Meksika hukumatidan barcha bosqichlarda toʻliq moliyalashtirilgan holda oʻqish imkonini beruvchi — Merit Scholarships grant dasturi

Meksika Tashqi Ishlar Vazirligi (SRE) Taraqqiyot boʻyicha Meksika xalqaro hamkorlik agentligi (AMEXCID) bilan bakalavriat, magistratura va doktorantura bosqichini Meksikada oʻqishga qiziqqan xorijlik talabalar, shuningdek, ilmiy izlanish olib borayotgan tadqiqotchi talabalar uchun toʻliq moliyalashtiriladigan Merit Scholarships grantini taqdim etadi. Dastur doirasida Meksikaning 90 dan ortiq oliy taʼlim muassasalari butun dunyo boʻylab 180 dan ortiq mamlakatdan kelgan talabalarni qabul qiladi. Ushbu dastur orqali Meksika hukumati global miqyosda oʻz rolini yanada kuchaytiradi hamda yuqori darajadagi inson kapitalini shakllantirishga koʻmaklashish uchun hamkorlik harakatlarini qoʻllab-quvvatlaydi. Meksikaga xalqaro talabalar, akademiklar va olimlarning kelishi uning tashqi siyosatda xorijiy hamkorlari bilan boʻlgan aloqalarini yaxshilaydi. 

Gʻoliblarga stipendiyalar quyidagi muddatlarda beriladi:

• Bakalavriat (almashinuv dasturi) uchun — 2 yil;
• Magistratura (almashinuv dasturi) uchun — 1 yil;
• Magistratura uchun — 2 yil;
• Doktorantura uchun — 3 yil;
• Ilmiy izlanish olib borayotgan tadqiqotchi talabalar (magistratura, doktorantura va post-doktorantura) uchun — 1 yil.

Saralash quyidagi bosqichlardan iborat:

• 1-bosqich: Nomzodlar onlayn ariza topshiradi (2024-yil 16-maydan 28-iyungacha);
• 2-bosqich: Murojaatlar koʻrib chiqiladi va baholanadi (2024-yil 28-iyundan 5-avgustgacha);
• 3-bosqich: Tanlangan nomzodlarga natijalar haqida xabar beriladi (2024-yil 5-avgustdan 9-avgustgacha);
• 4-bosqich: Nomzodlar dasturni boshlaydi (2024-yil sentyabrdan 8-dekabrgacha).

Dastur haqida batafsil ushbu havola orqali maʼlumot olish mumkin.

• Meksikada bakalavriat, magistratura, doktorantura va post-doktorantura bosqichini oʻqishni istagan barcha xalqaro talabalar ishtirok etishi mumkin;
• Ispan tilini bilish lozim (sertifikat soʻralmaydi);
• Ushbu roʻyxatda koʻrsatilgan davlat fuqarolari qatnashishi mumkin (Oʻzbekiston roʻyxatda bor).

Saralash mezonlari:

• Saralash nomzodning etnik kelib chiqishi, jinsi, yoshi, nogironligi, ijtimoiy mavqeyi, sogʻligʻi, diniy qarashlari, oilaviy ahvoli yoki inson qadr-qimmati va maqsadlariga putur etkazadigan har qanday boshqa vaziyat yoki shartlarga asoslanmagan holda amalga oshiriladi;
• Barcha talab qilingan hujjatlarni belgilangan muddatda topshirish;
• Ariza beruvchining akademik yutuqlari;
• Oldin Meksika xalqaro taraqqiyot hamkorligi agentligi tomonidan berilgan stipendiyasini olmagan nomzodlarga ustunlik beriladi.

Quyidagi nomzodlar ariza topshira olmaydi:

• Meksikada akkreditatsiyadan oʻtgan xorijiy diplomatlar va ularning oila aʼzolari;
• Meksika fuqaroligiga ega chet elliklar, shuningdek, meksikalik ota-onaning farzandlari;
• Oilaviy munosabatlar sabab Meksika vizasiga ega yoki uni olishga intilayotgan xorijliklar;
• Oʻtgan yili istalgan federal davlat muassasasidan stipendiya olgan nomzodlar;
• Meksika hukumatining biror bir agentligi tomonidan stipendiya berilganlar;
• Grantga ariza topshirgan paytda Taraqqiyot boʻyicha Meksika xalqaro hamkorlik agentligi tomonidan boshqa dastur orqali stipendiya olayotgan nomzodlar.

