Markaziy Bank tomonidan yoshlar oʻrtasida oʻtkaziladigan “Pullaringizni himoya qiling. Kelajagingizni taʼminlang” mavzusidagi videoroliklar tanlovi

“Umumjahon pul haftaligi” (Global Money Week 2024) doirasida yoshlar oʻrtasida “Pulingizni himoya qiling, kelajagingizni taʼminlang” mavzusidagi videoroliklar tanlovi oʻtkaziladi. Tanlov Markaziy bank tomonidan oʻtkazilib, ishtirokchilar yaratgan informatsion videoroliklar orqali raqamli moliyaviy savodxonlikni oshirish, moliyaviy qarorlarni qabul qilishda moliyaviy barqarorlik, shaxsning moliyaviy kelajagi uchun individual moliyaviy xatti-harakatlarning oqibatlari haqida xabardorlikni oshirish koʻzda tutilgan. Ushbu tanlovda yoshlarning erta yoshdan boshlab moliyaviy bilimlardan xabardor boʻlib, toʻgʻri moliyaviy qarorlar qabul qila olishlarining asosiy afzalliklari hamda mohiyatini ochib bergan eng yaxshi videorolik aniqlanadi. Tanlovda 17-21 yoshgacha boʻlgan nomzodlar ishtirok etishlari mumkin. Dastur gʻoliblari qimmatbaho sovgʻalar bilan taqdirlanadi.

Tanlov ishlari 2024-yil 4-martdan 1-aprel kuni soat 12:00 gacha qabul qilinadi.

Dastur haqida ushbu havola orqali batafsil maʼlumot olish mumkin.

Dasturda qatnashish uchun quyidagi talablar mavjud:

• Tanlovda 17-21 yoshgacha boʻlgan barcha ishtirok etishi mumkin;
• Individual ishlar bilan bir qatorda kollektiv ishlar ham qabul qilinadi (bunda
  masʼul shaxsni koʻrsatish lozim boʻladi);
• Joʻnatilgan videoroliklar qisqa boʻlishi kerak;
• Muallif videorolikda “Pulingizni himoya qiling, kelajagingizni taʼminlang” mavzusi boʻyicha oʻz tasavvurini yoritib berishi lozim.

Tanlov mavzusidan chiqmagan holda videorolikni istalgan texnik apparat yordamida suratga olish mumkin. Videorolikka qoʻyiladigan talablar quyidagicha:

• Formati: MP4 h264;
• Oʻlchamlari – 1080p, 720p (eni boʻyicha minimal oʻlcham 1280 piksel, balandligi boʻyicha minimal oʻlcham 720 piksel);
• Davomiyligi – 2 daqiqagacha;
• Videorolik syujeti ishtirokchilar tomonidan mustaqil belgilanadi (hikoya, reportaj, musiqiy klip, multfilm va h.k.).

Eslatma! Taqdim etiladigan ijodiy ishlarda uchinchi shaxslar huquqlarini buzuvchi, Oʻzbekiston Respublikasi qonunlariga zid keluvchi hamda reklama elementlarini oʻzida mujassam etuvchi maʼlumotlar boʻlmasligi lozim.

Dastur talablari haqida ushbu havola orqali toʻliq maʼlumot olish mumkin.

Eng yaxshi ijodiy ishlar Markaziy bank tomonidan quyidagi qimmatbaho sovrinlar bilan mukofotlanadi:

• 1 oʻrin – noutbuk;
• 2 oʻrin – smartfon;
• 3 oʻrin – smart soat.

Dastur foydali jihatlari haqida ushbu havola orqali toʻliq maʼlumot olish mumkin.

Tanlovda ishtirok etish tartibi quyidagicha:

• Tanlov qoidalari bilan tanishib videorolik tayyorlash;
• Ushbu havola orqali tanlovda ishtirok etish uchun ariza shaklini yuklab olish hamda toʻldirish;
• Toʻldirilgan ariza va videorolikni konkurs.cbu@gmail.com elektron manziliga (elektron pochta mavzusida “Global Money Week 2024 videoroliklar tanlovi” deb koʻrsatib oʻtish shart) yoki pochta manziliga (100001, Toshkent sh., Islom Karimov koʻchasi, 6), shuningdek, hududiy Bosh boshqarmalari orqali yuborish yoki shaxsan elektron xotirada Markaziy bank binosiga olib kelib berishlari mumkin;
• Arizalar qatʼiy ravishda joriy yil 1-aprel soat 12:00ga qadar qabul qilinadi.

Tanlov boʻyicha hayʼat aʼzolari videoroliklarni quyidagi mezonlar asosida baholashadi:

• Ijodiy ishning eʼlon qilingan mavzuga mos kelishi;
• Videorolikning kreativligi;
• Maʼlumotlarning toʻliqligi;
• Estetik qoidalarga javob berishi.

Maʼlumot uchun: Tanlov natijalari boʻyicha Finlit.uz ijtimoiy sahifalari anonslarini kuzatib borish zarur.

Dastur haqidagi maʼlumotlar berilgan pdf faylini ushbu havola orqali yuklab olish mumkin.

Tanlov haqida qoʻshimcha maʼlumot olish uchun (71) 212-73-58, (71) 212-73-56 raqamlari orqali murojaat qilish mumkin.

Tanlov haqida quyidagi ijtimoiy tarmoqlar orqali ham maʼlumot olish mumkin:

-Facebook;

-Vkontakte;

-Odnoklassniki;

-Telegram;

-Twitter.