Markaziy Osiyo hamda Armaniston davlatlaridagi ingliz tili oʻqituvchilari uchun“Cambridge English Teacher” xalqaro tanlovi
-
07/11/2022 Qabul boshlanishi
-
Mukofot Moliyalash turi
-
Buyuk Britaniya Davlat
-
27/11/2022 23:59 Oxirgi muddat
Umumiy maʻlumotlar
“Cambridge English teacher” tanlovi Cambridge University Press and Assessment tashkiloti tomonidan tashkil qilingan boʻlib, dasturning asosiy maqsadi oʻqituvchilarni ilgʻor oʻqitish usullari boʻyicha kasbiy malakasini oshirish va til boʻyicha yuqori bilimga ega boʻlgan oʻqituvchilar faoliyatini qoʻllab-quvvatlashdan iborat.
Dastur masofadan turib Cambridge test TKT (Teaching Knowledge Test, modules 1,2,3) formatida oʻtkaziladi.
Tanlov ikki bosqichda oʻtkaziladi:
1-bosqichda ishtirokchilar onlayn platforma orqali Kembrij testi TKT (Teaching Knowledge Test) 1,2,3 modullari formatidagi savollar toʻplamini oladi va javoblarini onlayn tarzda taqdim etadi.
Tanlov ishtirokchilari 60 ta savoldan iborat testni toʻldirishlari kerak va testni topshirish uchun 60 daqiqa vaqt beriladi. Vaqt tugagach, javoblar avtomatik ravishda yuboriladi.
15 nafar gʻolibni tanlash toʻplangan ball va vaqt chegarasiga asoslanadi. Musobaqa oxirida ishtirokchilar oʻz natijalarini koʻrishlari mumkin.
2-bosqich final bosqichi boʻlib, eng yaxshi natijalarga erishgan 15 nafar finalistlar Kembrij rasmiy imtihonchilari tomonidan C1 Advanced Cambridge imtihonining formati va mezonlaridan foydalangan holda onlayn ogʻzaki suhbatda ishtirok etadilar.
Final bosqichida 15 nafar finalchilar orasidan 3 nafar birinchi, ikkinchi va uchinchi oʻrin gʻoliblari aniqlanadi.
Dasturda ishtirok etgan oʻqituvchilarning barchasi Kembrij tomonidan turli sovgʻalarga va gʻoliblar esa bepul onlayn trening kurslarga ega boʻlishadi.
Dastur haqida batafsil ushbu havola orqali tanishish mumkin.
Maqbullik shartlari
- Dasturda Oʻzbekiston, Qozogʻiston, Qirgʻiziston, Tojikiston, Turkmaniston hamda Armaniston fuqarolari ishtirok etishlari mumkin;
- Nomzodlar 18 yoshdan yuqori boʻlishi va ona tilisi ingliz tili boʻlmasligi lozim;
- Ishtirokchilar kamida B1 darajaga ega boʻlishlari kerak (CEFR).
Dastur talablari haqida batafsil ushbu havola orqali tanishish mumkin.
Foydali tomonlari
- Tanlov gʻolibiga Kembrij tomonidan o'tkaziladigan har qanday imtihonni bepul topshirish imkoniyati beriladi;
- 2 ta ikkinchi oʻrin sohibiga 20 soatlik Kembrij tayyorlov onlayn kurslari hamda Kembrij kitoblari taqdim etiladi;
- Finalgacha kelgan barchaga Kembrij onlayn kurslaridan 12 ta sovgʻa;
- Har bir ishtirokchiga qatnashganlik haqida sertifikat beriladi.
Dastur manfaatli jihatlari haqida batafsil ushbu havola orqali tanishish mumkin.
Qoʻshimcha maʻlumotlar
Birinchi bosqichda saralangan nomzodlar roʻyxati 5-9-dekabr kunlari eʼlon qilinadi.
Dasturning final bosqichi 10-13-dekabr kunlari onlayn formatda olib boriladi.
Qoʻshimcha savol va murojaatlar uchun: info@cambridgeenglish.org.ru Platformaning ishlashi boʻyicha texnik savollarni Yelizaveta Sorbale sorbale@startexam.ru manzilida qoldirish mumkin.