Muhandis dizaynerlar uchun yangi ijodiy loyihalarni qo‘llab quvvatlashga qaratilgan James Dyson Xalqaro Dizayn mukofoti. £30,000 gacha pul mukofoti yutib olish imkoniyati

James Dyson Mukofoti bu istiqbolli yosh dizayn muhandislarini aniqlash maqsadida o‘tkaziladigan xalqaro dizayn mukofoti hisoblanadi. Dastur bo‘lajak muhandislarga ixtirolarni yaratish va ularni keng ommaga yoyish imkoniyatini beradi. Loyiha James Dyson mukofot jamg‘armasi tomonidan tashkillashtirilgan. Tanlovni tashkillashtirishdan asosiy maqsad odatiy, kundalik ishlatiladigan narsalarga o‘zgacha yondashuv orqali ularni yanada qulayroq va yaxshiroq holga keltirishdir. Dasturda muhandislik sohasida tahsil olayotgan yoki shu sohani bitirgan nomzodlar qatnashishlari mumkin. Nomzod tanlovda bugungi kunda dolzarb bo‘lgan muammolardan biriga o‘z yechimini taklif qilgan holda qatnashishi kerak bo‘ladi.  Dastur g‘oliblariga turli miqdorda pul mokofoti taqdim etiladi. 

Dasturga ariza topshirish jarayoni 2025-yil 12-martdan boshlanadi.

Dastur haqida ushbu havola orqali batafsil ma’lumot olish mumkin. 

• Ariza topshirish paytida nomzodlar kamida 18 yoshga to‘lgan bo‘lishi kerak;
• Muhandislik yoki shunga yaqin sohada bakalavr yoki magistratura bosqichini o‘qiyotgan yoki bitirganiga 4 yildan oshmagan bo‘lishi kerak;
• Yakka shaxs yoki jamoa bo‘lib ishtirok etish mumkin (maksimum 10 kishi);
• Jamoa yetakchisi mutaxassislik fan mavzularining birini bilishi kerak;
• Jamoaning barcha a’zolari bakalavr yoki magistratura bosqichi talabasi bo‘lishlari kerak;
• Boshqa sohadagi talabalar ham shu sohada fikrlarini boshqalar bilan baham ko‘rmoqchi bo‘lsalar jamoaga qabul qilinishlari mumkin (ulardan shu sohani bilishi to‘g‘risida sertifikat nusxasi taqdim etilishi kerak); 
• Ushbu dastur barcha davlat talabalari uchun ochiq. Shunday bo‘lsada talabalar quyidagi davlatlarda tahsil olayotgan bo‘lishlari kerak: Avstraliya, Avstriya, Belgiya, Kanada, Xitoy, Kolumbiya, Fransiya, Germaniya, Gong Kong, Hindiston, Irlandiya, Italiya, Yaponiya, Malayziya, Meksika, Niderlandiya, Yangi Zelandiya, Filippin, Polsha, Rossiya, Singapur, Janubiy Korea, Ispaniya, Shvetsariya, Tayvan, Turkiya, Birlashgan Arab Amirliklari, Buyuk Britaniya, AQSh. 

Dastur talablari haqida ushbu havola orqali to'liqroq ma'lumot olish mumkin. 

• Mahalliy g‘oliblar uchun £5,000;
• Xalqaro yetakchilar uchun £5,000;
• Mutloq g‘oliblar uchun £30,000;
• Xalqaro g‘oliblar uchun £30,000.

Tanlovdan ro‘yxatdan o‘tish uchun quyidagi hujjatlar talab qilinadi:

1. Loyiha rejasi va shu bo‘yicha qo‘shimcha ma’lumotlar;
2. Baholar transkripsiyasi;
3. Tavsiyanoma yoki imzolangan xat (professor yoki fakultet dekanidan);
4. Dars hisobotlari/ma‘lumotnoma;
5. Ilmiy sertifikat (diplom) nusxasi;
6. Shu soha bo‘yicha olingan sertifikatlar nusxasi (mavjud bo‘lsa).

Eslatma! Yuqoridagi hujjatlar PDF, MS Word va JPEG formatida qabul qilinadi. Dasturga ariza topshirish jarayoni 2025-yil 12-martdan boshlanadi. Tanlovda ishtirok etishni shu sanadan boshlash mumkin. Ariza shakli ochilgandan so‘ng, hujjatlar qachongacha qabul qilinishi ham aniq bo‘ladi. 

Murojaat uchun: 

Email: info@jamesdysonfoundation.com 

AQShdagi so‘rovlar uchun: jamesdysonfoundationus@dyson.com 

Yaponiya yoki Janubiy-Sharqiy Osiyodagi so‘rovlar uchun: jamesdysonfoundationjapan@dyson.com 

infosea@jamesdysonfoundation.com

Qo‘shimcha savollar uchun: 

jamesdysonfoundationjapan@dyson.com

infosea@jamesdysonfoundation.com

Dastur haqida quyidagi ijtimoiy tarmoqlar orqali ham ma‘lumot olish mumkin:

-Facebook;

-Instagram;

-Youtube.