Najot Taʼlimdan SMM sohasi boʻyicha 2 oylik kursda bepul o’qish imkoniyati

Najot Taʼlim tomonidan 16-28 yosh oraligʻidagi Xorazm, Fargʻona va Samarqand yoshlari uchun SMM sohasi boʻyicha grant taqdim etiladi.

Grantlar soni 30 ta boʻlib, nomzodlar “Najot Taʼlim” jamoa aʼzolari tomonidan onlayn suhbat asosida saralab olinadi.

Dastur Najot Taʼlim, Robbit, Lola animation, Edfix loyihalariga kadr tayyorlash, eng yaxshi bitiruvchilarni jamoa aʼzosiga aylantirish maqsadida tashkil etilmoqda.

Roʻyxatdan oʻtish 28-oktyabrdan 9-noyabrgacha davom etadi.

Dastur haqida batafsil ushbu havola orqali maʼlumot olish mumkin.

• Dasturda 16-28 yosh oraligʻidagi Xorazm, Fargʻona va Samarqand yoshlari qatnashishi mumkin;
• Nomzod Toshkentga kelib taʼlim olish imkoniyatiga ega boʻlishi lozim.

Muhim: Ingliz tilini bilish majburiy emas, biroq saralashda nomzodning til bilish darajasi hisobga olinadi.

• Gʻoliblar Najot Taʼlimning Chilonzor filialida 2 oy davomida bepul oʻqish imkoniyatini qoʻlga kiritadi;
• SMM sohasi boʻyicha chuqur bilimlar beriladi.

Eslatma: Grant gʻoliblari faqatgina Toshkent shahrida oʻqishlari mumkinligini inobatga olishlari kerak.

Dasturda qatnashishni istaganlar ushbu havola orqali ariza topshirishlari mumkin.

Ariza topshirishda quyidagilar soʻraladi:

• Shaxsiy maʼlumotlar;
• Til bilish darajasini tasdiqlovchi hujjat, jumladan, IELTS, CEFR va boshqa (majburiy emas);
• Oʻqimoqchi boʻlgan SMM yoʻnalishi;
• Nomzodning Toshkentga kelib taʼlim olish imkoniyati;
• Talabgorning biografiyasi (PDF formatda, maksimal 10 MB);
• Motivatsion xat (PDF formatda, maksimal 10 MB).

• Dasturga hujjat topshirish uchun oxirgi muddat: 9-noyabr, 2024-yil;
• Tel: +998-78-888-98-88.