Nufuzli Xitoy universiteti - Harbin Institute of Technologyda magistratura yoki doktorantura bosqichini toʻliq bepul oʻqish uchun Chinese Government Scholarship dasturi

Xitoyning eng nufuzli Harbin Institute of Technology oliygohida magistratura yoki doktorantura darajalarida oʻqimoqchi boʻlgan xorijlik talabalar Chinese Government Scholarships Program grant dasturiga hujjat topshirishlari mumkin.

Grant dasturi talabaning roʻyxatdan oʻtish badali, oliygohda oʻqish toʻlovi va yotoqxona toʻlovlarini qoplab beradi. Shuningdek, tibbiy sugʻurta va oylik stipendiya bilan taʼminlanadi.

Harbin Institute of Technology tomonidan taqdim etiladigan ingliz yoki xitoy tilida oʻqitiladigan magistratura yoki doktorantura dasturlariga qabul qilingan talabalar hujjat topshirishlari mumkin

Xitoy tilida oʻqitiladigan magistratura dasturlari.

Ingliz tilida oʻqitiladigan magistratura dasturlari.

Xitoy tilida oʻqitiladigan doktorantura dasturlari.

Ingliz tilida oʻqitiladigan doktorantura dasturlari.

• Nomzod xitoy millatidan boʻlmasligi kerak;
• Magistraturada oʻqish uchun nomzod bakalavr darajasiga ega boʻlishi va 35 yoshdan oshmagan boʻlishi kerak;
• Doktoranturada oʻqish uchun nomzod magistratura darajasiga ega boʻlishi va 40 yoshdan oshmagan boʻlishi kerak;
• Nomzod akademik yuqori koʻrsatkichlarga ega boʻlishi kerak;
• Nomzod ilmiy tadqiqot qilish qobiliyatiga ega boʻlishi kerak;
• Xitoydan boshqa davlatdagi xorijiy talabalar yoki Xitoy universitetlarida tahsil olgan xorijiy talabalar hujjat topshirishi mumkin.

Muhim: Ushbu grantni yutib olgan nomzodlar boshqa grant takliflarini qabul qila olmaydi.

• Grant sohibi roʻyxatdan oʻtish badali, universitetda oʻqish toʻlovi va yotoqxona toʻlovlaridan toʻliq ozod etiladi;
• Tibbiy sugʻurta uchun har yili 800 CNY ($112) beriladi;
• Talaba Xitoyga kelganidan boshlab quyidagi stavkalarda oylik stipendiya beriladi:
  • Magistrantlar uchun 3000 CNY($420)
  • Doktorantlar uchun 3500 CNY ($490)

Nomzodlar ushbu havоla оrqali ariza shklini tо'ldirib, quyidagi hujjatlarni yuklashi va koʻrib chiqilishi uchun talab etilgan badal pulini toʻlashi kerak

• Grant dasturi uchun toʻldirilgan ariza formasi:
  • Ariza formasini Chinese Government Scholarship Information Systemda roʻyxatdan oʻtish orqali olish mumkin. Tizimda “Scholarship type” boʻlimiga “B” deb belgilash va 10213 kodini kiritish kerak.
• Oxirgi tugallangan daraja diplomining ingliz yoki xitoy tilidagi notarial tasdiqlangan nusxasi;
• Ingliz yoki xitoy tiliga tarjima qilingan va notarial tasdiqlangan transkriptlar(baholar);
• Oʻqish yoki tadqiqot rejasi (ingliz yoki xitoy tilida; kamida 1000 ta sо'z);
• Professor yoki dotsentdan 2 ta tavsiyanoma (ingliz yoki xitoy tilida);
• Pasport nusxasi;
• Foreigner Physical Examination Form nusxasi;
• Ariza koʻrib chiqilishi uchun badal pulining toʻlanganligini koʻrsatuvchi bank kvitansiyasi ($60 yoki 400 CNY);
• Til bilish sertifikati (tanlangan dasturning oʻqitish tiliga qarab ingliz yoki xitoy tilini bilish sertifikati);
• Jinoyat sodir etmaganligini tasdiqlovchi hujjat;
• Universitetga qabul qilinganlik xati.

Eslatma: Ingliz yoki xitoy tiliga tarjima qilingan barcha rasmiy hujjatlar notarial tasdiqlanishi kerak. Universitet yoki institut tomonidan tasdiqlangan(imzo va muhr) hujjatlar qabul qilinmaydi.

Qoʻshimcha savol va murojaatlar uchun: StudyatHIT@hit.edu.cn 

Pochta manzili: No.11 Siling Street, Nangang District, Harbin (150001), China