Eslatma: Dasturga qabul har bir Meksika taʼlim muassasasining ichki qoidalarini hisobga olgan holda chiqariladi. Shuning uchun topishmoqchi boʻlgan taʼlim muassasaning ichki talablari bilan ham tanishib chiqish lozim.

Muhim: Tashkilotchilar istalgan vaqtda arizachi tomonidan taqdim etilgan maʼlumotlarning toʻgʻriligini amaldagi qoidalarga muvofiq tekshirishi mumkin.

• Magistratura, bakalavriat va magistratura (almashinuv dasturi) hamda magistrlik darajasidagi tadqiqotlar uchun — $13,202.12;
• Doktorantura, post-doktorantura hamda ushbu darajadagi ilmiy tadqiqotlar uchun — $16,502.65 stipendiya beriladi;
• Aviachipta xarajatlari qoplanadi;
• Tibbiy sugʻurta bilan taʼminlanadi (dasturning yettinchi oyidan boshlab dasturning oxirigacha);
• Meksika vizasi uchun toʻlovdan ozod qilinadi;
• Agar oʻqish Meksika shahridan tashqarida oʻtkazilsa, Meksika shahridan taʼlim muassasasi joylashgan shahargacha transport xarajatlari qoplanadi;

Eslatma: Stipendiyalarni  belgilangan davrdan keyingi oʻquv yillariga kechiktirish mumkin emas. Ilmiy daraja olish uchun tezislarni tayyorlashga stipendiyalar berilmaydi. Nomzodning oliy taʼlim muassasalariga qabul qilinishi Meksika hukumati tomonidan stipendiya berilishini kafolatlamaydi.

• Dasturda qatnashishni istagan nomzodlar ushbu havola orqali ariza topshirishlari mumkin;
• Ariza topshirishdan oldin Applicantʼs Guide orqali ariza topshirish jarayoni haqida maʼlumot olish mumkin;
• Ariza va talab qilingan hujjatlar ispan tilida boʻlishi kerak (ispan tilidan boshqa tildagi hujjatlar ispan tilidagi tarjimasi bilan taqdim etilishi kerak);
• Bir nomzod faqat bir marta ariza topshirishi mumkin;
• Hujjatlar PDF formatida, maksimal 1,8 MB hajmda boʻlishi kerak;
• Imzoni talab qiladigan hujjatlardagi imzo arizachining pasportiga mos kelishi va koʻk siyoh bilan imzolangan boʻlishi kerak;

Quyidagi hujjatlar talab qilinadi:

• Pasport nusxasi;
• Declaration letter;
• CV (maksimal 4 sahifa);
• Davlat yoki xususiy sogʻliqni saqlash muassasasi tomonidan ariza topshirilgunga qadar 3 (uch) oydan koʻp boʻlmagan muddatda berilgan, ariza beruvchining sogʻligʻi yaxshi ekanligini koʻrsatuvchi tibbiy maʼlumotnoma nusxasi;
• Meksikadagi universitetga qabul qilingani haqida xat.

Agar nomzod Meksikada oʻqiyotgan boʻlsa, quyidagilarni ham ilova qilishi kerak:

• Unique Population Registry Code (CURP);
• Talaba uchun vaqtinchalik rezidentlik guvohnomasi.

Muhim: Yuqoridagilar nomzodlardan talab qilingan umumiy hujjatlar hisoblanadi. Talab qilinadigan hujjatlar haqida batafsil ushbu havola orqali maʼlumot olish mumkin.

• Natijalar eʼlon qilingan soʻng belgilangan muddatlar oʻzgartirilmaydi yoki uzaytirilmaydi, shuningdek, oʻquv dasturiga, muassasaga yoki tadqiqot dasturiga hech qanday oʻzgartirish kiritilmaydi;
• Natijalar nomzodlarga elektron pochta orqali yuboriladi;
• Email: infobecas@sre.gob.mx; 
• Tel: (55) 3686 — 5100;
• Quyidagi ijtimoiy tarmoqlar orqali qoʻshimcha maʼlumot olish mumkin:
  • Facebook;
  • Twitter.
• Oxirgi muddat: 28-iyun, 2024-yil.