Maʼlumotlar injiniringgi sohasida tahsil olish va EPAM jamoasiga ishga qabul qilinish imkonini beruvchi onlayn kurs

Maʼlumotlar injiniringgi sohasida tahsil olish va EPAM jamoasiga ishga qabul qilinish imkonini beruvchi onlayn kurs

  • 01/11/2022 Qabul boshlanishi
  • Bepul Moliyalash turi
  • AQSh Davlat
  • 30/11/2022 23:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Maʼlumotlar injiniringgi (Data engineering) bu maʼlumot toʻplash, oʻzgartirish va chop etish orqali qaror qabul qilish jarayonidir. Soha vakillari maʼlumotlarni loyihalashtirish, qurish, ishga tushirish, himoya hamda nazorat qilish bilan shugʻullanishadi. Ular xavfsizlik va muvofiqlik, masshtablilik va samaradorlik, ishonchlilik va sodiqlik, moslashuvchanlik va portativlikka eʼtibor qaratishadi.

Ushbu oʻquv dasturi Java, Python yoki Scala dasturlash tili boʻyicha boshlangʻich bilimga ega boʻlgan, maʼlumotlar injiniringgi sohasida muvaffaqiyatli karyera qurishni istagan iqtidorli yoshlar uchun ishlab chiqilgan. Dastur ikki bosqichda boʻlib oʻtadi. Kursning birinchi bosqichida ishtirokchilar mustaqil oʻqishadi va ushbu bosqich 3 oy davom etadi va haftada 12 soat shugʻullanishni talab qiladi. Birinchi bosqichdan oʻtgan nomzodlar ikkinchi bosqichda qatnashishadi va ushbu bosqich ham 3 oy davom etadi. Muvaffaqiyatlari qatnashchilar bilan intervyu oʻtkaziladi hamda EPAM jamoasiga ishga taklif qilinadi.

Dasturda ishtirok etish uchun nomzodlar texnik sohani yakunlagan, dasturlash tili boʻyicha tajribaga ega boʻlishi hamda ingliz tilini kamida B2 darajada bilishlari lozim. Kurs davomida nomzodlar 3500 dan ortiq mutaxassislar bilan ishlash hamda karyeralarini rivojlantirish imkoniga ega boʻlishadi. Shuningdek, qatnashchilarga sertifikatlar taqdim etiladi, mentorlik dasturlari va seminarlar oʻtkaziladi hamda LinkedIn dasturiga cheklanmagan aloqa bilan taʼminlanadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Dasturda Armaniya, Qozogʻiston, Oʻzbekiston, Gruziya, Qirgʻiziston davlati fuqarolari ishtirok etishlari mumkin;
  • Texnik universitet yoki shu sohadagi taʼlim muassasalaridagi texnik yoʻnalishni bitirgan nomzodlar dasturga ariza topshirishlari tavsiya etiladi;
  • Ishtirokchilar ingliz tilini kamida B2 (Upper-Intermediate) darajada bilishlari zarur, chunki dastur ingliz tilida boʻlib oʻtadi. Nomzodlardan maxsus sertifikat talab qilinmaydi, ammo maxsus sinov oʻtkaziladi;
  • Nomzodlar karyeralarini maʼlumotlar injiniringgi sohasiga oʻzgartirish yoki shu sohada davom ettirishga tayyor boʻlishlari lozim;
  • Ishtirokchilarning Java, Piton, Scala dasturlash tillaridan biri boʻyicha kamida bir yillik ish amaliy tajribasi boʻlishi lozim;
  • Maʼlumotlar bazasi boshqaruv tizimi (Relational Database Management System) nazariyasi boʻyicha boshlangʻich maʼlumotlarga ega boʻlish talab qilinadi;
  • Nomzodlardan strukturaviy soʻrovlar tilini (Structured Query Language) tushunish talab qilinadi.

Dastur talablari haqida ushbu havola orqali toʻliq maʼlumot olish mumkin.

