Umumiy mukofot jamgʻarmasi $3500 boʻlgan hajviy sheʼrlar uchun “Werge Flomp Humor Poetry” xalqaro tanlovi
  • 31/08/2021 Qabul boshlanishi
  • Mukofot Moliyalash turi
  • AQSh Davlat
  • 01.04.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Winner Writers sayti professional va havaskor shoirlar uchun tashkillashtiriladigan navbatdagi xalqaro hajviy sheʼrlar tanlovining 21-mavsumini eʼlon qiladi. Tanlovda dunyo boʻylab barcha yoshdagi ijodkorlar ishtirok etishlari mumkin.

Tanlov onlayn tarzda boʻlib oʻtadi. Ishtirokchilar oʻzlarining hajviy janrda yozilgan ingliz tilidagi sheʼrlarini taqdim etishlari va katta pul mukofotlariga ega boʻlishlari mumkin. Umumiy mukofot jamgʻarmasi $3500 ni tashkil qiladi. Bundan tashqari, alohida eʼtirof etilgan shoirlar ishlari ham munosib taqdirlanadi.

Tanlovda taniqli shoir Jendi Reyter va Loren Singer birgalikda hakamlik qiladi Tanlovda qatnashish mutlaqo bepul. Tanlovning avvalgi mavsum gʻoliblari bilan ushbu havola orqali tanishish mumkin.

Maqbullik shartlari

Tanlovda ishtirok etish uchun nomzodlar quyidagi talablarga javob berishi lozim:

  • Tanlovda barcha havaskor va professional ijodkorlar ishtirok etishlari mumkin;
  • Ijodiy sheʼrlar ingliz tilida hajviy janrda yozilgan va 250 qatordan oshmagan boʻlishi kerak;
  • Boshqa tildan yozilgan hajviy sheʼrlarni tarjima qilib yuborish mumkin;
  • Boshqa tanlovlarga yuborilgan va chop etilgan sheʼrlar ham qabul qilinadi. Lekin aynan ushbu tanlovda ilgari mukofotga sazovor boʻlgan sheʼrlar qabul qilinmaydi;
  • Faqatgina bitta sheʼr yuborish mumkin.

Tanlov shartlari bilan batafsil ushbu havola orqali tanishish mumkin.

Foydali tomonlari

Tanlov gʻoliblari quyidagicha taqdirlanadi:

  • 1-oʻrin$2000 miqdorida pul mukofoti, shuningdek dastur homiysi Duotrope tashkiloti tomonidan ikki yillik sertifikat (bahosi $100 teng);
  • 2-oʻrin$500 pul mukofoti;
  • 10 nafar eng yaxshi sheʼr mualliflarining har biri — $100 miqdorida pul mukofoti;
  • 12 ta eng yaxshi deb topilgan sheʼrlar Winning Writers saytida eʼlon qilinadi.

Tanlov manfaatli jihatlari haqida batafsil ushbu havola orqali maʼlumot olish mumkin.

Hujjat topshirish

Tanlovda ishtirok etish uchun nomzodlar roʻyxatdan oʻtish havolasi orqali 2022-yil 1-aprel sanasiga qadar ariza topshirilishlari lozim. Tanlov anonim tarzda boʻlib oʻtadi, shu bois sheʼrlar sarlavhasiga muallif maʼlumotlari yozilishi taqiqlanadi. Tanlovga ariza topshirish boʻyicha batafsil ushbu qisqa video orqali maʼlumot olish mumkin.

Qoʻshimcha maʻlumotlar

Tanlovning avvalgi mavsumi gʻoliblari ishlari bilan ushbu havola orqali tanishish mumkin.

Tanlovda qanday sheʼrlar yuborishi kerakligi, namunasi haqida batafsil ushbu havolada maʼlumot berilgan.

Natijalar 2022-yil 15-avgustda Winning Writers saytida e’lon qilinadi.

Qoʻshimcha savol va murojaatlar uchun: adam@winningwriters.com

AQSh
Umumiy mukofot jamgʻarmasi $3500 boʻlgan hajviy sheʼrlar uchun “Werge Flomp Humor Poetry” xalqaro tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar