Media School Uzbekistan 2026 — bepul professional media-maktab dasturi

Media School Uzbekistan (MSU) media-menejment va jurnalistika maktabi 2026-yilgi mavsum uchun professional oʻquv dasturiga arizalar qabulini boshladi. Ushbu dastur oʻz tahririyatini kuchaytirish, raqamli media mahsulotlarini rivojlantirish hamda ilgʻor xalqaro tajribalarni joriy etishni istagan Oʻzbekistondagi media sohasi vakillari uchun maxsus ishlab chiqilgan.

Ishtirokchilar oʻzlarining shaxsiy medialoyihalari ustida ishlaydilar, tajribali trenerlar hamda mentorlarning yaqindan qoʻllab-quvvatlashiga ega boʻladilar va oʻquv jarayonining oʻzidayoq oʻz tahririyatlarida oʻzgarishlarni amalga oshira boshlaydilar. Dastur doirasidagi mashgʻulotlar oʻzbek va rus tillarida olib boriladi.

Oʻqitish jarayoni ikkita asosiy yoʻnalishni qamrab oladi:

• Raqamli jurnalistika (Digital-jurnalistika)

• Raqamli media-menejment (Digital-media-menejment)

• Oʻzbekistondagi faoliyat yuritayotgan media sohasi xodimlari va mutaxassislari ishtirok etishi mumkin;

• Raqamli media-menejment yoʻnalishi uchun: Onlayn OAV rahbarlari, muharrirlari hamda marketing va SMM yoʻnalishlarida kamida 3 yillik boshqaruv tajribasiga ega boʻlgan mutaxassislar;

• Raqamli jurnalistika yoʻnalishi uchun: Digital-tahririyatlarda kamida 2 yillik professional ish tajribasiga ega boʻlgan jurnalistlar, mualliflar, muxbirlar va onlayn-nashrlarning kontent kreyatorlari;

• Oflayn rejadagi uchala modulning barchasida va modullararo onlayn topshiriqlarda toʻliq ishtirok etish majburiyatini olish lozim.

• Zamonaviy jurnalistika va raqamli media boshqaruvi sohasida xalqaro mutaxassislardan bepul ta'lim beriladi;

• Har bir ishtirokchi uchun oʻz medialoyihasini rivojlantirishga qaratilgan individual mentorlik va maslahatlar taqdim etiladi;

• Dastur yakunida eng yaxshi medialoyihalar mualliflari maxsus mukofotlar bilan taqdirlanadi;

• Oʻzbekistondagi yetakchi media vakillari va hamkasblar bilan professional aloqalar (networking) oʻrnatiladi.

Dasturda ishtirok etish uchun hujjat topshirish quyidagi bosqichlardan iborat:

1. Belgilangan onlayn ariza shaklini toʻldiring;

2. Ariza doirasida oʻzingizga mos boʻlgan yoʻnalishni tanlang va professional tajribangiz haqidagi savollarga javob bering;

3. Hujjatlarni yuklab, arizani yakuniy muddatgacha yuboring.

Saralash bosqichlari:

• Yuborilgan arizalarni dastlabki tahlil qilish;

• Saralangan short-list nomzodlari bilan onlayn-suhbat oʻtkazish;

• Nufuzli mediamutaxassislar tomonidan berilgan ikkita tavsiyanomani koʻrib chiqish.

Eslatma: 2026-yilda dasturga jami 24 nafar ishtirokchi qabul qilinadi — har bir yoʻnalish guruhiga 12 kishidan ajratiladi.

Saralash bosqichlari va muhim sanalar:

• Dasturga hujjat topshirish oxirgi muddati: 2026-yil 20-iyul;

• I modul: 2026-yil 24–27-sentabr (Toshkent viloyatida oflayn intensiv);

• II modul: 2026-yil 30-oktabr – 1-noyabr;

• III modul: 2026-yil 20–22-noyabr;

• Final va loyihalar taqdimoti: 2026-yil 23-noyabr.

Loyiha tashkilotchilari: Media School Uzbekistan 2026 loyihasi Oʻzbekiston Respublikasi Prezidenti Administratsiyasi huzuridagi Ommaviy axborot vositalari uchun kontent tayyorlash markazi ishtirokida, Zamonaviy jurnalistikani rivojlantirish markazi (MJDC) hamda DW Akademie hamkorligida amalga oshirilmoqda. Loyiha Germaniya Iqtisodiy hamkorlik va rivojlanish federal vazirligi (BMZ) tomonidan moliyaviy qoʻllab-quvvatlanadi.