Muqaddas Ramazon oyi xotiralari aks etgan fotolar va videolar tanlovi; gʻoliblar pul mukofoti bilan taqdirlanadi
  • 01/04/2022 Qabul boshlanishi
  • Mukofot Moliyalash turi
  • Turkiya Davlat
  • 25.04.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    18 yoshdan 35 yoshgacha

Doʻstlar bilan ulashing

Umumiy maʻlumotlar

Islamic Cooperation Youth Forum(ICYF) Ramadan Contest — Islom Hamkorligi Tashkiloti(IHT)ning bir qismi, xalqaro tashkilot boʻlgan Islom Hamkorligi Yoshlar Forumi (IHYF) Ramazon Tanloviga yoshlarni oʻzlarining ijodiy ishlarini taqdim etishga chaqiradi.

“Ramazon oʻz-oʻzini tafakkur etish va yaxshi qadriyatlarni singdirish oyi”

“Ramadan As A Month For Self Reflection and Instilling Good Values”

2022-yilgi IHYF Ramazon Tanlovi yoshlarga Ramazon oyi xotiralarini oʻzlarining fotosurat/qisqa videolari orqali dunyo bilan baham koʻrish uchun platforma boʻlib xizmat qiladi. Yoshlar muqaddas Ramazon oyidan yaxshilik qilish va insoniyatga oʻz jamiyatlariga xizmat qilishda ishonchni tiklash uchun qanday foydalanayotganliklarini koʻrsatib berish imkoniyatiga ega boʻlishadi. Tashkilotchilar musulmon yoshlarni bu yilgi “Ramazon oʻz-oʻzini tafakkur etish va ezgu qadriyatlarni singdirish oyi” mavzusiga muvofiq fotosurat va/yoki video formatda Ramazon oyini namoyish etishga chorlaydi.

Tanlov tashkil etilishidan bosh maqsad musulmon yoshlarni oʻz jamiyatlariga namunali yosh yetakchi va faol aʼzolar sifatida xizmat qilib, ularni ezgu ishlarga va savob amallarga undashdir.

Tanlov haqida batafsil maʼlumot bilan ushbu havola orqali tanishib chiqish mumkin.

Maqbullik shartlari

Tanlovda ishtirok etish talablari:

  • Islom Hamkorlik Tashkiloti(IHT)ga aʼzo (jumladan, Oʻzbekiston) yoki musulmonlar ozchilikni tashkil etuvchi davlatlardan boʻlgan, 18-35 yosh oraligʻidagi barcha yoshlar ishtirok etishi mumkin;
  • Tanlovda ishtirok etish mutlaqo bepul va jamoat uchun ochiq;
  • Bitta ishtirokchi har ikkala toifa boʻyicha ishtirok etishni istasa, har biri uchun alohida ariza toʻldirishi lozim;
  • Barcha ishlar ingliz tilida, quyidagilarni oʻz ichiga olgan qisqa maʼlumot/taʼrifi bilan yuborilishi lozim: fotosurat/video tasvirga olingan joyi, shahar, viloyat va fotosurat/film olinish vaqtidagi holatlar;

Tanlov qoidalari:

  • Tanlov tashkilotchisi (ICYF Secretariat) barcha taqdim etilgan ishlarni mezonlarga asosan saralash, va zarur boʻlganda oʻzgartirish, yakuniy qarorni qabul qilishga masʼul hisoblanadi;
  • Ishtirokchilar arizani toʻldirish orqali, tanlov shartlari va qoidalariga rozilik bildirgan hisoblanadi;
  • Bir nechta nomzod tomonidan ishlangan video bilan ishtirok etish uchun, bir kishi masʼul jamoa vakili etib tayinlanishi lozim;
  • Tanlovga taqdim etilgan fotosurat/qisqa videolar tanlov tashkilotchisi tomonidan ijtimoiy tarmoqlarda eʼlon qilinishi mumkin;
  • Avval boshqa tanlovlarda gʻolib deb topilgan ishlar hisobga olinmaydi;
  • Taqdim etilgan ishlar oʻzgartirish kiritilgan holda qayta taqdim etilishi mumkin emas;
  • Ishtirokchi tanlovga taqdim etgan ishlarini qaytarib olish huquqiga ega emas.

