Mashinaviy oʻrganish va Sunʼiy intellekt sohasiga qiziquvchi bakalavr talabalari uchun AQShning bepul NYU AI School qishki maktabi

Machine Learning for Language Lab tashkiloti sunʼiy intellekt va mashinaviy oʻrganish sohasiga qiziquvchi bakalavr talabalari uchun AQShdagi NYU AI School maktabida ishtirok etish va bilimlarini yanada oshirish imkoniyatini taqdim etadi.

Dastur 2022-yilning 10-14-yanvarda Nyu York shahrida boʻlib oʻtadi. Ushbu vaqt davomida talabalar yetakchi mutaxassislar va Nyu-York universitetining eng tajribali professorlari tomonidan olib boriladigan amaliy laboratoriya mashgʻulotlari va leksiyalarda bepul ishtirok etadilar.

Dasturning oʻquv rejasi haqida batafsil ushbu havola orqali maʼlumot olish mumkin.

Dasturda ishtirok etish uchun talabalar quyidagi talablarga javob berishi lozim:

• Dasturda bakalavr bosqichining 1-2-kurs talablari ishtirok etishi mumkin;
• Nomzod mashinaviy oʻrganish, sunʼiy intellekt kabi sohalarga qiziqishga ega boʻlishi kerak;
• Matematika, kompyuter texnologiyalari kabi fanlardan kuchli bilimga ega boʻlish talab etilmaydi. Ammo dasturlash (xususan, Python) sohasida bilimga ega boʻlish ushbu maktabdan koʻproq maʼlumot olishga yordam berishi mumkin.
• Ingliz tilini yaxshi bilishi kerak.

Dasturda ishtirok etish talablari haqida batafsil ushbu havola orqali maʼlumot olish mumkin.

Dastur davomida ishtirokchilar quyidagi imkoniyatlarga ega boʻladi:

• M
• Ishtirokchilar sunʼiy intellekt va mashinaviy oʻrganish haqida asosiy maʼlumotlarga ega boʻladi;
• Mashgʻulotlar tajribali professor va ekspertlar tomonidan olib boriladi;
• Ishtirokchilar mashinaviy oʻrganishning karyera va hayot uchun ahamiyatini toʻliq anglab yetadi va uni amalda qoʻllashni oʻrganadi;
• Soha boʻyicha tadqiqot oʻtaydi va uni zamonaviy jamiyatda qoʻllash uchun amaliy tajriba olib borish imkoniga ega boʻladi.

Eslatma! Safar va turar joy xarajatlarini ishtirokchi oʻz zimmasiga olishi shart.

Dasturda ishtirok etish uchun ushbu ariza shaklini toʻldirish lozim. Ariza toʻldirishdan avval nomzodlar ushbu diagnostik testni ishlab dasturga tayyor ekanliklarini tekshirish olishlari mumkin.

Dasturda soʻzga chiquvchi spikerlar roʻyxati bilan batafsil ushbu havola orqali tanishish mumkin.

Qoʻshimcha savol va murojaatlar uchun: nyuaischool@gmail.com