Niderlandiyada magistratura bosqichini oʻqish uchun 5000 yevro miqdoridagi NL Scholarship granti

Niderlandiyaning eng qadimgi va eng katta universitetlaridan biri Delft texnologiya universiteti magistratura bosqichini oʻqimoqchi boʻlgan xalqaro talabalar uchun NL Scholarship grantini taqdim etadi. Universitetdagi har bir fakultet uchun 4 tadan grant ajratilishi rejalashtirilgan.

Dasturdan asosiy maqsad ilgʻor fikrli va qobiliyatli yoshlarni mamlakatga jalb qilish, shuningdek, ularning muvaffaqiyat qozonishiga yaqindan yordam berish hisoblanadi.

Grant quyidagi yoʻnalishlarga beriladi:

• Aerospace Engineering;
• Applied Mathematics;
• Architecture, Urbanism and Building Sciences;
• Computer Science;
• Computer & Embedded Systems Engineering; 
• Design for Interaction;
• Electrical Engineering;
• Integrated Product Design;
• Management of Technology;
• Strategic Product Design.

Maʼlumot uchun: NL Scholarship granti (ilgari Gollandiya stipendiyasi sifatida tanilgan) Niderlandiyada bakalavr yoki magistr darajasini olishni xohlovchi Yevropa iqtisodiy hududi (EEA) dan tashqaridagi xalqaro talabalar uchun moʻljallangan. Dastur Niderlandiya taʼlim, madaniyat va fan vazirligi hamda Niderlandiya tadqiqot universitetlari va amaliy fanlar universitetlari tomonidan moliyalashtiriladi. 

Dastur haqida batafsil ushbu havola orqali maʼlumot olish mumkin.

• EEA (Yevropa iqtisodiy hududi)ga aʼzo boʻlmagan davlat fuqarolari qatnashishi mumkin;
• Nomzodlar Niderlandiyadan tashqarida xalqaro miqyosda tan olingan universitetda bakalavr darajasiga ega boʻlishi va hozirda Delft texnologiya universitetidagi 2 yillik magistratura dasturlaridan biriga qabul qilingan boʻlishi kerak;
• Nomzod ilgari birorta Niderlandiyadagi taʼlim muassasasida oʻqimagan boʻlishi shart;
• Saralashda nomzod erishgan akademik yutuqlar inobatga olinadi;
• Ingliz tilini bilish darajasini koʻrsatuvchi til sertifikatlari soʻraladi:
  • TOEFL iBT (minimal 100);
  • IELTS (minimal 7);
  • Cambridge Assessment English.
• Nomzodda jamoaviy ruh va xalqaro ish muhitiga moslashuvchan munosabat boʻlishi lozim;
• Moliyaviy jihatda Niderlandiya vizasini olish imkoniyatiga ega boʻlish kerak.

Muhim: Yuqoridagi talablar nomzodlarga qoʻyilgan umumiy talablardir. Shuning uchun tanlangan muassasaning ichki talablari bilan ham tanishib chiqish lozim.

• Birinchi oʻquv yilida 5000 yevro miqdorida grant ajratiladi;
• Nomzodga koʻpi bilan 3 marta (15 000 yevro) ushbu grantni qoʻlga kiritishi mumkin. 

Eslatma: Grant miqdori nomzodning fuqaroligi, amalga oshiriladigan maxsus toʻlov va universitet toʻloviga koʻra belgilanadi.

Dasturga hujjat topshirish quyidagi bosqichlarda amalga oshiriladi:

• Magistratura dasturi uchun ariza toʻldiriladi;
• Grant uchun ariza formasi yuklanadi;
• 2 ta tavsiyanoma joylanadi (PDF formatda). Tavsiyanomalar ushbu talablarga javob berishi kerak;
• Til bilish sertifikati joylanadi.

Talab qilinadigan hujjatlar:

• Bakalavr darajasining asl yoki tasdiqlangan nusxasi;
• Akademik transkriptlar;
• Til bilish sertifikati;
• Motivatsion xat ( maksimal 1500 ta soʻz);
• CV (maksimal 3 bet);
• Shaxsni tasdiqlovchi hujjat;
• Maʼlumotnomalar (agar mavjud boʻlsa);
• Portfolio (agar mavjud boʻlsa);
• GRE (agar mavjud boʻlsa).

Muhim: Dasturga hujjat topshirish uchun 100 yevro koʻrinishida bir martalik toʻlovni amalga oshirish talab qilinadi. Grant olish uchun zarur boʻlgan barcha hujjatlar magistratura dasturi uchun ariza bilan birga topshirilishi kerak.

• Dasturga hujjat topshirish uchun oxirgi muddat: 2-fevral, 2025-yil (03:59);
• Natijalar 2025-yil mart oyining oxiri va 2025-yil may oyigacha eʼlon qilinadi;
• Takroran soʻraladigan savollarga javob bu yerda.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Twitter;
• Instagram;
• Youtube;
• Linkedin;
• Whatsapp.