Tanlov shartlari va qoidalari bilan batafsil ushbu havola orqali tanishib chiqish mumkin.

Foydali tomonlari

Tanlov gʻoliblari uchun mukofotlar:

  • Har bir toifa boʻyicha taqdim etilgan eng yaxshi ish egalari $500 miqdoridagi pul mukofoti bilan taqdirlanadi;
  • Har bir toifa boʻyicha ikkinchi eng yaxshi ish egalari $250 miqdoridagi hakamlar hayʼatining maxsus mukofoti bilan taqdirlanadi.

Ushbu havola orqali mukofot haqida rasmiy maʼlumot bilan tanishib chiqish mumkin.

Hujjat topshirish

Tanlovda ihstirok etish uchun rasmiy sayt orqali onlayn ariza toʻldiriladi hamda fotosurat/video yuklanadi.

Qisqa video/film uchun texnik talablar:

  • Davomiyligi 3 daqiqadan oshmasligi kerak;
  • MP4, H264 formatlarida qabul qilinadi;
  • 1920×1080 oʻlchamlaridagi videolar qabul qilinadi;
  • Video hajmini oʻzgartiruvchi kompressorlardan foydalanish mumkin emas;
  • Videoda ovoz(audio) boʻlishi ixtiyoriy. Lekin ovozning yoʻqligi videoni tushunishga taʼsir qilmasligi inobatga olinishi lozim;
  • Video tuzilishi: Video boshida sarlavhasi, mualliflari va mansubligi va oxirida kreditlar koʻrsatilgan video muqovasini oʻz ichiga olishi kerak;
  • Videoda hech qanday tijorat nutqlari boʻlmasligi kerak va har bir videoning mualliflari audio va vizual kontentga aniq mualliflik huquqiga ega boʻlishi kerak.
     

Fotosuratlar uchun texnik talablar:

  • Fotosuratlar yuqori aniqlikdagi JPEG formatida topshirilishi va har bir fotosurat hajmi 50MB dan oshmasligi kerak;
  • Rasmlar asl holatida boʻlishi kerak (tahrirlar, fotoshop yozuvlari, logotip qoʻshilmagan va hokazo);
  • Fotosurat barcha qonuniy va mualliflik huquqi talablariga mos kelishiga ishonch hosil qilish talab etiladi;
  • Fotosurat asl nusxa boʻlishi kerak — mualliflik huquqi bilan himoyalangan rasmlardan foydalanish mumkin emas.

Gʻoliblarni aniqlaydigan hakamlar hayʼati ishtirokchilar tomonidan taqdim etilgan arizalarni baholaydi. Hakamlar hayʼati qarorlari har tomonlama yakuniy va majburiydir va shikoyat qilinishi mumkin emas. Taqdim etilgan arizalar quyidagi mezonlar boʻyicha baholanadi:

  • Mazmuni;
  • Ifodaning oʻziga xosligi va ijodkorligi;
  • Ishning sifati.

Tanlovga taqdim etiladigan ishlar uchun qoʻyilgan texnik talablar bilan batafsil ushbu havola orqali tanishib chiqish mumkin.

Qoʻshimcha maʻlumotlar

  • Ijodiy ishlar 2022-yil 1-apreldan 2022-yil 25-aprelgacha qabul qilinadi;
  • Gʻoliblar 2022-yil 30-aprelda eʼlon qilinadi.

Rasmiy sayt orqali tashkilotchilarga murojaat qilish mumkin.

Turkiya
Muqaddas Ramazon oyi xotiralari aks etgan fotolar va videolar tanlovi; gʻoliblar pul mukofoti bilan taqdirlanadi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar