NASA va HCAS tomonidan CineSpace Xalqaro qisqa metrajli filmlar tanlovi; bosh mukofot — $10 000
  • 01/05/2022 Qabul boshlanishi
  • Mukofot Moliyalash turi
  • AQSh Davlat
  • 16.07.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    18 yoshdan

Doʻstlar bilan ulashing

Umumiy maʻlumotlar

8th Annual CineSpace Short Film Competition - NASA va Houston Cinema Arts Society (HCAS) 2022-yilgi CineSpace Xalqaro Qisqa Metrajli Filmlar Tanloviga ijodiy ishlarni qabul qila boshladi. Butun dunyo kinoijodkorlari oʻz ishlarini Tongal kontent yaratish platformasiga yuborish imkoniyatiga ega.

Filmlar har qanday janrda va har qanday mavzuda boʻlishi mumkin. NASA tomonidan ilhomlantirilgan noyob kino durdonalarini yaratish uchun filmning kamida 10% qismida NASA arxiv tasvirlaridan foydalanish kerak boʻladi.

Gʻoliblar 2022-yilgi Houston Cinema Arts Festivali doirasida 2022-yil oktyabr oyida eʼlon qilinadi va taqdirlanadi.

Tanlov haqida batafsil rasmiy sayt orqali maʼlumot olish mumkin.

Maqbullik shartlari

Tanlovda ishtirok etish talablari:

  • Ishtirok etayotgan vaqtda 18 yoshdan katta boʻlishi kerak;
  • 18 yoshdan kichik ishtirokchilarning ishlari ota-ona/vasiy shaxs tomonidan taqdim etilishi mumkin;
  • Video ingliz tilida boʻlishi yoki ingliz tilidagi subtitrga ega boʻlishi kerak;
  • Videoning kamida 10% qismi NASA arxivlarida yoki boshqa ochiq manbalarda topilishi mumkin boʻlgan NASA video tasvirlaridan iborat boʻlishi kerak. (NASA tasviri After Effects yoki boshqalar yordamida oʻzgartirilishi mumkin).
  • Video 2020-yil 1-yanvar sanasidan soʻng suratga olingan/tayyorlangan boʻlishi kerak;
  • Video davomiyligi 10 daqiqadan oshmasligi lozim;
  • Videoning sifatini saqlab qolish uchun 1080p formatida boʻlishi tavsiya etiladi;

Taqdim etiladigan ishlar:

  • Innovatsion badiiy taqdimot va hikoya qilishga asoslangan;
  • Hissiy munosabatni(emotional response) qoʻzgʻatadigan;
  • Kino sohasidagi mahoratini koʻrsata oladigan boʻlishi lozim.

CineSpace barcha janr va uslublar uchun ochiq, jumladan, eksperimental, hikoya, hujjatli film, komediya, drama, animatsiya, ambient, musiqiy videolar, re-miks, sport, dahshat (horror) va underground.

Tanlov talablari va shartlari bilan batafsil ushbu havola orqali tanishib chiqishingiz mumkin.

Foydali tomonlari

Umumiy tanlov mukofotlari:

  • Bosh mukofot: $10 000;
  • Ikkinchi mukofot: $5 000;
  • Uchinchi mukofot: $3000.

Maxsus toifalar va mukofotlar:

  • Birlik va hamjihatlik eng yaxshi tasvirlaydigan film: $4000;
  • Kelgusi avlodni STEM (fan, texnologiya, muhandislik va matematika) sohasida ishlashga ilhomlantiradigan oʻquv filmi: $4000.

Tanlov mukofotlari haqida maʼlumotlar bilan batafsil ushbu havola orqali tanishib chiqish mumkin.

Hujjat topshirish

Tanlov boʻyicha qisqacha maʼlumot, tanlov yoʻriqnomasi va topshirish shakliga kirish Tongal platformasida berilgan. Platformaga kirish va ijodiy ishni topshirish hech qanday toʻlov talab qilmaydi.

Videoni yuklash bosqichlari:

  1. Tanlovda ishtirok etish uchun Tongal platformasida akkaunt ochish.
  2. Videoni platformada yuklash. Videoni yuklashdagi talablar:
  • HD 720p 16x9 formatda;
  • .mov, .avi, .mp4, .wmv fayl formatlaridan birida;
  • H.264 (mp4), mpeg-4, H.263, mpgv, wmv, or DivX. video kodekslaridan foydalangan boʻlishi lozim;
  • CineSpace barcha tanlangan ishlarni eng yuqori aniqlikda, 1080p formatida ekranga chiqaradi.

3. Taqdim etish formasida kerakli maʼlumotlarni toʻldirish.

Ushbu havola orqali tanlovda ishtirok etish shartlari va qoidalari bilan batafsil tanishib chiqish mumkin.

Qoʻshimcha maʻlumotlar

Bogʻlanish uchun ushbu havola orqali aloqa maʼlumotlarini olish mumkin.

AQSh
NASA va HCAS tomonidan CineSpace Xalqaro qisqa metrajli filmlar tanlovi; bosh mukofot — $10 000

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar