylab stipendiyalar, grantlar va turli imkoniyatlarga erishadilar.

Dastur davomida ishtirokchilardan iborat guruhlar tuziladi. Har bir guruhda 10 ta talaba iborat boʻladi hamda taʼlim, IT va Iqtisodiyot mavzularida mentorlar rahbarligida sessiyalar oʻtkaziladi.

Dastur davomida quyidagilar oʻrganiladi:

• 1-hafta — Tadqiqotga kirish;
• 2-hafta — Mavzu tanlash va adabiyotlarni koʻrib chiqish;
• 3-hafta — Kirish va metodologiya;
• 4-hafta — Natijalar, tahlil va muhokama;
• 5-hafta — Adabiyotlar va formatlash;
• 6-hafta — Amaliyot va tengdoshlar sharhi;
• 7-hafta — Jurnalga topshirish;
• 8-hafta — Natijalar va nashr.

Dastur haqida batafsil ushbu havola orqali maʼlumot olish mumkin.

• Dasturda universitetga hujjat topshirayotgan maktab oʻquvchilari va xorijiy almashinuv dasturlari va magistratura dasturiga topshirayotgan bakalavriat talabalari qatnashishi mumkin;
• Ingliz tilini yaxshi bilish lozim (sertifikat soʻraladi).

• Dasturda bepul qatnashish mumkin;
• 2 oy davomida mentorlar rahbarligida interaktiv sessiyalar oʻtkaziladi;
• Oʻz tadqiqot ishini nashr qilish;
• Maktab oʻquvchilari uchun universitetga hujjat topshirishda nashr qilingan ilmiy maqola bilan ajralib turish;
• Talabalar uchun xorijda almashinuv dasturlari va magistraturaga topshirish uchun profilni kuchaytirish imkoniyati.

Dasturga qiziqqanlar ushbu havola orqali roʻyxatdan oʻtib ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Tadqiqot sohasi;
• Tadqiqot tajribasi;
• Tadqiqot Akademiyasiga qoʻshilmoqchiligidan sababi;
• Tadqiqot mavzusi;
• Ingliz tilini bilish darajasini koʻrsatuvchi sertifikat (IELTS, TOEFL, Duolingo yoki unga tenglashtirilgan);
• CV (ixtiyoriy).

• Dasturga iloji boricha tez hujjat topshirish soʻraladi;
• Linkedin ijtimoiy tarmogʻi orqali qoʻshimcha maʼlumot olish mumkin.