Microsoft Office va Adobe dasturlari bo‘yicha milliy chempionat
-
04/05/2023 Qabul boshlanishi
-
Bepul ta'lim Moliyalash turi
-
Oʻzbekiston Davlat
-
15.06.2023 Oxirgi muddat
Umumiy maʻlumotlar
IT Park va Certiport xalqaro test markazi 2023-yil 10-aprelda imzolangan hamkorlik to‘g‘risidagi memorandum doirasida Microsoft Office va Adobe tanlovining milliy bosqichi uchun arizalarni saralash boshlanganini e’lon qiladi.
Microsoft Office va Adobe - bu Microsoft ofis ilovalari va Adobe dasturlari bilan ishlash ko'nikmalarini sinovdan o'tkazadigan global musobaqa hisoblanadi. Ba'zi mamlakatlarda yoki mintaqalarda talabalar birinchi milliy bosqichda ishtirok etishlari shart. Uning natijalariga ko‘ra eng yaxshi talabalar o‘z mamlakatlarini jahon chempionatida namoyish etish imkoniyatiga ega bo‘ladilar.
Ma'lumot uchun: Certiport – bu Amerika kompaniyasi bo'lib, butun dunyo bo'ylab 15 000 dan ziyod markazlarda o'tkaziladigan testlarni ishlab chiqish va avtomatlashtirilgan testlarning yetakchilardan biri hisoblanadi.
Batafsil ma'lumot va tanlovda ishtirok etish qoidalari bilan ushbu havola orqali tanishib chiqish mumkin.
Maqbullik shartlari
- Nomzodlar 13 yoshdan 22 yoshgacha bo'lishlari lozim;
- Microsoft ofis ilovalari va Adobe dasturlari bilan ishlashga qiziquvchi barcha havaskorlar tanlovda qatnashishi mumkin;
- Xalqaro tanlov ishtirokchisiga aylanish uchun 2023-yil 15-iyungacha Certiport test markazida Microsoft Certified Educator va Adobe Certified Educator sertifikatlariga ega bo'lish lozim.
Eslatma: Tanlovda ishtirok etish uchun til sertifikati so'ralmaydi. Biroq tanlov ingliz tilida olib borilganligi uchun nomzodlar ingliz tilini yetarli darajada bilishlari lozim.
Foydali tomonlari
- Tanlov ishtirokchilaridan eng yuqori natijaga erishgan 6 kishi tanlab olinadi hamda barcha yo'l va ishtirok xarajatlari Certiport xalqaro test markazi tomonidan qoplanadi;
- Xalqaro IT sertifikatiga ega boʻlgach, ishtirokchilar o'qish va imtihon xarajatlari uchun 50% gacha kompensatsiya olishi mumkin;
- O‘quv qo‘llanmalari, amaliyot testi va imtihon vaucheri xalqaro sertifikat olish imkoniyatini oshirishga yordam beriladi (bu materiallarning barchasining narxi avval 150 AQSh dollarini tashkil etgan bo‘lsa, ishtirokchilarga 500 ming so‘mga xarid qilish imkoni beriladi);
- Milliy chempionat g'oliblari quyidagicha mukofotlanadilar:
- 1-o‘rin: 4 999 AQSh dollari, kubok, Microsoft yoki Adobe xalqaro sertifikati;
- 2-o‘rin: 2499 AQSh dollari, medal, Microsoft yoki Adobe xalqaro sertifikati;
- 3-o‘rin: 999 AQSh dollari, medal, Microsoft yoki Adobe xalqaro sertifikati.
- AQSHda bo'lib o'tgan xalqaro chempionat g'oliblari quyidagicha mukofotlanadilar:
- 1-o‘rin: 8 000 AQSh dollari;
- 2-o‘rin: 4 000 AQSh dollari;
- 3-o‘rin: 2 000 AQSh dollari.
Qoʻshimcha maʻlumotlar
- Xalqaro turnir 30-iyul kuni AQSHning Orlando shahrida bo‘lib o‘tadi;
- Kompensatsiya olish bo'yicha tafsilotlarni ushbu havola orqali bilib olish mumkin;
- Tel: +99895 6818686;
- Oxirgi muddat: 15-iyun, 2023-yil.