Moskva aviatsiya institutidan maktab va kollej oʻquvchilari uchun “Men MAI talabasiman” nomli xalqaro onlayn olimpiada

Moskva aviatsiya instituti (MAI) maktabning 10-11-sinf oʻquvchilari va kollej/litsey oʻquvchilari uchun “Men MAI talabasiman” nomli xalqaro olimpiadani eʼlon qiladi. Olimpiada onlayn tarzda oʻtkaziladi. Unda matematika, fizika va informatika fanlaridan turli qiyinchilik darajasidagi topshiriqlar test shaklida beriladi va natijalar avtomatik tarzda aniqlanadi. Shuning uchun hech bir ishtirokchi apellyatsiya uchun ariza berolmaydi.

Dasturdan maqsad oʻquvchilardagi soha boʻyicha egallagan bilim darajasini aniqlash, murakkab masalalarni onlayn tarzda hal qilish qobiliyatini sinab koʻrish va qobiliyatli nomzodlarni institutga kirishga ragʻbatlantirishdan iborat.

Maʼlumot uchun: Moskva aviatsiya instituti (MAI aviatsiya va boshqa yuqori texnologiyali sohalar boʻyicha chuqur bilimga ega kadrlarni yetkazib beradigan Rossiyadagi yetakchi texnik universitetlardan biridir. MAI talabalari zamonaviy loyihalar ustida tadqiqotlar olib borishadi va aviatsiya tizimlari, jumladan uchuvchisiz uchish apparatlari, tovushdan tez tizimlar, ilgʻor harakatlantiruvchi va elektr stansiyalari, kosmik tizimlar, matematik modellashtirish, sunʼiy intellekt, avionika, kompozit materiallar, qoʻshimcha texnologiyalar kabi sohalarda katta ahamiyatga ega boʻlgan texnologiyalarni shakllantiradilar.

Dastur haqida batafsil ushbu havola orqali maʼlumot olish mumkin.

• Dasturda maktabning 10-11-sinf oʻquvchilari va kollej/litsey oʻquvchilari qatnashishi mumkin;
• Ishtirokchilar matematika, fizika va informatika fanlaridan maktab oʻquv dasturiga asoslangan topshiriqlarni bajarishlari lozim;
• Olimpiada faqat chet el fuqarolari uchun onlayn tarzda oʻtkaziladi;
• Rus tilini dasturda qatnashish darajasida bilish kerak;
• Ishtirokchilar yaxshi internet tezligi bilan taʼminlangan kompyuterga ega boʻlishi lozim.

• Dasturda bepul qatnashish mumkin;
• 1-oʻrin gʻoliblari I darajali diplom va MAI ga kirish uchun qoʻshimcha 10 ballni, 2-, 3-oʻrin gʻoliblari esa II va III darajali diplom hamda MAI ga kirish uchun qoʻshimcha 8 ballni qoʻlga kiritadi;
• Moskva aviatsiya institutiga kirish va dunyodagi eng mashhur muhandislar guruhiga qoʻshilish imkoniyati;

Dasturda qatnashishni istaganlar ushbu havola orqali roʻyxatdan oʻtib, ariza topshirishlari mumkin.

Dasturda quyidagi tartibda ishtirok etish mumkin:

1. Roʻyxatdan oʻtiladi va barcha kerakli maʼlumotlar kiritiladi.
2. Roʻyxatdan muvaffaqiyatli oʻtganlarga elektron pochta orqali tasdiq xati yuboriladi.
3. Ishtirokchilarga matematika, fizika va informatika boʻyicha beriladigan barcha topshiriqlar maktab oʻquv dasturiga asoslanadi va har bir fan boʻyicha berilgan vazifani bajarish uchun 120 minut vaqt beriladi.
4. Natijalar eʼlon qilingandan soʻng gʻolib va sovrindorlarga diplom beriladi. Qoʻshimcha ball olish uchun hujjatlarni topshirishda MAI qabul boʻlimi xodimlariga ushbu diplom taqdim etilishi kerak.

• Email: int_olymp@mai.ru;
• Tel: +79998237545.

Muhim sanalar:

• Dasturga hujjat topshirish uchun oxirgi muddat: 15-aprel, 2024-yil;
• Olimpiada 2024-yil 10-18-aprel kunlari oʻtkaziladi;
• Natijalarni eʼlon qilish va sovrindorlarni taqdirlash 2024-yil 22-30-aprelgacha davom etadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• WhatsApp.