Markaziy Osiyo fuqarolari uchun Niderlandiyada 3 oylik amaliyot — EUCAM fellowship. Barcha xarajatlar qopalandi!

Yevropa Xavfsizlik Tadqiqotlari Markazining (CESS) Yevropa Markaziy Osiyo monitoringi (EUCAM) tashabbusi fuqarolik jamiyati stipendiyalari dasturiga ariza berishga taklif qiladi. 

2023-yil 6-martdan 26-maygacha Groningendagi CESS ofisida yetuk mutaxassislar bilan ishlash imkoniyati beriladi. Bunda nomzodlar siyosiy bilimlarini oshiribgina qolmay, notiqlik mahorati va yozish malakasini kuchaytirish, doimiy brifinglarda qatnashish imkoniyatiga ega bo'lishadi. 

Amaliyot formati: oflayn, Groigenda (Niderlandiya).

Amaliyot ishchi tili: ingliz tili.

Amaliyot uchun ajratilgan grant: 3 ta

Amaliyotda qatnasha oluvchilar: 25-35 yoshdagi Markaziy Osiyo fuqarolari

Dastur haqida to'liq ma'lumotni bu yerda o'qish mumkin. Shuningdek, dastur haqida tayyorlangan ushbu videoni ham tomosha qilish mumkin.

Nomzodlar quyidagi talablarga javob berishi kerak:

• Yevropa-Markaziy Osiyo munosabatlariga qiziqish bildirgan holda siyosatga yo'naltirilgan tadqiqotlar olib borayotgan bo‘lishi;
• Fuqarolik jamiyatida faol bo‘lish;
•  Qozoq, qirg‘iz, tojik, turkman yoki o‘zbek millatiga mansub bo‘lishi va hozirda hozirda Markaziy Osiyoda yashayotgan 25 yoshdan 35 yoshgacha fuqaro bo‘lish;
• 90 kunlik Shengen vizasini olish huquqiga ega bo'la olishi;
• Ingliz tilini yaxshi bilishi zarur. Sertifikat shart emas.

• 600 yevro miqdorida oylik stipendiya taklif etiladi;
• Niderlandiyada turar joy, Markaziy Osiyodan Niderlandiyaga sayohat, shuningdek, Groningen shahrida turar joy va boshqa sayohat xarajarlari to'liq qoplanadi.

Bundan tashqari stipendiantlar quyidagi imkoniyatlarga ega bo'lishadi:

• Tadqiqot va malaka oshirish institutida ishlash;
• Yevropa Ittifoqi haqidagi bilimlarni oshirib, siyosiy yo'nalisha yozish malakasini kuchaytirish;
• Treninglar davomida notiqlik ko'nikmasini rivojlantirish;
• Intervyu, brifing va uchrashuvlar uchun Bryusselga tashrif buyurish.

Topshiriladigan hujjatlar:

1. Bir sahifalik motivatsiya xati ("Nega shu stipendiyani yutishni istaysiz?" mavzusida).
2. Bir sahifalik CV.

Dasturga hujjatlar 2022-yil 9-dekabr juma kunigacha info@eucentralasia.eu manziliga yuborilishi kerak.

Barcha savollar uchun: info@eucentralasia.eu