Mukofot jamgʻarmasi 250,000 yevro boʻlgan CEWE Fotosuratlar tanlovi
  • 01/01/1970 Qabul boshlanishi
  • Mukofot Moliyalash turi
  • Germaniya Davlat
  • 31.05.2021 Oxirgi muddat
Telegram kanalimizga aʼzo boʻling

Muhim tafsilotlar

  • Yosh chegarasi
    18 yoshdan

Doʻstlar bilan ulashing

Umumiy maʻlumotlar

“Bizning olam betakror” shiori ostida toʻrtinchi marotaba oʻtkazilayotgan eng yirik fotosuratlar tanlovi boʻlgan CEWE Foto Tanlovida suratga olishga qiziquvchi barcha qatnashishi mumkin. Mukofot jamgʻarmasi jami 250,000 yevroni tashkil qilgan ushbu tanlovda 1000 ta sovgʻadan birini yutib olish imkoniyatiga egasiz. Fotosuratlar oʻn xil toifada taqdim etilishi mumkin.

Tanlov maqsadi — dunyo goʻzalligini fotografik qiziqishning asosiy obyekti sifatida namoyish etish. Gʻolib malakali mutaxassislardan tuzilgan hakamlar hayʼati tomonidan tanlanadi.

CEWE tashkiloti har bir taqdim etilgan fotosurati uchun barcha SOS bolalar tashkilotlariga 10 sent xayriya taqdim etadi.

Maqbullik shartlari

  • 18- yoshdan katta boʻlish;
  • ishtirokchilar oʻzlari tomonidan suratga olingan 100 tagacha fotosurat yuklashga ruxsat etiladi.

Fotosuratlar 10 mavzuda boʻlishi lozim:

  1. Tabiat
  2. Manzaralar
  3. Odamlar
  4. Sayohat va madaniyat
  5. Arxitektura va texnologiya
  6. Sport
  7. Hayvonlar
  8. Koʻngilochar mashgʻulotlar va hordiq
  9. Taomlar yoki taom tayyorlash jarayoni
  10. Havodan turib tushirilgan rasmlar

Quyidagi uch holatda ishtirokchi tanlovdan chetlashtirilishi mumkin:

  1. Maqbullik shartlariga rioya qilmaslik;
  2. Gʻolib chiqish va imtiyozlarini oshirish niyatida adolatsiz yoki noqonuniy harakatlar sodir etish;
  3. Fotosuratlarni roʻyxatdan oʻtkazish yoki topshirishda notoʻgʻri yoki chalgʻituvchi bayonotlar qayd qilish.

ESLATMA! Fotosuratlarni yuklash ishtirokchining maqbullik shartlarining barchasiga rozi ekanligini bildiradi!

Foydali tomonlari

CEWE Foto Tanlovi gʻoliblari quyidagicha taqdirlanadilar:

  • 1-oʻrin- mutlaq gʻolib:

CEWE Foto tanlovi mukofoti, shuningdek oʻzingiz tanlagan sayohat uchun 15 000 yevroga baholangan sayohat xarajati, 7500 yevroga moʻljallangan foto jihozlar va 2500 yevroga teng CEWE foto mahsulotlar;

  • 2-dan 10-oʻringacha:

5000 yevroga teng foto jihozlar va har bir gʻolib uchun 2500 yevro qiymatidagi CEWE foto mahsulotlari;

  • 11-dan 30-oʻringacha

2500 yevroni tashkil etadigan foto jihozlar va har bir gʻolib uchun 1000 yevrodan iborat boʻlgan CEWE foto mahsulotlari;

  • 31-dan 1000-oʻringa qadar

Har bir gʻolib uchun 100 yevrodan iborat boʻlgan CEWE foto mahsulotlariga vaucher.

Hujjat topshirish

Roʻyxatdan ushbu havola orqali oʻtishingiz mumkin: https://contest.cewe-photoworld.com/cewephotoaward-2021/register?go_to=/cewephotoaward-2021/en_gb/add/photo

Eslatma! Roʻyxatdan oʻtish bilan siz barcha shartlarga rozi ekanligingizni bildirasiz. Shuning uchun roʻyxatdan oʻtish oldidan barcha muqobillik shartlari bilan yaxshilab tanishib chiqing!

