Butun dunyo yoshlarini qamrab oluvchi Young Professional Fellowship Canada 2025 konferensiyasi

"Young Professional Fellowship Canada 2025" - bu har yili dunyoning turli burchagida o‘tkaziluvchi 16-40 yosh oralig‘idagi global yoshlar uchrashuvidir. Ushbu dastur madaniyatlararo almashinuv, o‘zini o‘zi tadqiq qilish, yetakchilikni rivojlantirish, global o‘zaro munosabatlar va do‘stlik, hamkorlik, Barqaror rivojlanish maqsadlari va yoshlar o‘rtasidagi ijtimoiy aloqalarni mustahkamlashga qaratilgan.

MAPS - Yoshlar Lideri Tashkiloti butun dunyo bo‘ylab o‘z jamoalari atrofida ijtimoiy o‘zgarishlarni amalga oshirayotgan 150 nafar eng yaxshi yoshlarni saralab oladi. Bu yil uchun to‘liq moliyalashtirilgan 20 ta, qisman moliyalashtirilgan 45+5 ta va 130 ta o‘zini o‘zi moliyalashtiradigan o‘rin ajratilgan.

Dastur maqsadi:

1. Butun dunyo bo‘ylab yoshlar o‘rtasida o‘zaro madaniyatlararo almashinuv va global do‘stlikni o'rnatish;
2. Ishtirokchilar orasida yetakchilik, jamoani shakllantirish, tadbirkorlik ko‘nikmalarini rivojlantirish va bunda BMTning Barqaror Taraqqiyot Maqsadlari tashkilotining tutgan o‘rnini anglatish;
3. Delegatlarni iqtisodiy va ilmiy-texnikaviy rivojlanishlar natijasida dunyodagi bo‘layotgan hodisalardan xabardor qilish;
4. Ishtirokchilarga sog‘lom turmush va farovon hayot kechirishlari uchun o‘zliklarini anglash va hayotga ijobiy yondashishlari borasida yordam berish va b.

Dasturga bu yil 5-8 avgust kunlari Kanada davlati mezbonlik qiladi. 

Dastur bo‘yicha ushbu videorolikni tomosha qilish mumkin.

Dasturda qatnashish uchun quyidagi talablar mavjud:

• Dunyoning istalgan burchagidan 16-40 yosh oralig'idagi yoshlar;
• Ijtimoiy o‘zgarishlarga qiziqadigan nomzodlar;
• Ijtimoiy tajribaga ega bo‘lmagan, ammo ijtimoiy o‘zgarishlarga oid o‘z qarashlarini bildira oladigan yoshlar;
• Har qanday darajadagi ijtimoiy/ta‘lim faoliyati bilan shug‘ullanadigan nomzodlar;
• Ingliz tilida erkin muloqot qila oladigan yoshlar qatnasha oladi;
• Nomzodlardan IELTS / TOEFL sertifikatlari talab qilinmaydi.

Dastur doirasida to‘liq moliyalashtirilgan grant (20), qisman moliyalashtirilgan grant (45+5)lar ajratiladi:

• Borib-kelish safar xarajatlari (faqat to‘liq moliyalashtiriladigan grantlar uchun);
• Butun dastur davomida yashash uchun turar-joy;
• Ovqatlanish (nonushta va tushlik) xarajatlari qoplanadi;
• Viza yordami/taklif xati;
• Global Leaders va tengdosh ijtimoiy tadbirkorlar bilan muloqot qilish imkoniyati;
• Mashg‘ulotlarga asoslangan o‘rganish;
• Diqqatga sazovor joylarga tashrif buyurish va madaniy kechki marosimlarda qatnashish;
• Dastur uchun qilgan harakatlarini inobatga olgan holda beriladigan mukofot va dastur uchun kerakli bo‘lgan narsalar to‘plami;
• Sertifikat;
• Turli xil bayramlarda ishtirok etish;
• Konferensiya to‘plami, madaniy kechalarda ishtirok etish.

Izoh: Shaxsiy hisobdan qatnashish uchun ham 130 ta o‘rin ajratiladi. Ushbu toifadagi ishtirokchilarga yo‘l, turar-joy xarajatlaridan tashqari yuqoridagi barcha imkoniyatlar beriladi.

Dasturga ushbu havola orqali ariza topshirish mumkin. 

Ariza berish tartibi:

• Ariza uchun to‘lov ($30) - bu qaytarilmas bir martalik ariza badali hisoblanadi.
• Ariza shakli (ko‘rsatilgan havola orqali yuboriladigan ariza);
• To‘lovni tasdiqlovchi hujjatni ilovasi.

To‘liq va qisman moliyalashtirilgan delegatlarni tanlash mezoni qanday amalga oshiriladi?

• Ariza beruvchilarning motivatsiyasi, g‘oyalari va yutuqlariga qarab;
• Delegat sifatida tanlanganda jamiyatga qanday ta‘sir o‘tkazishi borasidagi savollarga bergan javoblariga qarab;
• Suhbat natijasiga qarab (dastlabki saralashdan o‘tganlar uchun).

Eslatma: Dasturga ariza berish narxi 30$. Agar ariza muvaffaqiyatli deb topilmasa ariza uchun to‘lov hech qanday holatda qaytarilmaydi. 

Muhim sanalar:

Ariza topshirishning oxirgi muddati: 05-mart, 2025-yil

Natijalar deklaratsiyasi: 2025-yil 15-mart;

Ishtirok etishni tasdiqlashning oxirgi muddati: 2025-yil 25-mart;

YPF Kanada: 5-8-avgust, 2025-yil.

Aloqa uchun:

• Email: communication@youngprofessionalfellowship.org;
• WhatsApp: +1 (929) 412-5845;
• Facebook;
• Instagram;
• WhatsApp Channel.