Metsenat.uz loyihasida yapon tilida oʻqiyotgan filolog-talabalar uchun 36 mln soʻmlik stipendiya eʼlon qilindi

Reiwa Japanese School tomonidan Toshkent davlat jahon tillari universiteti, Toshkent davlat sharqshunoslik universiteti, Toshkent davlat yuridik universiteti va Samarqand davlat chet tillari institutida yapon tili filologiyasi sohasida tahsil olayotgan 1,2 va 3 bosqich talabalari uchun stipendiya eʼlon qilindi.

• kam taʼminlangan boʻlishi kerak;
• toʻlov-kontrakt asosida tahsil olayotgan boʻlishlari;
• til bilish darajasi qoniqarli boʻlishi kerak;
• ijtimoiy hayotda faol boʻlishlari kerak;
• belgilangan imtihondan muvaffaqiyatli oʻtishi kerak.

Talablarga mos keladigan 12 nafar nomzodlarga 10 oy davomida 300 ming soʻmdan stipendiya beriladi.

Hujjat topshirish uchun metsenat.uz saytidan roʻyxatdan oʻtib, platformada soʻralgan barcha maʼlumotlarni toʻldiring va stipendiyaga ariza qoldiring. Shaxsiy maʼlumoti toʻliq kiritilmagan talabalar grant yoki stipendiyalarga daʼvogarlik qila olmaydi.

Hujjat topshirgan talabalar 23-may sanasida sohalari boʻyicha belgilangan imtihonni topshiradilar.

Qoʻshimcha maʼlumotga @metsenatuz telegram kanali va @metsenat_support_bot orqali ega boʻlishingiz mumkin.