Qoʻshimcha maʻlumotlar

  • Ishtirok etish faqat tanlovning veb-saytlari orqali amalga oshiriladi. Boshqa yoʻllar bilan yuborilgan arizalar hisobga olinmaydi;
  • Har bir ishtirokchi oʻzi yuklagan fotosuratlarni, shuningdek fotosuratlar haqidagi maʼlumotlarni va tavsiflarini shaxsiy foydalanuvchi hisob qaydnomasi orqali boshqarishi mumkin. Yuklash uchun rasmlarning hajmi kamida 1080 x 1080 piksel va fayl hajmi 22 megabaytdan (MB) oshmasligi kerak. JPEG — ruxsat berilgan yagona fayl formati.
  • Yuklangan har bir rasm koʻrsatilgan oʻlchamdagi versiyada boʻlishi kerak, tashkilotchi marketing faoliyati doirasida koʻrgazmalarda yoki bosma ommaviy axborot vositalarida nashr etish uchun maʼlum hollarda ishtirokchidan ushbu suratlarni soʻrashi mumkin;
  • Ishtirokchilarning oʻzlari yuklamoqchi boʻlgan fotosuratlarga ramkalar, suv izlari yoki bezak qoʻyish kabi dizayn vositalarini ishlatishlari qatʼiyan taʼqiqlanadi. Bunday holatlarda suratlar tanlovdan ogohlantirishsiz chiqarib tashlanadi.
  • Tanlov tashkilotchisi mavzu xususiyatlaridan qatʼiy ravishda chetga chiqqan fotosuratlarni oʻchirib tashlash huquqiga ega. Fotosuratlari oʻchirilgan taqdirda ishtirokchilarga xabar berilmaydi. Shuningdek, tashkilotchi taqdim etilgan tarkibga istalgan vaqtda va oldindan eʼlon qilinmasdan oʻzgartirish yoki qoʻshimchalar kiritish huquqini oʻzida saqlab qoladi;
  • Har bir CEWE tanlovi ishtirokchisi hamda unga hamkor tashkilotlar tanlovga qoʻyilgan rasmlardan erkin foydalanish (reklama, nusxa koʻchirish, tarqatish shular jumlasidandir) huquqiga ega boʻladi. Ishtirokchilarning tanlovda ishtirok etishlari hamda surat yuklashlari ularning ushbu shartga roziliklarini bildiradi;

Eslatma! Ushbu ruxsatnoma taqdim etilgan fotosuratlardan har qanday bosma va raqamli ommaviy axborot vositalarida hamda koʻrgazmalarda, kim oshdi savdolarida foydalanishni oʻz ichiga oladi. Ommaviy axborot vositalarida chop etilishi, ijtimoiy tarmoqlarda ham foydalanilishi mumkin. Boshqa tijorat maqsadlaridan foydalanishda muallif roziligini olish talab etiladi;

  • Germaniya jinoyat kodeksining 184-moddasiga muvofiq ishtirokchidan yuborilgan rasm fayllari mazmuni amaldagi taqiqlovchi meʼyorlarni, xususan bolalar pornografiyasini tarqatishga oid qoidalarni buzmasligi talab etiladi. Tashkilotchi qonunbuzarlik, zoʻravonlik, pornografiya, irqchilik yoki boshqa tajovuzkorlikni targʻib qilish bilan bogʻliq boʻlgan yoki raqobatni manipulyatsiya qilishga qaratilgan xabarlarni ogohlantirishlarsiz olib tashlaydi.
  • Ishtirokchilar istalgan vaqtda fotosuratlarni shaxsiy foydalanuvchi hisobidan oʻchirib tashlash orqali tanlovdan chiqarishlari mumkin. Hakamlar hayʼati qaror qabul qilganidan soʻng “Gʻoliblar” sahifasida joylashtirilgan fotosuratlar bundan mustasno;
  • Fotosuratlarni nashr qilganlik uchun tovon puli toʻlanmaydi;
  • Tashkilotchi tomonidan berilgan moddiy yutuqlar yoki voucherlar naqd pul bilan toʻlanmaydi va ularni almashtirish ham mumkin emas;
  • Sovrin gʻolibning shaxsan oʻziga taqdim etiladi;
  • Yuridik vakolati cheklangan ishtirokchilar oʻzlarining qonuniy vakillaridan ruxsat olishlari shart;
  • CEWE xodimlari, ularga hamkor shaxslar va tanlovni tayyorlash va oʻtkazishda ishtirok etadigan boshqa shaxslar ishtirok etishi mumkin emas.

ESLATMA! Fotosuratlarni yuklash ishtirokchining maqbullik shartlarining barchasiga rozi ekanligini bildiradi!

Tarmoqdan foydalanish va muloqot shartlari:

  • Aniq va tushunarli, bexato yozing: mintaqaviy shevalarda yozmaslik, jumlalarni toʻliq va aniq yozish talab etiladi. Yozilgan xabar butun Yevropa boʻylab oʻqilishini yodingizdan chiqarmang.
  • Muloyim boʻling: muloqot davomida kinoya va bir-birini tushunmaslik har xil tushunmovchiliklarga sabab boʻlib turli kelishmovchiliklar keltirib chiqarishi mumkin. Shunday ekan shaxsiyatga nomunosib soʻzlarni yozishdan saqlaning. Tanqid qilmoqchi boʻlsangiz xolis va muloyimlikni yoddan chiqarmang.
  • Oʻzgalarni fikrini hurmat qiling: Fotosuratlaringiz haqida tanqid qilishsa jahl va qoʻpllik qilib javob berishdan qoching va oʻzingiz tanqid qilgan paytingiz ham muloyimlikni saqlang.
  • Turli gʻoyalarni tarqatish va targʻib qilish taqiqlanadi!

Qoʻchimcha savollar yuzasidan murojaat uchun:

Tel: +49 (0) 441 404-0

Faks: +49 (0) 441 404-421

Elektron pochta: info@cewe.de

Veb: www.cewe.de

Germaniya
Mukofot jamgʻarmasi 250,000 yevro boʻlgan CEWE Fotosuratlar tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar