MOPGA Visiting Fellowship Program — Fransiyada 1 yil davomida tadqiqot olib borish imkoniyati; €2500 oylik stipendiya taqdim etiladi!
-
16/09/2024 Qabul boshlanishi
-
Stipendiya Moliyalash turi
-
Fransiya Davlat
-
05.12.2024 Oxirgi muddat
Umumiy maʻlumotlar
MOPGA Visiting Fellowship Program — 2018-yilda boshlangan “Make Our Planet Great Again” (MOPGA) tashabbusi doirasida tashkil etilgan yosh tadqiqotchilarga Fransiyada tadqiqot olib borish imkoniyati beruvchi hamdoʻstlik dasturi.
Dasturning asosiy maqsadi COP(Conference of the Parties) tomonidan koʻtarilgan iqlim oʻzgarishi muammolariga ilmiy jihatdan hissa qoʻshishni kuchaytirishdir.
MOPGA dasturi Fransiyada oʻz tadqiqotini olib borishni xohlovchi 60 nafar yosh tadqiqotchilarni qabul qiladi. Dastur Fransiyaning Yevropa va tashqi ishlar vazirligi tomonidan Fransiya Oliy taʼlim va tadqiqotlar vazirligi bilan hamkorlikda moliyalashtiriladi va Campus France tomonidan amalga oshiriladi.
Yosh tadqiqotchilar uchun MOPGA 2025 hamdoʻstlik stipendiya dasturi quyida keltirilgan mavzular ustida ish olib borayotgan tadqiqotchilarni qoʻllab-quvvatlaydi.
Tadqiqot mavzulari:
- Yer tizimlari (Earth systems);
- Iqlim oʻzgarishi va barqarorlik (Climate change and sustainability);
- Barqaror energiyaga oʻtish (Energy transition);
- Atrof-muhit muammolarining ijtimoiy qiyinchiliklari (Societal challenges of environmental issues);
- Inson, hayvonlar va ekotizim salomatligi “Yagona salomatlik” yondashuvining bir qismi sifatida (Human, animal and ecosystem health as part as a “One Health” approach).
Dastur haqida batafsil rasmiy sayt orqali maʼlumot olish mumkin.
Maqbullik shartlari
Dastur talablari:
- Fransiya fuqaroligiga ega boʻlmagan;
- Doktorlik darajasiga ega boʻlganiga 5 yildan oshmagan xorijiy tadqiqotchilar (2019-yil dekabridan 2024-yil yanvarigacha dissertatsiya himoyasidan oʻtgan boʻlishi kerak) hujjat topshirishi mumkin;
- Nomzodlar ingliz va/yoki fransuz tillarini yaxshi bilishi lozim;
- Yosh chegarasi belgilanmagan.
Dastur talablari va shartlari bilan batafsil rasmiy sayt orqali maʼlumot olish mumkin.
Foydali tomonlari
Hamdoʻstlik dasturi quyidagi imtiyozlarni oʻz ichiga oladi:
- Oylik stipendiya — €2500;
- Fransiyaga kelganda turar-joyga joylashish xarajatlari uchun €500;
- Ijtimoiy xavfsizlik qoplamasi boʻyicha yordam;
- Tibbiy sugʻurta boʻyicha yordam.
Qoʻshimcha maʻlumotlar
- Natijalar 2025-yil iyun oyi oxirida eʼlon qilinadi.
- Gʻoliblar Fransiyaga yetib kelishi va dastur boshlanishi 2025-yil sentyabr-dekabr oylariga toʻgʻri keladi.
Tez-tez soʻraladigan savollar boʻlimi — FAQs.
Qoʻshimcha savol va murojaatlar uchun: mopga@campusfrance.org.