Marketing va biznes muzokaralarga qiziquvchilar uchun Niderlandiyaning Amsterdam shahrida to'liq moliyalashtiriluvchi onlayn va oflayn amaliyot

The Netherlands Education Group tomonidan iqtidorli yoshlar uchun qisqa muddatli amaliyot dasturi tashkil etilgan.

Dastur davomida ishtirokchilar butun dunyodan kelgan xalqaro iqtidorli yoshlardan tarkib topgan jamoada ishlash va yosh mutaxassis sifatida rivojlanish imkoniyatiga ega boʻladilar. Shuningdek, Amsterdamda boʻlib oʻtadigan amaliyot davomida oʻz kasbining mutaxassislari bilan uchrashib ular bilan yaqindan tanishish, Netherlands Education Groupning biznesga oid dolzarb masalalarini hal qilish va tashkilotni rivojlantirishni istayotgan jamoa bilan birgalikda dunyoqarashlarini kengaytirishlari mumkin.

Dastlab nomzodlar qabul qilinganlaridan soʻng 6 oyda davomida onlayn shaklda amaliyot oʻtashadi, soʻngra Amsterdamda boʻladigan 3 oylik dasturda qatnashish imkoniyatiga ega boʻlishadi.

Olti oylik onlayn amaliyot davomida nomzodlar uydan, yaʼni masofadan turib turli xil vazifalarni, asosan, quyidagi topshiriqlarni bajarishadi:

• Bozorni oʻrganish (Market research);
• Mahalliy hamkorlar bilan aloqa (Communication with local partners);
• Ijtimoiy tarmoqlar bilan ishlash (Work with social media).

Dasturga ariza topshirish yil davomida davom etadi. Javoblar nomzodlar hujjatlarini yuborgandan keyin 3 haftadan ichida ko‘rib chiqilib eʼlon qilinadi.

Dastur haqida ushbu havola orqali batafsil maʼlumotga ega boʻlish mumkin.

• Dasturga butun dunyodan yoshidan qatʼi nazar barcha professional va iqtidorli nomzodlar ariza yuborishlari mumkin;
• Ingliz tilini eng kamida B1+ darajada bilishlari talab etiladi;
• Facebook, Instagram va LinkedIn ijtimoiy tarmoqlarida oʻz sahifalariga ega boʻlishlari kerak;
• Shuningdek, liderlik va muloqot qobiliyatlari yaxshi rivojlangan boʻlishi soʻraladi.

Dastur talablari bilan batafsil bu yerda tanishish mumkin.

• Amsterdamga borish-kelish xarajatlari toʻlab beriladi;
• Yashash xarajatlari, turarjoy va oziq-ovqat uchun stipendiya ajratiladi;
• Yevropa Ittifoqidan tashqarida joylashgan davlat fuqarolari uchun viza taklifnomasi yuboriladi.

Amaliyotning manfaatli jihatlari bilan bu yerda tanishish mumkin.

Dasturga qabul uch bosqichda amalga oshiriladi.

• Birinchi bosqichda nomzodlar soʻralgan hujjatlarni yuborishadi va yuborilgan hujjatlar 3 hafta ichida koʻrib chiqilib, elektron pochtalariga xabar beriladi;
• Ikkinchi bosqichga oʻtgan nomzodlar 6 oy davomida masofadan amaliyot oʻtashadi;
• Uchinchi bosqichda esa amaliyotni Amsterdamda davom ettirishni xohlagan nomzodlar u yerga borib oflayn amaliyot o‘tash imkoniyatiga ega boʻlishadi.

Dasturga topshirish uchun nomzodlardan quyidagi hujjatlar soʻraladi:

• CV;
• Motivatsion xat (ingliz tilida);

Hujjatlarni quyidagi manzilga yuborish  kerak:

• Elektron pochta manzili: office@tneg.nl
• Hujjatlarni yuborish davomida elektron xabarning sarlavha (Headline) qismiga “Fellowship in Amsterdam (Summer Internship)” deb yozib yuborish soʻraladi.

Eslatma: Agar hujjatlar 3 hafta ichida koʻrib chiqilmasa va javob kelmasa qaytadan elektron pochtalariga murojaat qilish soʻraladi.

Qoʻshimcha maʼlumot uchun:

• Elektron pochta manzili:  info@uconsulting.nl
• Telefon raqam: + 31 85 401 89 52