Foydali tomonlari

Dasturning quyidagi foydali jihatlari mavjud:

  • Kurs davomida ishtirokchilar katta bazaviy maʼlumotlar va ularning manbalariga oid maʼlum bir xususiyatlar bilan tanishish imkoniga ega boʻlishadi;
  • Dastur davomida eng mashhur maʼlumotlar bazasi texnologiyalari, jumladan, asosiy Hadoop, NoSQL maʼlumotlar bazalari, Apache Spark, Apache Kafka va boshqalar haqida umumiy maʼlumot olish imkoni mavjud boʻladi;
  • Eng yaxshi nomzodlar EPAM jamoasi tomonidan ishga taklif qilinishlari hamda jamoa aʼzosiga aylanishlari mumkin;
  • Ishtirokchilar 50 dan koʻp davlatlardan boʻlgan 3500 dan ortiq soha mutaxassislari bilan ishlash imkoniyatini qoʻlga kiritishadi;
  • Nomzodlar karyeralarini rivojlantirish uchun yoʻl xaritasiga ega boʻlishadi;
  • Ishtirokchilar dunyoda yetakchi boʻlgan brendlar bilan ishlash imkoniga ega boʻlishadi;
  • Qatnashchilar innovatsion loyihalarga ijodiy va eng zamonaviy yechimlar topishni oʻrganishadi;
  • Dastur davomida ishtirokchilar sertifikat, mentorlik dasturlari, seminarlar va LinkedIn oʻrganish dasturida cheklanmagan aloqa bilan taʼminlanadi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dasturga ariza topshirish jarayoni quyidagicha:

  • Belgilangan saytda roʻyxatdan oʻting hamda ariza shaklini toʻldiring;
  • Ingliz tilini bilish darajasini tekshiruvchi sinovdan oʻting;
  • Kursda oʻqish jarayonini boshlang (roʻyxatdan oʻtgandan soʻng dars linki beriladi).

Dastur ikki bosqichda boʻlib oʻtadi:

  • Birinchi bosqichda mustaqil shugʻullanuv kursi boʻlib oʻtadi. Dastlab nazariy materiallarni oʻrganiladi, soʻngra berilgan topshiriqlar yordamida bilimlar tekshiriladi. Berilgan koʻrsatmalar dasturni boshqarish va uni osonlik bilan oʻtkazishga yordam beradi;
  • Agar nomzod barcha oʻquv modullarini 70% dan ortiq yakuniy ball bilan yakunlasa va ingliz tilidagi test natijasi B2 (va undan yuqori) boʻlsa, ular suhbatga taklif qilinadi. Shunga asoslanib, suhbatdan oʻtgan nomzodlar ikkinchi bosqichda — EPAM Data Labda mentor bilan oʻqishni davom ettirishlari mumkin. Odatda, bu jarayon uch oy davom etadi;
  • Dastur yakunlanishidan oldin, agarda nomzodlar barcha maʼlumotlarni oʻrgangan, berilgan vazifalarni yakunlagan va yakuniy topshiriqlardan oʻtgan boʻlsa, ular mahsulotning texnik intervyusiga taklif qilinadi. Eng yaxshi nomzodlar EPAM jamoasi tomonidan ishga taklif qilinishlari hamda jamoa aʼzosiga aylanishlari mumkin.

Dasturga ushbu havola orqali roʻyxatdan oʻtish mumkin.

Qoʻshimcha maʻlumotlar

Dastur boʻyicha qoʻshimcha savollar tugʻilgan taqdirda ushbu havola orqali murojaat qilish mumkin.

Pyton Core va Java basics haqida ushbu havola orqali maʼlumot olish mumkin.

Ingliz tilini bilish darajasini rivojlantirish uchun ushbu havola orqali maʼlumot olish mumkin.

Dastur haqida qoʻshimcha maʼlumotlarni quyidagi ijtimoiy tarmoqlar orqali ham topish mumkin:

-Vkontakte;

-Facebook;

-Twitter;

-Telegram.

AQSh
Maʼlumotlar injiniringgi sohasida tahsil olish va EPAM jamoasiga ishga qabul qilinish imkonini beruvchi onlayn kurs

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar