Malayziya hukumati tomonidan magistratura bosqichida o‘qish uchun barcha xarajatlari qoplanadigan grant dasturi - MTCP Scholarship 2026

The MTCP Scholarship 2026 bu Malayziya hukumati tomonidan tashkillashtirilgan tanlov bo‘lib, rivojlanayotgan davlatlardan bo‘lgan xalqaro talabalarga mo‘ljallangan. Nomzodlar 24 oydan 36 oygacha mo‘ljallangan dastur davomida magistratura bosqichini o‘qishlari mumkin bo‘ladi. Dasturda bakalavr bosqichi diplomi kamida CGPA 3.00 teng, til bilish sertifikatiga ega va 45 yoshdan katta bo‘lmagan nomzodlar qatnashishlari mumkin. 

Dastur davomida nomzodlarning kontrakt xarajatlari qoplanadi va oylik 3,500 malayziya ringgiti (taxminan 809 dollar) miqdorida stipendiya beriladi. Dasturga arizalarni qabul qilish jarayoni 2026-yil 4-maydan 12-iyungacha davom etadi. 

Dastur haqida ushbu havola orqali to‘liq ma’lumot olish mumkin. 

• MTCP Scholarship 2026 dasturi ro‘yxatiga kiruvchi davlatlar fuqarolari ariza topshirishlari mumkin, (O‘zbekiston ham ro‘yxatda mavjud);
• Nomzodlar ariza topshirish vaqtigacha 45 yoshdan oshmagan bo‘lishlari lozim;
• Bakalavr bosqichi diplomi CGPAsi kamida 3.00 ga teng bo‘lishi kerak;
• Nomzodlar ingliz tilini bilishlari va kamida IELTS 6 yoki TOEFL iBT 60 sertifikatiga ega bo‘lishlari zarur;
• Bakalavr bosqichida ingliz tilida o‘qitiladigan fanni o‘qigan bo‘lishlari lozim. 

• Nomzodlarning kontrakt xarajatlari qoplanadi;
• Talabalarga oylik 3,500 Malayziya ringgiti (taxminan 809 dollar) miqdorida stipendiya beriladi;
• Malayziyaga borish kelish yo‘l xarajatlari qoplanadi. 

• Dasturga arizalarni qabul qilish jarayoni 2026-yil 4-maydan 12-iyungacha davom etadi;
• Dasturga ushbu havola orqali ro‘yxatdan o‘tish va quyidagi hujjatlarni topshirish lozim:

1. Pasportning ma’lumotlari yozilgan beti;
2. Diplom transkripsiyasi;
3. Til sertifikati;
4. CV;
5. Tibbiy ko‘rik hisoboti;
6. 2 ta tavsiyanoma;
7. Taklif xati. 

Ariza topshirish jarayoni haqida ushbu havola orqali to‘liq ma’lumot olish mumkin.

Tibbiy ko‘rik hisoboti namunasini ushbu havola orqali yuklab olish mumkin. 

Tavsiyanoma namunasini ushbu havola orqali yuklab olish mumkin.

Dastur bo‘yicha eng ko‘p beriladigan savollarga javoblarni ushbu havola orqali topish mumkin. 

Dasturda mavjud davlatlar ro‘yxati bilan ushbu havola orqali tanishish mumkin. 

MTCP Scholarship 2026 da mavjud universitetlar ro‘yxati bilan ushbu havola orqali tanishish mumkin. 

Ma’lumot uchun:

Tel: +603-8887 4658

E-mail: mtcp_scholarship@kln.gov.my