Markaziy Osiyodagi ekologik muammolarga qiziquvchi yetakchi yoshlar uchun ijtimoiy-ekologik jamgʻarma tomonidan tashkil etilgan sayohat granti
-
01/01/2022 Qabul boshlanishi
-
Grant Moliyalash turi
-
Oʻzbekiston Davlat
-
31/12/2022 23:59 Oxirgi muddat
Umumiy maʻlumotlar
Ijtimoiy-ekologiya jamgʻarmasi yoshlar orasida ekologik harakatlarini qoʻllab-quvvatlash maqsadida yosh yetakchilarga sayohat grantlarini taklif etadi.
Sayohat grantlari dasturining maqsadi atrof-muhitni muhofaza qilish va fuqarolik jamiyatini rivojlantirish sohasida yosh faollarni qoʻllab-quvvatlash. Shuningdek, dastur tajriba va bilim almashish hamda yosh yetakchilarning tashkilotlarni tashkil etish orqali oʻz faoliyatini institutsionallashtirishga yordamlashadi.
Grant dasturi koʻmagida faqat Qozogʻiston, Qirgʻiziston, Oʻzbekiston va Tojikiston hududida sayohat qilish mumkin.
Safarlar 2022-yil 1-yanvardan 31-dekabrgacha rejalashtirilgan.
Sayohat granti Markaziy Osiyodagi tadbirlarda ishtirok etish imkoniyatini beradi. Sayohat grantlari quyidagi sohalardagi tadbirlarda (treninglar, konferensiyalar, seminarlar va boshqalar) ishtirok etishni qoʻllab-quvvatlaydi:
- Atrof-muhitni muhofaza qilish;
- Barqaror rivojlanish;
- Iqlim oʻzgarishi;
- Inson huquqlari;
- Fuqarolik jamiyatini rivojlantirish;
- NNT va ommaviy axborot vositalarida uch kungacha boʻlgan amaliyot oʻtash.
Bir nomzod uchun grant miqdori $500 dan oshmasligi lozim.
Sayohat xarajatlari qoplanadi.
Maqbullik shartlari
- Dasturda Qozogʻiston, Qirgʻiziston, Oʻzbekiston va Tojikiston mamlakatlari fuqarolari ishtirok etishi mumkin;
- Nomzod 18-30 yosh oraligʻida boʻlishi lozim;
- Dastur granti nomzodga faqat bir yilda bir martagina beriladi;
- Bir grant miqdori 500 AQSh dollaridan oshmasligi lozim;
- Davlat organlari va tashkilotlarining yosh xodimlaridan arizalar qabul qilinmaydi.
Dastur talablari haqida batafsil ushbu havola orqali tanishish mumkin.
Foydali tomonlari
- Sayohat (temir yoki havo yoʻllari) xarajatlari dastur tomonidan qoplanadi;
- Biror hududda 4 kun muddatdan koʻp boʻlmagan taqdirda qolish imkoniyati.
Eslatma: Barcha toʻlovlar masofadan turib amalga oshiriladi. Grant sohibining qoʻliga to'g'ridan to'g'ri berilmaydi.
Dastur imtiyozli jihatlari haqida batafsil ushbu havola orqali tanishish mumkin.
Qoʻshimcha maʻlumotlar
Qabul qilingan barcha arizalar roʻyxatga olinadi va sayohat grantlari boʻyicha ekspert komissiyasi tomonidan koʻrib chiqiladi.
Murojaatlar tadbir maqsadlariga muvofiqligi, talabnoma beruvchining kutilayotgan hissasi (stajirovkada, tadbirda qatnashishdan keyin rejalashtirilgan tadbirlar) va boshqalar kabi mezonlar asosida baholanadi.
Jamgʻarma (agar kerak boʻlsa) ariza beruvchidan ushbu tanlovda ishtirok etish bilan bogʻliq qoʻshimcha maʼlumotlarni soʻrash huquqini oʻzida saqlab qoladi.
Jamgʻarma rad etilgan arizalar boʻyicha tushuntirish bermaydi.
Qoʻshimcha savol va murojaatlar uchun:
Dastur koordinatori Alena Rickleton alenakv@gmail.com e-mail manziliga yozish yoki +7 (702) 17 24 024 raqamiga qoʻngʻiroq qilish mumkin.