Niderlandiyaning The Hague Academy of International Law akademiyasi tomonidan huquq yoʻnalishi talabalari va mutaxassislari uchun barcha xarajatlari qoplanadigan yozgi kurslar

Niderlandiyaning xalqaro huquq boʻyicha nufuzli oʻquv dargohlaridan biri The Hague Academy of International Law akademiyasi huquq sohasi boʻyicha oʻqiyotgan yoki ishlayotganlar uchun yozgi kurslarni taqdim etadi.

Ushbu kurs davomida ishtirokchilar quyidagi sohalar boʻyicha oʻz bilim va koʻnikmalarini mustahkamlashlari mumkin:

• Public International Law;
• Private International Law.

Yozgi kurslar toʻliq 3 hafta davom etadi. Ushbu muddat davomida ishtirokchilar 6 xil mavzuni qamrab olgan darslarda ishtirok etish bilan birga, tushdan keyingi seminar va tajribali mutaxassislar tomonidan olib boriladigan maʼruzalarda ham qatnashish imkoniyatiga ega boʻladi.

Avvalgi yillarda ushbu dasturda Oʻzbekistondan jami 9 nafar ishtirokchilar qatnashishgan. Batafsil ushbu havola orqali maʼlumot olishingiz mumkin.

Ushbu yozgi kursda ishtirok etish pullik, ammo ishtirokchilarning 15%i uchun grantlar ajratilgan boʻlib, ushbu dasturga qabul qilingan nomzodlar kurslarda bepul ishtirok etish bilan birga, ularga safar va turar joy xarajatlari uchun moliyaviy yordam beriladi.

Dasturda ishtirok etish uchun nomzodlar quyidagi talablarga javob berishi lozim:

• Dasturda istalgan davlat fuqarolari ishtirok eta oladilar;
• Nomzod Xalqaro huquq sohasi boʻyicha bakalavr kamida 3-bosqichini tamomlagan boʻlishi lozim;
• Ingliz yoki fransuz tilini mukammal darajada bilishi shart;
• Huquq sohasi boʻyicha kuchli bilim va qiziqishga ega boʻlishi darkor.

Dastur talablari haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imtiyozlarga ega boʻladi:

• Dasturga qabul qilingan nomzodlar yozgi kursda bepul ishtirok etadilar;
• Kurs yakunlangandan soʻng safar xarajatlari uchun moliyaviy yordam beriladi. Oʻzbekistonliklar uchun €350;
• Kurs boshlanganda turar joy xarajatlari uchun €550 bilan taʼminlanadi;

Dasturning manfaatli jihatlari haqida batafsil ushbu havola orqali maʼlumot olish mumkin.

Doctoral Scholarships dasturiga qabul qilinganlar quyidagi imtiyozlarga ega boʻladi:

• Umumiy qiymati €2250 stipendiya (kuniga €35);
• Safar xarajatlarining yarmi qoplab beriladi (eng koʻpi bilan €910 gacha);
• Kurslarda bepul ishtirok etadi.

Doctoral Scholarships dasturi haqida batafsil ushbu havola orqali maʼlumot olish mumkin.

Dasturda ishtirok etish uchun arizalar 1-noyabrdan boshlab onlayn tarzda qabul qilinadi.

Ariza topshirishdan avval tayyorlanishi kerak boʻlgan hujjatlar;

• Shaxsni tasdiqlovchi hujjat, yaʼni pasport yoki ID nusxasi;
• Bir dona shaxsiy rasm;
• Talabalar uchun universitetda oʻqiyotganligini tasdiqlovchi hujjat nusxasi (universitetda olingan baholar ham qabul qilinadi);
• Mutaxassislar uchun oʻsha tashkilot/kompaniyada ishlayotganligini tasdiqlovchi maʼlumotnoma va eng oxirgi ilmiy darajasini tasdiqlovchi hujjat yaʼni universitet diplomi yoki baholari;
• Grant dasturda ishtirok etish sababi aks etgan qisqa xat (eng koʻpida 1,5 sahifa);
• Xalqaro huquq oʻqituvchisidan tavsiyanoma. (Tavsiyanomalar professor tomonidan email orqali scholarship-bourses@hagueacademy.nl manzilga joʻnatilishi lozim)

Doctoral Scholarship dasturiga ariza topshirish uchun kerakli hujjatlar:

• Nomzod haqiqatdan dissertatsiya ishi olib borayotgani va bunda ushbu dasturning ahamiyati aks etgan motivatsion xat;
• Ilmiy rahbaridan tavsiyanoma;
• Dissertatsiya ishi haqida asosiy maʼlumotlar ifodalangan bayonnoma.

Kerakli hujjatlarning barchasi PDF shaklida (nomzod shaxsiy surati JPEG shaklda) va ingliz yoki fransuz tilida boʻlishi shart.

Hujjat topshirish haqida batafsil ushbu havola orqali maʼlumot olish mumkin.

Eng koʻp berilgan savollar va ularning javoblari bilan ushbu havola orqali tanishishingiz mumkin.

Ushbu kurslarda oʻz hisobidan ham qatnashish imkoniyati mavjud:

• Bitta kurs uchun — 1150 yevro;
• Har ikkala kurs uchun — 2050 yevro.

Scholarship Regulations, yaʼni grant olish tartibi haqida ushbu havola orqali maʼlumot olish mumkin.

Dasturga qabul qilinganlar roʻyxati 2022-yil aprel oyida email orqali eʼlon qilinadi.

Hujjatlarni PDF shakliga oʻzgartirish boʻyicha qoʻllanma haqida ushbu havola orqali maʼlumot olish mumkin.

Qoʻshimcha savol va murojaatlar uchun: info@hagueacademy.nl