Yoshidan qatʼi nazar barcha uchun hikoya yozish/aytish qobiliyatini rivojlantirish boʻyicha beрul 2 haftalik mentorlik dasturi

Online Museum of Central Asian Women dasturi tarix, sanʼat, siyosat, taʼlim va ilm-fan sohalarida Markaziy Osiyo davlatlari hisoblanmish Oʻzbekiston, Qozogʻiston, Turkmaniston, Tojikiston va Qirgʻiziston ayollarining roli va ahamiyatini oshirish maqsadida tashkil etilgan. 

Dasturda Markaziy Osiyo davlatlaridan boʻlgan ingliz tilini biladigan istalgan jins va yosh vakillari qatnashishlari mumkin. Dasturda qatnashchilar oʻzlari, opa-singillari yoki buvilari haqidagi hikoyalarni boʻlishishlari mumkin boʻladi. Ishtirokchilar Markaziy Osiyo va Afgʻonistondan boʻlgan tajribali jurnalistlar bilan 2024-yil 22-iyuldan 4-avgustgacha ikki hafta mobaynida onlayn mentorlik darslari olish imkonini qoʻlga kiritishadi.

Dasturga arizalarni qabul qilish jarayoni 2024-yil 18-iyulgacha davom etadi.

Dastur haqida ushbu havola orqali batafsil maʼlumot olish mumkin.

Dasturda qatnashish uchun quyidagi talablar mavjud:

• Dasturda Markaziy Osiyo davlatlaridan boʻlgan istalgan jins va yosh vakillari qatnashishlari mumkin;
• Nomzodlar ingliz tilini bilishlari kerak;
• Shuningdek, ishtirokchilar hikoyalar yozish va ularni ulashishga tayyor boʻlishlari lozim;
• Qatnashchilar ikki hafta mobaynida onlayn mentorlik darslarida qatnasha olishga tayyor boʻlishlari zarur.

Dasturning quyidagi foydali jihatlari mavjud:

• Ishtirokchilar Markaziy Osiyo va Afgʻonistondan boʻlgan tajribali jurnalistlar bilan ikki hafta mobaynida onlayn mentorlik darslari olish imkonini qoʻlga kiritishadi;
• Dastur davomida jurnalistlar nomzodlarning hikoyalarini toʻgʻrilash, rivojlantirish hamda taʼsirli chiqishiga yordam berishadi;
• Dastur soʻnggida nomzodlarning hikoyalari Markaziy Osiyo ayollarining hayoti va yutuqlarini nishonlash uchun tashkil qilingan onlayn muzeyda namoyish qilinadi;
• Shuningdek, ishtirokchilar hikoyalarini yozish va ulashishdan tashqari seminarlar va mentorlik darslari orqali hikoya aytish sanʼatini ham rivojlantirishlari mumkin;
• Dastur doirasida ishtirokchilar bir-birlari bilan fikr almashish, yangi bilimlarni oʻrganish va tanish orttirish imkonini ham qoʻlga kiritishadi.

• Dasturga ushbu havola orqali ariza topshirish mumkin.
• Saralash jarayonida ariza shaklida soʻralgan 50-100 soʻzdan iborat hikoyaning qisqacha mazmuni va nomzodlarning hikoyachilik, jurnalistika va yozuvchilik borasidagi tajribalari haqidagi maʼlumotlar inobatga olinadi.
• Dasturga 20 nomzod saralab olinadi va ular 21-iyulgacha e-mail orqali eʼlon qilinadi.

Dasturga 20 nomzod saralab olinadi va natijalar 2024-yil 21-iyulgacha e-mail orqali eʼlon qilinadi.