Niderlandiyaning Twente Universitetida magistratura bosqichida oʻqish uchun University Twente Scholarship dasturi. Yillik stipendiya miqdori — €22,000 gacha!

Niderlandiyaning Twente universitetining  magistratura bosqichida o‘qish uchun University Twente Scholarship (UTS) stipendiyasi e’lon qilinadi. Twente universitetiga qabul qilingan talablar keng doiradagi yuqori sifatli va xalqaro yoʻnaltirilgan magistratura bir necha mutaxassislik yo‘nalishlarida birida o‘qish imkoniyatiga ega bo‘ladilar. 

Talabalar nanotexnologiya, biotibbiyot texnologiyalari, axborot texnologiyalari, boshqaruvni o‘rganish, barqaror energiya va yuqori texnologiyali tizimlar kabi ko‘plab sohalarda jahon darajasidagi obro‘ga ega bo‘lgan Twente universitetida muhandislik, tabiiy va sog‘liqni saqlash fanlaridan tortib, xulq-atvor va menejmentlik bilan bog‘liq bo‘lgan sohalarda mukammal ta‘lim va tadqiqotlarga ega bo‘ladilar. Muvaffaqiyatli ishtirokchilar  yiliga €3,000 dan  €22,000 gacha stipendiyaga  ega bo‘ladilar

Dastur bilan ushbu havola orqali batafsil tanishib chiqish mumkin.

Twente universiteti stipendiyasiga ega bo‘lish uchun nomzodlar quyidagi  talablarga javob berishlari kerak:

• Twente universitetining magistratura bosqichiga qabul qilinganlik bo‘yicha qabul xatini olgan bo‘lishi (magistratura uchun ariza topshirilgandan keyin natijalar chiqishi 8 haftagacha vaqt olishi mumkin);
• Talabalik identifikatsiya (student number) raqami bo‘lishi;
• Bakalavriatni Twente universitetida tugatmagan bo‘lishi;
• Niderlandiyada yashash uchun vizani olish shartlariga rioya qilishi;
•  IELTS 6.5 (speaking 6.0 dan kam bo'lmagan holda) yoki TOEFL 90 til sertifikatiga ega bo‘lish.

Dasturning maqbullik shartlari bilan ushbu havola orqali batafsil tanishib chiqish mumkin.

Dasturga qabul qilingan talabalar quyidagi imtiyozlarga ega bo‘ladilar:

• Yiliga €3,000 dan €22,000 gacha stipendiya (taxminan 50 ta talabaga taqdim qilinadi);
• Twente universitetida o'qishning taxminiy yashash xarajatlari haqida ushbu havola orqali tanishib chiqish mumkin (kontrakt  to‘lovlari bundan mustasno).

Ikki yillik o‘quv dasturida talabalar ikkinchi yil xarajatlarini qoplash uchun birinchi yildagiga teng miqdorda stipendiyani olishlari mumkin. Biroq, quyidagi talablarga javob bergan holatdagina  talabalar ikkinchi yil ham stipendiyani olishlari davom ettiriladi:

• Talablar birinchi yilning uchinchi choragi oxirida o‘rtacha 7 ball (10 balldan) yig‘gan bo‘lishlari;
• Birinchi yilning uchinchi choragi oxirida Yevropa kreditlarining kamida 50% bo‘lishi.

Dasturning imtiyozlari bilan ushbu havola orqali batafsil tanishib chiqish mumkin.

Dasturga quyidagi tartibda ariza topshiriladi:

• University of Twente Scholarship'ga ariza topshirish uchun avval Twente universitetining magistratura dasturiga ariza topshiriladi. Magistratura bosqichiga qabul qilinganlik bo‘yicha qabul xatini olgandan so‘ng, talabalik identifikatsiya raqami bilan Twente University Scholarshipga ariza topshirish  mumkin; 
• Ushbu havola orqali Twente universitetining magistratura dasturiga ariza topshirish hamda mavjud yo‘nalishlar bilan batafsil  tanishib chiqish mumkin;
• Dasturga ariza ushbu havola orqali topshiriladi.

Dasturga har yili ikki marta qabul o'tkaziladi:

• 15-oktyabrdan 1- fevralgacha (1-round)
• 1-fevraldan 1-maygacha (2-round).

Qo‘shimcha ma’lumotlar:

• Tez-tez beriladigan savollar;
•  Tel:(+31) 53 489 911;
• Email: info@utwente.nl;
• Ushbu havola orqali qo‘shimcha savollarni so‘rash mumkin.