“Najot Taʼlim” markazi tomonidan Qoraqalpogʻiston yoshlari uchun 200 ta taʼlim granti

14/03/2024 Qabul boshlanishi
Bepul Moliyalash turi
Oʻzbekiston Davlat
Iloji boricha tez Oxirgi muddat

Muhim tafsilotlar

Kimlar uchun

Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

O'zbek tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

“Najot Taʼlim” markazi Prezidentimizning qaroriga asosan qoraqalpogʻistonlik yoshlar uchun “Kelajak kasblari” loyihasi doirasida 200 ta grant eʼlon qiladi. “Najot Taʼlim” bu dasturlash, dizayn va marketing kabi zamonaviy kasblar oʻrgatiladigan markaz.

Ushbu grantda “Kelajak kasblari” loyihasining talablariga mos boʻlgan yoshlar qatnashishi mumkin. Grant yutgan oʻquvchilarga “Najot taʼlim” markazi tomonidan tanlagan yoʻnalishiga qarab, 1 yilgacha boʻlgan muddatda “Kelajak kasblari” boʻyicha belgilangan mablagʻ ajratiladi. "Kelajak kasblari" loyihasi doirasida dasturlash, grafik dizayn va SMM yo'nalishlaridan birida 1 yilgacha bo'lgan muddatda bepul ta'lim olishadi.

Grantlardan 100 tasi Toshkent filiali va qolgan 100 tasi Urganch filiali uchun ajratilgan. Dasturda faqatgina maʼlum bir toifaga tegishli yoshlar qatnashishi mumkin.

Najot Taʼlim nomzodlarni kirish imtihoni orqali saralab oladi. Imtihondan muvaffaqiyatli oʻtgan oʻquvchilar bilan 1 yilgacha grantda oʻqish uchun shartnoma tuziladi. Grantga nomzodlar IQ va ingliz tilidan imtihon asosida qabul qilinadi. Imtihonlar Toshkent, Urganch va Nukusda boʻlib oʻtadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Ushbu grantda "Kelajak kasblari" loyihasining talablariga mos bo'lgan barcha qoraqalpog'istonlik yoshlar qatnashishi mumkin.

Shuningdek, dasturda ishtirok etish uchun nomzodlar quyidagi toifalardan biriga kirishlari lozim:

Kam taʼminlangan oila farzandi;
Ishsiz yosh;
Jazoni ijro etish muassasasidan qaytgan shaxs;
“Mehribonlik uyi”, Bolalar shaharchasi yoki oilaviy bolalar uyida tarbiyalangan yosh;
Temir daftardagi oila farzandlari;
Yetim (chin, yarim, ijtimoiy);
Ijtimoiy himoyaga muhtoj boʻlgan;
1 yoki 2 guruh nogironligi boʻlgan yosh;
Muayyan yashash joyiga ega boʻlmagan yosh;
Ayollar daftariga kiritilgan oila farzandi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

Grant gʻoliblari “Kelajak kasblari” loyihasi doirasida dasturlash, grafik dizayn va SMM yoʻnalishlaridan birida 1 yilgacha boʻlgan muddatda bepul taʼlim olishadi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dasturga ariza topshirish va ID raqam olish tartibi quyidagicha:

Ariza qoldirish va ID raqam olish yoshlardaftari.uz platformasi yoki qisqa 1093 raqami orqali amalga oshiriladi;
Dastlab, oʻzingiz haqingizdagi shaxsiy maʼlumotlar boshqa kerakli boʻlimlarni toʻldirasiz;
Soʻng loyiha orqali oʻqimoqchi boʻlgan yoʻnalishingiz va oʻzingiz uchun qulay boʻlgan “Najot Taʼlim”ning Toshkent yoki Urganchdagi filiallaridan birining manzilini hamda sohangizni belgilaysiz;
Ariza topshirish yakunida sizga ID raqam beriladi va arizangiz koʻrib chiqish uchun qabul qilinadi. Sizga berilgan ID raqamni saqlab qoʻyishingiz va Najot Taʼlimdagi imtihondan roʻyxatdan oʻtish havolasida kiritishingiz kerak boʻladi.

Eslatma! Najot Taʼlim nomzodlarni kirish imtihoni orqali saralab oladi. Imtihondan muvaffaqiyatli oʻtgan oʻquvchilar bilan 1 yilgacha grantda oʻqish uchun shartnoma tuziladi. Grantga nomzodlar IQ va ingliz tilidan imtihon asosida qabul qilinadi. Imtihonlar Toshkent, Urganch va Nukusda boʻlib oʻtadi. Imtihon manzillari haqida tez orada xabar beriladi.

Dasturga ushbu havola orqali ariza topshirish mumkin.

Rasmiy havola Hujjat topshirish