Markaziy bankdan yosh tadqiqotchilar uchun haq toʻlanadigan amaliyot dasturi
-
05/05/2026 Qabul boshlanishi
-
Stipendiya Moliyalash turi
-
Oʻzbekiston Davlat
-
03/06/2026 18:00 Oxirgi muddat
Umumiy maʻlumotlar
Oʻzbekiston Respublikasi Markaziy banki magistratura bosqichida tahsil olayotgan talabalar, doktorant va mustaqil izlanuvchilar uchun “Tadqiqot stipendiyasi dasturi” boʻyicha tanlov eʼlon qiladi.
Dastur yosh tadqiqotchilarni iqtisodiyot va moliya sohasidagi dolzarb mavzularda ilmiy izlanish olib borishga jalb etish hamda ularning amaliy bilim va koʻnikmalarini rivojlantirishga qaratilgan.
Tadqiqot mavzulari Markaziy bankning asosiy vazifalari, strategik maqsadlari va ustuvor tadqiqot yoʻnalishlari, global iqtisodiy, moliyaviy va texnologik tendensiyalar, shuningdek, moliya-iqtisod sohasidagi dolzarb muammolar va yangi fenomenlar bilan bogʻliq boʻlishi lozim.
Tanlovdan muvaffaqiyatli oʻtgan nomzodlar bilan tadqiqot mavzusining murakkabligiga asosan 3 oydan 12 oygacha boʻlgan muddatga shartnoma tuziladi.
Maʼlumot uchun: Mazkur dastur Markaziy bankning ilmiy-tahliliy salohiyatni rivojlantirish, yosh tadqiqotchilarni qoʻllab-quvvatlash hamda iqtisodiy siyosat boʻyicha dalillarga asoslangan yondashuvni kengaytirish borasidagi tashabbuslaridan biridir.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturda magistratura talabalari, doktorant va mustaqil izlanuvchilar qatnashishi mumkin.
Foydali tomonlari
- Magistratura bosqichi talabalariga 7,620,142 soʻm, doktorantura bosqichida ilmiy izlanish olib borayotganlarga 8,568,102 soʻm miqdorida stipendiya beriladi;
- Markaziy bankning ichki statistik maʼlumotlaridan foydalanish;
- Tadqiqot natijalarini Markaziy bank seminar va konferensiyalarida taqdim etish;
- Tadqiqot xulosalarini amaliyotda qoʻllash imkoniyati taqdim etiladi.
Muhim: Magistratura bosqichida taʼlim olayotgan tanlov gʻoliblariga stipendiya davlat oliy taʼlim muassasalaridagi assistent-oʻqituvchining oylik maoshi miqdorida, doktorantura bosqichida ilmiy izlanish olib borayotgan tanlov gʻoliblariga katta oʻqituvchining oylik maoshi miqdorida beriladi.
Qoʻshimcha maʻlumotlar
- Dasturga hujjat topshirish uchun oxirgi muddat: 3-iyun 2026-yil (18:00);
- Manzil: 100001, Toshkent sh., Islom Karimov koʻchasi, 6;
- Aloqa telefon raqami: (+998 71) 212-62-05;
- Ishonch telefoni: (+998 71) 200-00-44.